Golygydd Testun Deddfwriaethol Dwyieithog

Cyf 3311

Mae Llywodraeth Cymru yn gweithredu proses recriwtio ddienw. Ni fydd y panel recriwtio yn gweld gwybodaeth bersonol fel enw a chyfeiriad ymgeisydd yn ystod y broses ddidoli. Mae’r polisi hwn yn unol â’n hymrwymiad i ddileu rhagfarn, ac i hyrwyddo cydraddoldeb ac amrywiaeth.

Manylion swydd wag

Golygydd Testun Deddfwriaethol Dwyieithog 

19/12/2025, 16:00 

Parhaol
Bydd cyflog cychwynnol na ellir ei negodi o £37,111 yn cael ei gynnig i’r ymgeisydd llwyddiannus.
Swyddog Gweithredol Uwch £37,111 i £45,378
Llawn amser (croesewir ceisiadau gan bobl sy’n gweithio rhan-amser, fel rhan o rannu swydd neu sy’n gweithio’n llawn amser)
Grŵp Gwasanaethau Corfforaethol ac Arolygiaethau
Adran Gwasanaethau Cyfreithiol
Swyddfa’r Cyfarwyddwr Gwasanaethau Cyfreithiol Uned Golygu Testun Deddfwriaethol Dwyieithog
Ledled Cymru
Mae ‘Cymru gyfan’ yn golygu bod lleoliad y swydd yn hyblyg, gan ddibynnu ar anghenion y busnes. Mae rhestr o swyddfeydd Llywodraeth Cymru ar gael yn www.llyw.cymru/swyddfeydd-llywodraeth-cymru. Sylwch na fydd hi efallai yn bosibl bodloni dewis rhywun o leoliad swyddfa penodol.

Darparu gwasanaeth golygu ieithyddol proffesiynol i'r Adran Gwasanaethau Cyfreithiol wrth sicrhau ansawdd y gwaith o lunio is-ddeddfwriaeth ddwyieithog sy'n gyfwerth yn ieithyddol ac yn gywir.

 

Mae Adran Gwasanaethau Cyfreithiol (GC) Llywodraeth Cymru yn gyfrifol am ddrafftio'n ddwyieithog yr holl is-ddeddfwriaeth gyffredinol a wneir gan Weinidogion Cymru, y Prif Weinidog yn gweithredu ar ei ben ei hun neu lle bo'n briodol y Cwnsler Cyffredinol, yn ogystal â dogfennau deddfwriaethol dwyieithog eraill.

 

Mae nifer y darnau o is-ddeddfwriaeth ddwyieithog a wneir gan Weinidogion Cymru yn gofyn am wasanaeth golygu testun cyfreithiol pwrpasol, wedi'i leoli o fewn Adran Gwasanaethau Cyfreithiol Llywodraeth Cymru, i hwyluso cymhwyso yn gywir ac yn gyson ganllawiau drafftio Llywodraeth Cymru a'r derminoleg a ddefnyddir mewn deddfwriaeth ddrafft ddwyieithog a lunnir gan y cyfreithwyr pwnc perthnasol. Mae'n ofynnol i ddeiliad y swydd arbenigo yn y gwaith o sicrhau cywerthedd testunau Cymraeg a Saesneg is-ddeddfwriaeth ddwyieithog yn unol â'r galw, gan gydweithio'n agos â'r Uwch Olygydd Testun Deddfwriaethol Dwyieithog, cyfreithwyr drafftio a thîm arbenigol Llywodraeth Cymru o gyfieithwyr deddfwriaethol.


Caiff pob testun deddfwriaethol dwyieithog ei wirio a'i olygu'n drylwyr er mwyn sicrhau cywirdeb ieithyddol a chyfwerthedd cyfreithiol rhwng y ddwy fersiwn iaith.

