Cynghorydd Proffesiynol – Dysgu Sylfaen x 2 swydd

Cyf 80

Mae Llywodraeth Cymru yn gweithredu proses recriwtio ddienw. Ni fydd y panel recriwtio yn gweld gwybodaeth bersonol fel enw a chyfeiriad ymgeisydd yn ystod y broses ddidoli. Mae’r polisi hwn yn unol â’n hymrwymiad i ddileu rhagfarn, ac i hyrwyddo cydraddoldeb ac amrywiaeth.

Manylion swydd wag

Cynghorydd Proffesiynol – Dysgu Sylfaen x 2 swydd  

15/09/2023, 16:00 

Secondiad
Gan fod secondai yn parhau ar ei delerau ac amodau cyfredol, bydd yn trosglwyddo ar ei gyflog presennol ac ni fydd yn gymwys i dderbyn cyflog neu fudd-daliadau Llywodraeth Cymru. Dim ond mewn achosion eithriadol, e.e. lle byddai secondiad yn cyfateb i ddyrchafiad dros dro o ran cyflog, y gallai fod hyblygrwydd. Yn y sefyllfa hon efallai y bydd Llywodraeth Cymru yn barod i'r secondai gael ei dalu ar isafswm y Band Cyflog ar gyfer y radd y penodir iddi. Fodd bynnag, byddai angen i gyflogwr y secondai gymeradwyo hyn ac ni chytunir ar godiadau cyflog pellach drwy gydol y secondiad oni bai bod hynny’n unol â buddion cyflog cytundebol cyflogwr y secondai a bod LlC yn cytuno i hynny.
Gradd 7 £61,098 i £73,057
Rhan amser
24 mis
Grŵp Addysg, Cyfiawnder Cymdeithasol a’r Gymraeg
Dysgu Sylfaen
Ledled Cymru

Ystyr 'Cymru Gyfan' yw y gall deiliad y swydd fod wedi'i leoli mewn unrhyw swyddfa Llywodraeth Cymru, gan ddibynnu ar anghenion y busnes.

Mae rhestr o swyddfeydd Llywodraeth Cymru ar gael yn www.llyw.cymru/swyddfeydd-llywodraeth-cymru.  Sylwch na fydd hi efallai yn bosibl bodloni dewis rhywun o leoliad swyddfa penodol.

Ystyrir bod deiliad y swydd yn teithio o'i gartref i'r swyddfa Llywodraeth Cymru a neilltuwyd iddynt yn 'daith cymudo arferol', a rhaid iddynt ei gyflawni yn ei hamser a chost ei Hunain.

Mae’r Gangen Dysgu Sylfaen (y Cyfnod Sylfaen gynt) yn rhan o Gyfarwyddiaeth Addysg Llywodraeth Cymru. Mae’r Gangen yn gyfrifol am gryfhau addysgeg addysg gynnar, a sicrhau bod anghenion ein dysgwyr ieuengaf yn cael eu hystyried yn llawn wrth weithredu’r Cwricwlwm i Gymru, yn benodol sicrhau bod Galluogi dysgu, Cwricwlwm ar gyfer lleoliadau meithrin a ariennir nas cynhelir a threfniadau asesu ar gyfer lleoliadau meithrin a ariennir nas cynhelir yn cael eu hymgorffori’n llawn.

Mae Llywodraeth Cymru yn dymuno parhau i gryfhau'r arbenigedd proffesiynol ac ymarferol sydd ar gael i gefnogi gweithredu llwyddiannus.  Fel cynghorydd proffesiynol, bydd gofyn ichi gefnogi gwaith yr Is-adran Cwricwlwm, Asesu a Gwella Ysgolion i sicrhau bod addysgeg ac ymarfer addysg gynnar yn cael eu hymgorffori mewn ysgolion a lleoliadau meithrin a ariennir nas cynhelir.  Rydym yn awyddus i sicrhau bod cymorth priodol ar gael i bob ymarferydd i ddiwallu anghenion ein dysgwyr ieuengaf yn effeithiol. Mae'r ethos hefyd yn ymestyn i bob lleoliad gofal plant yn unol â'r Safonau Gofynnol Cenedlaethol.

Mae'r swyddi hon yn hanfodol i ddatblygu blaenoriaethau trawsbortffolio ehangach, gan gynnwys cydweithio ar ddatblygu system gydlynol o chwarae, dysgu a gofal plentyndod cynnar. 

Disgwylir i'r ymgeiswyr llwyddiannus weithio i Lywodraeth Cymru am 3 diwrnod yr wythnos (yn agored i drafodaeth) ac aros yn eu swyddi presennol gyda'u cyflogwr cyfredol (o fewn y sector addysg neu'r sector blynyddoedd cynnar mewn rôl berthnasol) am weddill eu horiau contract. Bydd hyn yn galluogi cael gwybodaeth am sut mae polisïau'n gweithio ar lawr gwlad.


Prif gyfrifoldebau:

  • Cyfrannu at gyflawni blaenoriaethau perthnasol a amlinellir yn i sicrhau bod ein dysgwyr ieuengaf yn dilyn cwricwlwm sy'n eu galluogi i ddatblygu i'w llawn botensial.

  • Darparu cyngor proffesiynol ac ymarferol – gan weithio gyda swyddogion Llywodraeth Cymru ac ymgysylltu â rhanddeiliaid ehangach – ar bob mater sy'n ymwneud ag ymarfer addysgeg addysg gynnar.

  • Cefnogi'r gwaith parhaus o ddatblygu adnoddau ar gyfer ymarferwyr yn y sector nas cynhelir i weithredu cwricwlwm ar gyfer lleoliadau meithrin a ariennir nas cynhelir a'r trefniadau asesu cysylltiedig yn effeithiol.

  • Datblygu trefniadau i gryfhau'r dull o ddysgu a datblygu - gan adeiladu ar ganllawiau Cwricwlwm i Gymru - mewn lleoliadau gofal plant nad ydynt wedi'u hariannu i ddarparu addysg feithrin.

  • Cefnogi'r gwaith parhaus o ddatblygu’r cyfathrebu a’r ymgysylltu ag ysgolion a lleoliadau i hyrwyddo ac ymgorffori dealltwriaeth o addysgeg addysg gynnar yn y Cwricwlwm i Gymru.

  • Helpu i lywio datblygiad a darpariaeth rhaglenni i roi dull gweithredu ar waith sy’n fwy cydlynol o ran chwarae, dysgu a gofal plentyndod cynnar yng Nghymru.

Mae'r swydd hon yn gyfle gwych i gael dealltwriaeth ehangach o waith datblygu polisi yn Llywodraeth Cymru, gyda chyfleoedd i weithio gyda rhanddeiliaid allweddol o fewn y Llywodraeth ac ar draws Cymru gyfan. Mae'r swydd yn cynnig gwaith traws-bortffolio o broffil uchel, sy'n helpu i ddatblygu sgiliau cydweithredu mewn maes darpariaeth cymhleth.

Rhaid cael tystysgrif statws athro cymwysedig.