Gan adrodd i'r Uwch Olygydd Testun Deddfwriaethol Dwyieithog, ac yn broffesiynol i gyfreithwyr Llywodraeth Cymru, y tasgau allweddol sy'n ofynnol ar gyfer y swydd yw:

  • Cynllunio, blaenoriaethu a chyflawni gwaith golygu o fewn yr amserlenni sydd ar gael, negodi terfynau amser neu ddiwygiadau dilynol yn ôl yr angen;
  • Cynnal craffu cymharol, diwygio a chywiro testunau deddfwriaethol Cymraeg a Saesneg mewn perthynas â drafftiau dwyieithog terfynol o Offerynnau Statudol cyffredinol Cymru, deddfwriaeth leol ac is-ddeddfwriaeth arall ac ystod o ddogfennau deddfwriaethol dwyieithog amrywiol;
  • Ystyried cyngor a adroddir neu a gyhoeddir gan Bwyllgor Deddfwriaeth, Cyfiawnder a Chyfansoddiad y Senedd ar derminoleg Gymraeg, cysondeb dwyieithog a chyfwerthedd mewn deddfwriaeth a chyfrannu cyngor at ymatebion swyddogol Llywodraeth Cymru i'r Pwyllgor hwnnw;
  • Craffu ar ddiwygiadau ychwanegol gan gyfreithwyr i destunau deddfwriaethol yn ôl yr angen a chynghori ar ddiwygiadau o fewn amserlenni penodedig ar gyfer eu gwneud neu eu gosod mewn drafft;
  • Cyfrannu cyngor ieithyddol fel y bo'n ofynnol i gyfreithwyr Swyddfa'r Cwnsleriaid Deddfwriaethol, gan gynnwys staff Swyddfa'r Codau Deddfwriaethol;
  • Cynorthwyo yn ôl yr angen i ddarparu hyfforddiant ym maes is-ddeddfwriaeth i gyfreithwyr a gweinyddwyr sy'n ymuno â’r sefydliad neu sydd wedi hen sefydlu, i esbonio rôl a phwysigrwydd cyfwerthedd dwyieithog a'r prosesau sydd ar waith i'w sicrhau;
  • Cysylltu â Phrif Gwnsler Deddfwriaethol Cymru, cyfreithwyr drafftio a chyfieithwyr deddfwriaethol arbenigol pan allai fod angen cywiriadau technegol, pan allai fod angen terminoleg amgen neu newydd, a/neu pan allai fod angen diwygio'r testun Cymraeg neu Saesneg er mwyn sicrhau cyfwerthedd cyfreithiol;
  • Cysylltu pan fo’n briodol ar faterion drafftio a therminoleg â Chynghorwyr Cyfreithiol Pwyllgor Deddfwriaeth, Cyfiawnder a Chyfansoddiad y Senedd;
  • Cynorthwyo cyfreithwyr drafftio, yn ôl yr angen, i wirio’n brydlon yr holl OSau cadarnhaol drafft dwyieithog sy'n cael eu diwygio ar ôl cael eu tynnu'n ôl gan Weinidogion Cymru;
  • Cyfrannu’r wybodaeth sydd ei hangen i gronfeydd data gwybodaeth Swyddfa'r Codau Deddfwriaethol at ddibenion cynhyrchu adroddiadau ystadegol cyfredol a hanesyddol mewn perthynas â deddfwriaeth a wneir gan Weinidogion Cymru.
Bydd eich profiad yn rhoi dealltwriaeth unigryw i chi o sut mae deddfwriaeth ddwyieithog yn cael ei llunio a'i gwneud yng Nghymru a'r prosesau cysylltiedig. Mae’r rôl hon yn cynnig y cyfle i weithio o fewn amgylchedd cyfreithiol proffesiynol sydd wrth galon llywodraeth ddatganoledig, ar flaen y gad yn y broses polisi a deddfu ac ar flaen y gad o ran datblygiadau cyfansoddiadol mawr.

2 Gam

Cam 1 - Cais

  • Ffurflen gais ar-lein wedi'i chwblhau yn profi 3 maen prawf – hyd at 250 gair ar gyfer pob maen prawf. Mae'r panel dethol wedi penderfynu y dylid cyflwyno ceisiadau am y swydd hon yn Gymraeg. Dim ond ceisiadau a gyflwynir yn Gymraeg fydd yn cael eu cynnwys yn y broses ddidoli.
  • Rydym yn argymell rhoi sylw arbennig i’r adrannau “diben y swydd” a “tasgau allweddol” i sicrhau bod eich cais yn adlewyrchu'r sgiliau a'r profiad yr ydym yn chwilio amdanynt.
  • Bydd ceisiadau'n cael eu didoli. Dim ond yr ymgeiswyr hynny sy'n bodloni'r gofyniad lleiaf fydd yn cael eu gwahodd i'r cam nesaf.

 

Cam 2 - Prawf Ysgrifenedig a Chyfweliad

  • Bydd ymgeiswyr sy'n llwyddo yn y cam didoli yn cael eu gwahodd i sefyll Prawf Golygu Testun Dwyieithog ysgrifenedig ac yna Cyfweliad. Bydd trefniadau, dyddiad ac amser y prawf ysgrifenedig a'r cyfweliad yn cael eu cyfleu o leiaf 5 diwrnod gwaith ymlaen llaw i ymgeiswyr sy'n llwyddo yn y cam didoli.
  • Bydd yr 1 maen prawf profiad a'r 3 ymddygiad yn cael eu hasesu yn y cyfweliad.  Bydd o leiaf un cwestiwn yn y cyfweliad yn Saesneg.
  • Yn y cam didoli ac yn y cyfweliad, bydd lleiafswm sgôr o 4 yn berthnasol i bob un o’r meini prawf a brofir. Os bydd sgoriau cyffredinol ymgeiswyr yn cael eu clymu, rhoddir blaenoriaeth i'r ymgeiswyr hynny sydd wedi cael sgorau uwch yn gyntaf mewn perthynas â'r maen prawf Technegol 1 (y prawf ysgrifenedig) ac yn ail mewn perthynas â'r maen prawf Profiad 1 (gaiff ei asesu yn y cais a’r cyfweliad).

Adborth

  • Dim ond pan fydd y cynllun wedi'i gwblhau y bydd adborth ar gyfer pob cam yn cael ei ddarparu.

 

  • Cymru Gyfan - Mae staff golygu testun deddfwriaethol dwyieithog fel arfer yn gweithio ar sail hybrid gan gynnwys gweithio o bell ac mewn swyddfa.
  • Mae'r hysbyseb hon yn cadarnhau'r meini prawf cyffredinol sy'n cael eu hasesu drwy gydol yr ymarfer recriwtio hwn. I gael rhagor o fanylion am y meini prawf a'r dystiolaeth sydd eu hangen ar y cam ymgeisio, bydd angen i chi bwyso i wneud cais ac adolygu'r ffurflen gais.
  • Wrth gyflwyno'ch tystiolaeth, efallai y byddai'n ddefnyddiol i chi ystyried y disgwyliadau o'r radd a nodir yn y yn ogystal â'r prif gyfrifoldebau sy'n hanfodol ar gyfer y rôl.
  • Bydd ymgeiswyr sy'n llwyddo yn y cam didoli yn cael eu gwahodd i sefyll Prawf Golygu Testun Dwyieithog ysgrifenedig ac yna Cyfweliad. Bydd trefniadau, dyddiad ac amser y prawf ysgrifenedig a'r cyfweliad yn cael eu cyfleu o leiaf 5 diwrnod gwaith ymlaen llaw i ymgeiswyr sy'n llwyddo yn y cam didoli.
  • Gellir cadw rhestr wrth gefn ar gyfer y cyfle hwn. Bydd unrhyw ymgeisydd sy'n llwyddiannus wrth gael cynnig statws wrth gefn, yn aros ar y rhestr wrth gefn am 12 mis.
Sylfaenol
1
LegalRecruitment.WG.Legal@gov.wales

Gofynion y Gymraeg

1 - Mae sgiliau yn y Gymraeg yn hanfodol ar gyfer y rôl hon. Mae’r sgiliau angenrheidiol ar gyfer y rôl hon wedi'u nodi isod. Bydd y sgiliau hyn yn cael eu hasesu fel rhan o’r broses ddethol. I gael rhagor o wybodaeth am lefelau yn y Gymraeg, ewch i’n gwefan.
5 - Gallu deall yn llwyr yr holl ddeunyddiau sy’n ymwneud â gwaith
5 - Rhugl
5 - Gallu deall pob sgwrs sy’n ymwneud â gwaith
5 - Gallu ysgrifennu deunydd ysgrifenedig ar gyfer yr holl faterion sy’n ymwneud â gwaith

Gweithio i'r Gwasanaeth Sifil

Gweithio i'r Gwasanaeth Sifil Mae Cod y Gwasanaeth Sifil yn nodi'r safonau ymddygiad a ddisgwylir gan weision sifil.