  • Rhaid cael tystysgrif statws athro cymwysedig a bod yn gweithio ar hyn o bryd yn y sector addysg neu'r sector blynyddoedd cynnar mewn rôl berthnasol.
  • Disgwylir i'r ymgeiswyr llwyddiannus weithio i Lywodraeth Cymru am 3 diwrnod yr wythnos (yn agored i drafodaeth) ac aros yn eu swyddi presennol gyda'u cyflogwr cyfredol (o fewn y sector addysg neu'r sector blynyddoedd cynnar mewn rôl berthnasol) am weddill eu horiau contract. Bydd hyn yn galluogi cael gwybodaeth am sut mae polisïau'n gweithio ar lawr gwlad.
  • Mae'r hysbyseb hon yn cynnwys teitlau'r meini prawf Ymddygiad sy'n cael eu hasesu. I gael rhagor o wybodaeth am yr hyn sy'n ofynnol yn ystod y cam ymgeisio, bydd angen i chi bwyso ‘gwneud cais’ a gweld y manylion llawn ar y ffurflen gais. Yn y cyfweliad, mae’n bosibl y cewch eich profi ar yr ymddygiadau cyffredinol a restrir.
  • Wrth gyflwyno'ch tystiolaeth, cadwch mewn cof beth yw disgwyliadau’r radd fel y’u nodir isod yn y disgrifiad gradd, yn ogystal â'r prif gyfrifoldebau sy'n hanfodol ar gyfer y rôl.
  • Bydd uchafswm o 3 unigolyn yn cael eu gwahodd i gyfweliad fesul swydd sydd ar gael. Bydd ymgeiswyr llwyddiannus yn cael eu penodi mewn trefn deilyngdod.
  • Yn yr achos mae mwy nag un ymgeisydd sy'n sgorio'r un peth, mae'r panel wedi cytuno y bydd yr ymgeisydd llwyddiannus yn cael ei benodi yn y drefn deilyngdod ganlynol:
    • Ymddygiadau - Gweithio ar y cyd
    • Ymddygiadau- Cyfathrebu a dylanwadu
    • Profiad sy'n benodol i’r swydd - Record o reoli'n effeithiol ar lefel genedlaethol ar bolisi addysg, neu brofiad perthnasol tebyg yn ymwneud â darpariaeth addysg gynnar.
    • Profiad sy'n benodol i’r swydd  - Record o weithredu newid mewn ysgolion neu leoliadau.
Sylfaenol
2
FoundationLearning@gov.wales

Gofynion y Gymraeg

3 - Nid yw sgiliau iaith Gymraeg yn hanfodol ar gyfer y swydd hon, fodd bynnag, maent yn ddymunol a byddant yn cael eu hystyried os bydd dau neu fwy o ymgeiswyr yn derbyn yr un sgôr yn y cam ymgeisio neu gyfweliad.
0 - Dim sgiliau
0 - Dim sgiliau
0 - Dim sgiliau
0 - Dim sgiliau

Gweithio i'r Gwasanaeth Sifil

Gweithio i'r Gwasanaeth Sifil Mae Cod y Gwasanaeth Sifil yn nodi'r safonau ymddygiad a ddisgwylir gan weision sifil.

Y Defnydd o Ddeallusrwydd Artiffisial

Gall Deallusrwydd Artiffisial fod yn adnodd defnyddiol i gefnogi’ch cais, fodd bynnag, rhaid i’r holl enghreifftiau a datganiadau a ddarperir fod yn wir, yn ffeithiol gywir ac yn uniongyrchol seiliedig ar eich profiad personol chi. Os nodir llên-ladrad (cyflwyno syniadau a phrofiadau eraill, neu wedi’u cynhyrchu gan Ddeallusrwydd Artiffisial, fel eich syniadau neu brofiadau chi) gellir tynnu’r ceisiadau yn ôl a gall ymgeiswyr mewnol fod yn destun camau disgyblu. Gweler y canllawiau i ymgeiswyr ar Ddeallusrwydd Artiffisial am ragor o wybodaeth am ddefnydd priodol ac amhriodol.

Proses a Chamau Dethol

Mae Llywodraeth Cymru, fel pob un o Adrannau eraill y Llywodraeth, yn defnyddio Proffiliau Llwyddiant wrth recriwtio.  Ar gyfer pob rôl, byddwn yn ystyried yr hyn y bydd angen i chi ei ddangos er mwyn llwyddo. Mae hyn yn rhoi’r cyfle gorau posibl i ni ddod o hyd i’r person iawn ar gyfer y swydd. Mae’n gwella perfformiad ac yn gwella amrywiaeth a chynhwysiant.