Y Defnydd o Ddeallusrwydd Artiffisial

Gall Deallusrwydd Artiffisial fod yn adnodd defnyddiol i gefnogi’ch cais, fodd bynnag, rhaid i’r holl enghreifftiau a datganiadau a ddarperir fod yn wir, yn ffeithiol gywir ac yn uniongyrchol seiliedig ar eich profiad personol chi. Os nodir llên-ladrad (cyflwyno syniadau a phrofiadau eraill, neu wedi’u cynhyrchu gan Ddeallusrwydd Artiffisial, fel eich syniadau neu brofiadau chi) gellir tynnu’r ceisiadau yn ôl a gall ymgeiswyr mewnol fod yn destun camau disgyblu. Gweler y canllawiau i ymgeiswyr ar Ddeallusrwydd Artiffisial am ragor o wybodaeth am ddefnydd priodol ac amhriodol.

Proses a Chamau Dethol

Mae Llywodraeth Cymru, fel pob un o Adrannau eraill y Llywodraeth, yn defnyddio Proffiliau Llwyddiant wrth recriwtio.  Ar gyfer pob rôl, byddwn yn ystyried yr hyn y bydd angen i chi ei ddangos er mwyn llwyddo. Mae hyn yn rhoi’r cyfle gorau posibl i ni ddod o hyd i’r person iawn ar gyfer y swydd. Mae’n gwella perfformiad ac yn gwella amrywiaeth a chynhwysiant.

Dyma’r broses a’r camau dethol:

Nifer y Camau:Proses 2 gam
Cam 1Cais
Cam 2Cyfweliad

Ymddygiad

Byddwn yn eich asesu yn erbyn y meini prawf Ymddygiad hyn yn ystod y broses ddethol.

Gwneud Penderfyniadau Effeithiol

Ymgynghori ag eraill i sicrhau bod yr effeithiau posibl ar ddefnyddwyr terfynol wedi'u hystyried. Rhaid cwblhau eich ymateb i’r maen prawf hwn yn Gymraeg.
Caiff hyn ei brofi yng ngham 1: Cais
Caiff hyn ei brofi yng ngham 2: Cyfweliad

Gweld y Darlun Mawr

Byddwch yn effro i faterion a thueddiadau sy'n dod i'r amlwg a allai effeithio ar eich maes gwaith. Rhaid cwblhau eich ymateb i’r maen prawf hwn yn Gymraeg.
Caiff hyn ei brofi yng ngham 1: Cais
Caiff hyn ei brofi yng ngham 2: Cyfweliad

Newid a Gwella 

Annog syniadau am newid o ystod eang o ffynonellau. Rhaid cwblhau eich ymateb i’r maen prawf hwn yn Gymraeg.
Caiff hyn ei brofi yng ngham 2: Cyfweliad

Profiad

Byddwn yn eich asesu yn erbyn y meini prawf Profiad canlynol yn ystod y broses asesu.
Cwestiynau am brofiad

[p]Rhaid i ymgeiswyr allu dangos tystiolaeth o brofiad perthnasol o weithio'n ddwyieithog gydag ystod o randdeiliaid naill ai mewn amgylchedd cyfreithiol neu broffesiynol arall lle mae ansawdd a chywirdeb y gwaith, y ddogfennaeth a'r cyfathrebu yn y Gymraeg a'r Saesneg yn hynod o bwysig.[/p][p]Rhaid cwblhau eich ymateb i’r maen prawf hwn yn Gymraeg.[/p]

Caiff hyn ei brofi yng ngham 1: Cais
Caiff hyn ei brofi yng ngham 2: Cyfweliad

Technegol

Byddwn yn asesu’r Sgiliau technegol canlynol yn ystod y broses ddethol.

Bydd galluoedd Golygu Testun Dwyieithog yn cael eu hasesu trwy brawf ysgrifenedig cyn y cyfweliad. Gweler 'Cam 2' a ddangosir uchod.

Caiff hyn ei brofi yng ngham 2: Cyfweliad

Cymhwysedd

Gofynnir i chi am eich cenedligrwydd ac a oes gennych chi hawl gyfreithiol i weithio yn y Deyrnas Unedig. Pwrpas hyn yw gweld a ydych chi’n gymwys i wneud cais am y swydd wag hon. Mae hyn yn ofyniad ar gyfer gweithio yn y Gwasanaeth Sifil. https://www.gov.uk/government/publications/nationality-rules

Os nad ydych chi’n bodloni’r meini prawf cymhwysedd, ni fydd eich cais yn cael ei ystyried ymhellach. Os daw’n amlwg yn ddiweddarach yn y broses nad ydych yn gymwys i wneud cais, efallai y bydd eich cais yn cael ei dynnu’n ôl, neu’r cynnig yn cael ei dynnu’n ôl.

Mae’r swydd hon yn agor yn fras i’r grwpiau canlynol:
• gwladolion y DU
• gwladolion Gweriniaeth Iwerddon
• gwladolion gwledydd y Gymanwlad sydd â'r hawl i weithio yn y DU
• gwladolion yr UE, y Swistir, Norwy, Gwlad yr Iâ neu Liechtenstein ac aelodau teulu’r gwladolion hynny sydd â statws sefydlog neu gyn-sefydlog o dan Gynllun Preswylio’n Sefydlog i Ddinasyddion yr Undeb Ewropeaidd (EUSS)
• gwladolion yr UE, y Swistir, Norwy, Gwlad yr Iâ neu Liechtenstein ac aelodau teulu’r gwladolion hynny sydd wedi gwneud cais dilys am statws sefydlog neu gyn-sefydlog o dan EUSS
• unigolion â chaniatâd cyfyngedig i aros neu ganiatâd amhenodol i aros a oedd yn gymwys i wneud cais am EUSS ar 31 Rhagfyr 2020 neu cyn hynny
• gwladolion Twrci, a rhai aelodau o deulu gwladolion Twrci sydd wedi cronni’r hawl i weithio yn y Gwasanaeth Sifil

Model Cymdeithasol o Anabledd

Mae Llywodraeth Cymru wedi mabwysiadu'r model cymdeithasol o anabledd, sy'n cydnabod bod rhwystrau mewn cymdeithas sy’n analluogi pobl sydd âg amhariadau, neu gyflyrau iechyd, sy'n niwroamrywiol neu sy'n defnyddio Iaith Arwyddion Prydain.

Rydym wedi ymrwymo i gael gwared ar rwystrau yn y broses recriwtio fel y gall pob aelod o staff (neu ddarpar aelodau staff) berfformio o’u gorau.

Gellir gwneud addasiadau recriwtio ar unrhyw adeg yn y broses recriwtio ar gyfer ymgeiswyr ag amhariad neu gyflwr iechyd, sy'n niwroamrywiol neu sy'n defnyddio Iaith Arwyddion Prydain. 

Cysylltwch â SicrhauAmrywiaethwrthRecriwtio@llyw.cymru i drafod addasiadau ar gyfer unrhyw ran o'r broses.

Cynlluniau Cyfweld Cynhwysol

Rydym wedi ymrwymo i recriwtio cynhwysol ac yn cynnig cyfweliadau i ymgeiswyr cymwys sy'n bodloni'r meini prawf lleiaf ar gyfer y rôl drwy'r cynlluniau canlynol:

Gweithle Gwych i Gyn-Aelodau’r Lluoedd Arfog

Mae Llywodraeth Cymru yn Arweinydd Hyderus o ran Anabledd. Fel rhan o'n hymrwymiad i'r cynllun hwn, rydym yn cyfweld ag unrhyw ymgeisydd sydd ag amhariad, cyflwr iechyd, sy'n niwrowahanol neu sy'n defnyddio Iaith Arwyddion Prydain os yw'n bodloni'r meini prawf gofynnol ar gyfer y swydd.