Dyma’r broses a’r camau dethol:

Nifer y Camau:Proses 2 gam
Cam 1Cais
Cam 2Cyfweliad

Ymddygiad

Byddwn yn eich asesu yn erbyn y meini prawf Ymddygiad hyn yn ystod y broses ddethol.

Gweld y Darlun Mawr

Dwyn ynghyd syniadau, safbwyntiau ac anghenion amrywiol rhanddeiliaid i gael dealltwriaeth ehangach o'r materion sy'n ymwneud â pholisïau a gweithgareddau.
Caiff hyn ei brofi yng ngham 1: Cais

Newid a Gwella

Annog, nodi a rhannu syniadau arloesol gan ystod amrywiol o gydweithwyr a rhanddeiliaid.
Caiff hyn ei brofi yng ngham 1: Cais

Cyfathrebu a Dylanwadu 

Esbonio materion cymhleth mewn modd sy'n hawdd ei ddeall.
Caiff hyn ei brofi yng ngham 1: Cais
Caiff hyn ei brofi yng ngham 2: Cyfweliad

Cydweithio 

Adeiladu a chynnal rhwydwaith o gydweithwyr a chysylltiadau yn weithgar er mwyn cyflawni cynnydd ar amcanion a rennir.
Caiff hyn ei brofi yng ngham 1: Cais
Caiff hyn ei brofi yng ngham 2: Cyfweliad

Profiad

Byddwn yn eich asesu yn erbyn y meini prawf Profiad canlynol yn ystod y broses asesu.
Cwestiynau am brofiad

Profiad diweddar, llwyddiannus o arweinyddiaeth mewn ysgol, e.e. arweinydd Dysgu Sylfaen, neu weithio ar lefel weithredol o fewn awdurdod lleol neu ar lefel ranbarthol neu genedlaethol, neu brofiad perthnasol tebyg o ddarpariaeth ac ymarfer addysg gynnar yng Nghymru.

Caiff hyn ei brofi yng ngham 1: Cais

Record o reoli'n effeithiol ar lefel genedlaethol ar bolisi addysg, neu brofiad perthnasol tebyg yn ymwneud â darpariaeth addysg gynnar.

Caiff hyn ei brofi yng ngham 1: Cais
Caiff hyn ei brofi yng ngham 2: Cyfweliad

Record o weithredu newid mewn ysgolion neu leoliadau.

Caiff hyn ei brofi yng ngham 1: Cais
Caiff hyn ei brofi yng ngham 2: Cyfweliad

Technegol

Byddwn yn asesu’r Sgiliau technegol canlynol yn ystod y broses ddethol.

Tystysgrif statws athro cymwysedig - Nid oes angen i chi roi tystiolaeth o hyn yn eich ffurflen gais. Byddwch yn darparu eich ateb drwy gwestiwn cnocio cyn ymgeisio. Os byddwch yn llwyddiannus, bydd angen i chi ddarparu copi o'r dystysgrif.

Caiff hyn ei brofi yng ngham 1: Cais

Cymhwysedd

Gofynnir i chi am eich cenedligrwydd ac a oes gennych chi hawl gyfreithiol i weithio yn y Deyrnas Unedig. Pwrpas hyn yw gweld a ydych chi’n gymwys i wneud cais am y swydd wag hon. Mae hyn yn ofyniad ar gyfer gweithio yn y Gwasanaeth Sifil. https://www.gov.uk/government/publications/nationality-rules

Os nad ydych chi’n bodloni’r meini prawf cymhwysedd, ni fydd eich cais yn cael ei ystyried ymhellach. Os daw’n amlwg yn ddiweddarach yn y broses nad ydych yn gymwys i wneud cais, efallai y bydd eich cais yn cael ei dynnu’n ôl, neu’r cynnig yn cael ei dynnu’n ôl.