Lle Mwyaf i Weithio i Filwyr Gwasanaeth

Mae Llywodraeth Cymru yn gweithredu'r Fenter Lle Gwych i Weithio i Gyn-filwyr.  Fel rhan o'n hymrwymiad i'r cynllun hwn, rydym yn cyfweld ag unrhyw ymgeiswyr cymwys sy'n bodloni'r meini prawf gofynnol ar gyfer y swydd.

Cynllun Cyfweliad yn sgil Adleoli

Gall cyflogwyr y Gwasanaeth Sifil gynnig cyfweliad i nifer teg a chymesur o weision sifil y mae eu swydd mewn perygl o gael ei dileu ac sy’n bodloni'r meini prawf gofynnol ar gyfer y swydd.
Mae 'meini prawf gofynnol' yn golygu bod yn rhaid i ymgeiswyr ddarparu tystiolaeth i ni yn eu cais (a/neu eu prawf) eu bod yn bodloni'r lefel ofynnol o gymhwysedd ar gyfer y rôl - sy'n cael ei diffinio fel arfer fel sgôr o 4 o leiaf ar gyfer pob maen prawf.

Partneriaeth Gymdeithasol

Yn Llywodraeth Cymru, mae’r berthynas rhwng y cyflogwr a’r undebau llafur yn seiliedig ar bartneriaeth gymdeithasol. Credwn mai’r ffordd orau o gyflawni ein nodau yw i reolwyr ac undebau llafur gydweithio.

Dyma’r 3 undeb llafur a gydnabyddir gennym:
•         PCS
•         Prospect
•         FDA

Mae’r berthynas hon yn seiliedig ar gytundeb partneriaeth. Mae hwn yn nodi sut mae ein hundebau yn gweithio gyda Llywodraeth Cymru ar faterion fel:
•         Cyflog
• Telerau ac amodau
• Strategaeth, polisïau a gweithdrefnau AD
• Iechyd, diogelwch a lles
• Newid sefydliadol

Mae ein cydweithwyr undebau llafur yn Llywodraeth Cymru yn gweithio gyda’i gilydd i roi llais go iawn i’w haelodau yn y gweithle. Maent yn gwneud yn siŵr bod buddiannau eu haelodau yn cael eu hyrwyddo a’u gwarchod. Maent hefyd yn helpu i leihau anghydraddoldebau a gwella telerau ac amodau.

Mae gan Lywodraeth Cymru hanes rhagorol o weithio mewn partneriaeth â’i hundebau llafur. Rydym yn eich cefnogi i ymuno ag undeb llafur cydnabyddedig, i sicrhau bod eich llais yn cael ei glywed yn y gweithle.  Rydym yn eich annog i ddysgu mwy am ein hundebau llafur, am weithio mewn partneriaeth, ac i gymryd rhan yn eu gwaith.

Buddiannau

Mae holl staff Llywodraeth Cymru yn aelodau o’r Gwasanaeth Sifil, ac o ganlyniad maent yn gymwys ar gyfer:

  • Cynllun Pensiwn y Gwasanaeth Sifil
  • 31 diwrnod o wyliau blynyddol (pro rata ar gyfer rhan amser)
  • cyfleoedd hyfforddi a datblygu
  • Cynllun Beicio i’r Gwaith
  • Trefniadau gweithio hyblyg Gweithio'n Glyfar
  • Cynllun Car Gwyrdd (ar yr amod ei fod ar gael)

Os ydych chi’n aelod gweithredol o Gynllun Pensiwn y Gwasanaeth Sifil, gallwch barhau â’ch aelodaeth drwy gydol eich cyflogaeth gyda ni.

Egwyddorion a chwynion recriwtio

Rydym yn recriwtio yn ôl teilyngdod ar sail cystadleuaeth deg ac agored. Edrychwch ar egwyddorion recriwtio Comisiwn y Gwasanaeth Sifil ar wefan y Comisiwn.

Os ydych chi’n teimlo nad yw eich cais wedi cael ei drin yn unol â’r egwyddorion hyn a’ch bod yn dymuno gwneud cwyn, anfonwch e-bost at cwynion@llyw.cymru. Gwnewch yn siŵr eich bod yn cyfeirio at gyfeirnod y swydd wag.

Os nad ydych chi’n fodlon â’r ymateb a gewch gan Lywodraeth Cymru, gallwch gysylltu â Chomisiwn y Gwasanaeth Sifil: info@csc.gov.uk.

Rhaid i bob cais am y swydd hon gael ei wneud gan ddefnyddio ein system ymgeisio ar-lein.

Oni nodir fel arall yn y 'wybodaeth arall sy'n gysylltiedig â swydd wag ar gyfer hysbyseb', ni all Llywodraeth Cymru gynnig nawdd Fisa. Mae gan Lywodraeth Cymru drwydded nawdd Fisa, ond dim ond ar gyfer rhai rolau y gellir ei defnyddio ac nid yw'r ymgyrch hon yn gymwys.

Croesewir ceisiadau gan bobl ag ystod amrywiaeth o brofiadau bywyd a phroffesiynol. Rydym wedi ymrwymo'n weithredol i ddod yn sefydliad sy'n gynyddol amrywiol sy'n cynrychioli'r cymunedau amrywiol rydym yn eu gwasanaethu. Mae nifer o rwydweithiau Amrywiaeth y gall staff gymryd rhan ynddynt, sy'n cynnwys y Rhwydwaith Ymwybyddiaeth a Chefnogi Anabledd (YChA); Rhwydwaith Staff Lleiafrifoedd Ethnig; Materion Meddwl (Iechyd meddwl a lles); PRISM (LGBTI+), Menywod Ynghyd and Rhwydwaith Niwrowahaniaeth.

Os oes gennych amhariad sy’n eich atal rhag ymgeisio ar-lein, anfonwch e-bost at ein tîm recriwtio. Gallwch:

  • ofyn am becyn ymgeisio mewn fformat arall
  • gofyn am addasiad recriwtio i’ch helpu i gyflwyno eich cais

Defnyddiwch y botwm 'Gwneud Cais' i gyflwyno eich cais. Mewngofnodwch neu cofrestrwch i greu cyfrif i wneud cais. Mae cofrestru’n cymryd ychydig funudau a bydd angen cyfeiriad e-bost arnoch chi. 

Dylech wirio eich Canolfan Cais yn reolaidd i gael diweddariadau eich cais. Hefyd, gwiriwch eich ffolder sbam/sothach rhag ofn i unrhyw gyfathrebu ynglyn â’ch cais a/neu eich manylion asesu ddod o hyd i'w ffordd yno.

Ar ôl i chi gofrestru i gael cyfrif a mewngofnodi, byddwch yn cael eich arwain at y ffurflen gais ar-lein. Rhaid i chi lenwi hon a’i chyflwyno cyn y terfyn amser ar y dyddiad cau. Ni fyddwn yn ystyried ffurflen gais anghyflawn.

Os hoffech wneud cais am y swydd wag hon yn Gymraeg, defnyddiwch y ddolen Newid Iaith ar y dudalen hon.  Rydym yn croesawu ceisiadau yn Gymraeg, ac ni fydd ceisiadau a gyflwynir yn Gymraeg yn cael eu trin yn llai ffafriol na rhai a gyflwynir yn Saesneg. 

Darllenwch y canllawiau i ymgeiswyr i gael rhagor o wybodaeth am y broses recriwtio.

I gael gwybodaeth am Broffiliau Llwyddiant y Gwasanaeth Sifil, cliciwch yma.

Ar gyfer cynlluniau recriwtio TS i G6: Wrth gyflwyno’ch tystiolaeth y byddai'n ddefnyddiol i chi ystyried disgwyliadau'r radd fel y nodir yn y Disgrifiad Gradd, yn ogystal â'r prif gyfrifoldebau sy'n hanfodol ar gyfer y rôl.

Mae’r cyfle hwn ar gau i geisiadau.