Mae’r swydd hon yn agor yn fras i’r grwpiau canlynol:
• gwladolion y DU
• gwladolion Gweriniaeth Iwerddon
• gwladolion gwledydd y Gymanwlad sydd â'r hawl i weithio yn y DU
• gwladolion yr UE, y Swistir, Norwy, Gwlad yr Iâ neu Liechtenstein ac aelodau teulu’r gwladolion hynny sydd â statws sefydlog neu gyn-sefydlog o dan Gynllun Preswylio’n Sefydlog i Ddinasyddion yr Undeb Ewropeaidd (EUSS)
• gwladolion yr UE, y Swistir, Norwy, Gwlad yr Iâ neu Liechtenstein ac aelodau teulu’r gwladolion hynny sydd wedi gwneud cais dilys am statws sefydlog neu gyn-sefydlog o dan EUSS
• unigolion â chaniatâd cyfyngedig i aros neu ganiatâd amhenodol i aros a oedd yn gymwys i wneud cais am EUSS ar 31 Rhagfyr 2020 neu cyn hynny
• gwladolion Twrci, a rhai aelodau o deulu gwladolion Twrci sydd wedi cronni’r hawl i weithio yn y Gwasanaeth Sifil

Mae secondiadau’n opsiynau cyfnod penodol am ddim mwy na dwy flynedd, ac maent yn agored i unigolion nad ydynt yn cael eu cyflogi fel Gweision Sifil (mae hyn yn cynnwys y rheini sy’n cael eu cyflogi gan Gyrff Llywodraeth Anadrannol). Weithiau, bydd swyddi’n cael eu hysbysebu fel cyfle i gael secondiad. Os mai dyma’r achos, bydd yn nodi hyn uwch ben. Mae gan bobl sydd ar secondiad delerau ac amodau gwahanol. Edrychwch ar y pecyn canllawiau cyn gwneud cais. Nid oes gan y rhai ar secondiad hawl i’r buddion a restrir isod, gan gynnwys y rheini sy’n ymwneud â Phartneriaeth Gymdeithasol.

Model Cymdeithasol o Anabledd

Mae Llywodraeth Cymru wedi mabwysiadu'r model cymdeithasol o anabledd, sy'n cydnabod bod rhwystrau mewn cymdeithas sy’n analluogi pobl sydd âg amhariadau, neu gyflyrau iechyd, sy'n niwroamrywiol neu sy'n defnyddio Iaith Arwyddion Prydain.

Rydym wedi ymrwymo i gael gwared ar rwystrau yn y broses recriwtio fel y gall pob aelod o staff (neu ddarpar aelodau staff) berfformio o’u gorau.

Gellir gwneud addasiadau recriwtio ar unrhyw adeg yn y broses recriwtio ar gyfer ymgeiswyr ag amhariad neu gyflwr iechyd, sy'n niwroamrywiol neu sy'n defnyddio Iaith Arwyddion Prydain. 

Cysylltwch â SicrhauAmrywiaethwrthRecriwtio@llyw.cymru i drafod addasiadau ar gyfer unrhyw ran o'r broses.

Cynlluniau Cyfweld Cynhwysol

Rydym wedi ymrwymo i recriwtio cynhwysol ac yn cynnig cyfweliadau i ymgeiswyr cymwys sy'n bodloni'r meini prawf lleiaf ar gyfer y rôl drwy'r cynlluniau canlynol:

Gweithle Gwych i Gyn-Aelodau’r Lluoedd Arfog

Mae Llywodraeth Cymru yn Arweinydd Hyderus o ran Anabledd. Fel rhan o'n hymrwymiad i'r cynllun hwn, rydym yn cyfweld ag unrhyw ymgeisydd sydd ag amhariad, cyflwr iechyd, sy'n niwrowahanol neu sy'n defnyddio Iaith Arwyddion Prydain os yw'n bodloni'r meini prawf gofynnol ar gyfer y swydd.

Lle Mwyaf i Weithio i Filwyr Gwasanaeth

Mae Llywodraeth Cymru yn gweithredu'r Fenter Lle Gwych i Weithio i Gyn-filwyr.  Fel rhan o'n hymrwymiad i'r cynllun hwn, rydym yn cyfweld ag unrhyw ymgeiswyr cymwys sy'n bodloni'r meini prawf gofynnol ar gyfer y swydd.

Cynllun Cyfweliad yn sgil Adleoli

Gall cyflogwyr y Gwasanaeth Sifil gynnig cyfweliad i nifer teg a chymesur o weision sifil y mae eu swydd mewn perygl o gael ei dileu ac sy’n bodloni'r meini prawf gofynnol ar gyfer y swydd.
Mae 'meini prawf gofynnol' yn golygu bod yn rhaid i ymgeiswyr ddarparu tystiolaeth i ni yn eu cais (a/neu eu prawf) eu bod yn bodloni'r lefel ofynnol o gymhwysedd ar gyfer y rôl - sy'n cael ei diffinio fel arfer fel sgôr o 4 o leiaf ar gyfer pob maen prawf.

Partneriaeth Gymdeithasol

Yn Llywodraeth Cymru, mae’r berthynas rhwng y cyflogwr a’r undebau llafur yn seiliedig ar bartneriaeth gymdeithasol. Credwn mai’r ffordd orau o gyflawni ein nodau yw i reolwyr ac undebau llafur gydweithio.

Dyma’r 3 undeb llafur a gydnabyddir gennym:
•         PCS
•         Prospect
•         FDA

Mae’r berthynas hon yn seiliedig ar gytundeb partneriaeth. Mae hwn yn nodi sut mae ein hundebau yn gweithio gyda Llywodraeth Cymru ar faterion fel:
•         Cyflog
• Telerau ac amodau
• Strategaeth, polisïau a gweithdrefnau AD
• Iechyd, diogelwch a lles
• Newid sefydliadol

Mae ein cydweithwyr undebau llafur yn Llywodraeth Cymru yn gweithio gyda’i gilydd i roi llais go iawn i’w haelodau yn y gweithle. Maent yn gwneud yn siŵr bod buddiannau eu haelodau yn cael eu hyrwyddo a’u gwarchod. Maent hefyd yn helpu i leihau anghydraddoldebau a gwella telerau ac amodau.

Mae gan Lywodraeth Cymru hanes rhagorol o weithio mewn partneriaeth â’i hundebau llafur. Rydym yn eich cefnogi i ymuno ag undeb llafur cydnabyddedig, i sicrhau bod eich llais yn cael ei glywed yn y gweithle.  Rydym yn eich annog i ddysgu mwy am ein hundebau llafur, am weithio mewn partneriaeth, ac i gymryd rhan yn eu gwaith.

Buddiannau

Mae holl staff Llywodraeth Cymru yn aelodau o’r Gwasanaeth Sifil, ac o ganlyniad maent yn gymwys ar gyfer:

  • Cynllun Pensiwn y Gwasanaeth Sifil
  • 31 diwrnod o wyliau blynyddol (pro rata ar gyfer rhan amser)
  • cyfleoedd hyfforddi a datblygu
  • Cynllun Beicio i’r Gwaith
  • Trefniadau gweithio hyblyg Gweithio'n Glyfar
  • Cynllun Car Gwyrdd (ar yr amod ei fod ar gael)

Os ydych chi’n aelod gweithredol o Gynllun Pensiwn y Gwasanaeth Sifil, gallwch barhau â’ch aelodaeth drwy gydol eich cyflogaeth gyda ni.

Egwyddorion a chwynion recriwtio

Rydym yn recriwtio yn ôl teilyngdod ar sail cystadleuaeth deg ac agored. Edrychwch ar egwyddorion recriwtio Comisiwn y Gwasanaeth Sifil ar wefan y Comisiwn.

Os ydych chi’n teimlo nad yw eich cais wedi cael ei drin yn unol â’r egwyddorion hyn a’ch bod yn dymuno gwneud cwyn, anfonwch e-bost at cwynion@llyw.cymru. Gwnewch yn siŵr eich bod yn cyfeirio at gyfeirnod y swydd wag.

Os nad ydych chi’n fodlon â’r ymateb a gewch gan Lywodraeth Cymru, gallwch gysylltu â Chomisiwn y Gwasanaeth Sifil: info@csc.gov.uk.

Rhaid i bob cais am y swydd hon gael ei wneud gan ddefnyddio ein system ymgeisio ar-lein.

Oni nodir fel arall yn y 'wybodaeth arall sy'n gysylltiedig â swydd wag ar gyfer hysbyseb', ni all Llywodraeth Cymru gynnig nawdd Fisa. Mae gan Lywodraeth Cymru drwydded nawdd Fisa, ond dim ond ar gyfer rhai rolau y gellir ei defnyddio ac nid yw'r ymgyrch hon yn gymwys.

Croesewir ceisiadau gan bobl ag ystod amrywiaeth o brofiadau bywyd a phroffesiynol. Rydym wedi ymrwymo'n weithredol i ddod yn sefydliad sy'n gynyddol amrywiol sy'n cynrychioli'r cymunedau amrywiol rydym yn eu gwasanaethu. Mae nifer o rwydweithiau Amrywiaeth y gall staff gymryd rhan ynddynt, sy'n cynnwys y Rhwydwaith Ymwybyddiaeth a Chefnogi Anabledd (YChA); Rhwydwaith Staff Lleiafrifoedd Ethnig; Materion Meddwl (Iechyd meddwl a lles); PRISM (LGBTI+), Menywod Ynghyd and Rhwydwaith Niwrowahaniaeth.

Os oes gennych amhariad sy’n eich atal rhag ymgeisio ar-lein, anfonwch e-bost at ein tîm recriwtio. Gallwch:

  • ofyn am becyn ymgeisio mewn fformat arall
  • gofyn am addasiad recriwtio i’ch helpu i gyflwyno eich cais

Defnyddiwch y botwm 'Gwneud Cais' i gyflwyno eich cais. Mewngofnodwch neu cofrestrwch i greu cyfrif i wneud cais. Mae cofrestru’n cymryd ychydig funudau a bydd angen cyfeiriad e-bost arnoch chi. 

Dylech wirio eich Canolfan Cais yn reolaidd i gael diweddariadau eich cais. Hefyd, gwiriwch eich ffolder sbam/sothach rhag ofn i unrhyw gyfathrebu ynglyn â’ch cais a/neu eich manylion asesu ddod o hyd i'w ffordd yno.

Ar ôl i chi gofrestru i gael cyfrif a mewngofnodi, byddwch yn cael eich arwain at y ffurflen gais ar-lein. Rhaid i chi lenwi hon a’i chyflwyno cyn y terfyn amser ar y dyddiad cau. Ni fyddwn yn ystyried ffurflen gais anghyflawn.

Os hoffech wneud cais am y swydd wag hon yn Gymraeg, defnyddiwch y ddolen Newid Iaith ar y dudalen hon.  Rydym yn croesawu ceisiadau yn Gymraeg, ac ni fydd ceisiadau a gyflwynir yn Gymraeg yn cael eu trin yn llai ffafriol na rhai a gyflwynir yn Saesneg. 

Darllenwch y canllawiau i ymgeiswyr i gael rhagor o wybodaeth am y broses recriwtio.

I gael gwybodaeth am Broffiliau Llwyddiant y Gwasanaeth Sifil, cliciwch yma.

Ar gyfer cynlluniau recriwtio TS i G6: Wrth gyflwyno’ch tystiolaeth y byddai'n ddefnyddiol i chi ystyried disgwyliadau'r radd fel y nodir yn y Disgrifiad Gradd, yn ogystal â'r prif gyfrifoldebau sy'n hanfodol ar gyfer y rôl.

Mae’r cyfle hwn ar gau i geisiadau.