Saer Maen Cadwraeth (Gorllewin Cymru x2 – Gogledd Cymru x1)

Cyf 3471

Mae Llywodraeth Cymru yn gweithredu proses recriwtio ddienw. Ni fydd y panel recriwtio yn gweld gwybodaeth bersonol fel enw a chyfeiriad ymgeisydd yn ystod y broses ddidoli. Mae’r polisi hwn yn unol â’n hymrwymiad i ddileu rhagfarn, ac i hyrwyddo cydraddoldeb ac amrywiaeth.

Manylion swydd wag

Saer Maen Cadwraeth (Gorllewin Cymru x2 – Gogledd Cymru x1) 

05/03/2026, 16:00 

Parhaol
£30,754
Swyddog Gweithredol £30,754 i £34,997
RRA Pensiynadwy
Llawn amser (croesewir ceisiadau gan bobl sy’n gweithio rhan-amser, fel rhan o rannu swydd neu sy’n gweithio’n llawn amser)
Grŵp Addysg, Diwylliant a’r Gymraeg
Cadw
Eiddo dan Ofal
De-orllewin Cymru, Gogledd Cymru
Arall
St Clears depot & Caernarfon depot

Cadw yw gwasanaeth amgylchedd hanesyddol Llywodraeth Cymru - yn gweithio i sicrhau amgylchedd hanesyddol hygyrch a ddiogelir yn dda i Gymru.

Rydym yn gwarchod treftadaeth Cymru i'r safon orau bosibl ac yn helpu i gynnal cymeriad unigryw tirweddau a threfi Cymru. Rydym yn gyfrifol am rai o'r safleoedd mwyaf arwyddocaol yn y byd, ac rydym yn helpu pobl i ddeall a gofalu am eu lle a'u hanes – a lle Cymru yn y byd.

Mae ein timau cadwraeth mewnol yn cyflawni cyfrifoldebau statudol er mwyn gwarchod a chynnal a chadw'r henebion o dan ein gofal. Prif swyddogaethau'r timau yw gwneud gwaith saer/saer coed cadwraeth, gwaith cynnal a chadw cylchol ac adweithiol, a gwaith cyflwyno ar safleoedd Cadw o fewn ardal ddaearyddol.

  • Atgyfnerthu ac ailweithio pen waliau, gwaith arwyneb a chraidd waliau darniog agored.
  • Gweithio yn ddiogel bob amser ac ar uchder mawr gan ddefnyddio sgaffaldiau wedi'u hadeiladu'n gywir yn ôl yr angen.
  • Cofnodi, anodi ac ymgymryd â gwaith datgymalu gwaith maen hanesyddol bregus ac ansefydlog yn ofalus ac mewn trefn, ac ailadeiladu a sefydlogi rhannau o waith maen yn ofalus ac yn gywir fel yr oedd ar sail lluniadau, ffotograffau a chofnodion.
  • Gosod gwaith maen nadd arbennig a phwrpasol ar y safle (wedi'i baratoi yn rhywle arall).
  • Defnyddio dulliau cadwraeth arbenigol fel pinio, growtio, atgyweirio morter plastig, angori, gosod araen amddiffynnol, gwaredu graffiti, rendro ac ati.
  • Ymgymryd â gwaith adeiladu amrywiol sy'n gysylltiedig â chynnal a chadw a diogelu henebion a safleoedd hanesyddol sydd ar agor i ymwelwyr, gan gynnwys gwaith cynnal a chadw yn y gaeaf a gwaith gwella golwg safleoedd nad yw'n ymwneud â gwaith maen.
  • Cynorthwyo gyda dyletswyddau llafurio â llaw gan gynnwys tynnu morter, symud deunyddiau, cymysgu morter, amddiffyn rhag y tywydd, ac ati.
  • Gyda'ch rheolwr llinell, paratoi, cytuno a chynnal Cynllun Rheoli Perfformiad, Hyfforddi a Datblygu. Byddwch yn ymgymryd â'r holl hyfforddiant gorfodol ac yn chwilio am gyfleoedd hyfforddi a datblygu mewnol ac allanol eraill sy'n cael eu hystyried yn berthnasol.
  • Sicrhau bod holl gerbydau, Cyfarpar Diogelu Personol (PPE), peiriannau, cyfarpar mynediad ac offer Llywodraeth Cymru yn cydymffurfio, yn ddiogel ac yn cael eu cynnal a’u cadw’n dda.
  • Sicrhau bod holl gerbydau, peiriannau ac offer Llywodraeth Cymru yn ddiogel bob amser ar ôl eu defnyddio.
  • Gyrru a bod yn gyfrifol am gerbydau gwaith yn ôl yr angen.
  • Sicrhau bod cyfleusterau lles y gwaith yn lân, yn hylan, yn ddiogel, yn daclus ac yn cydymffurfio. Rhoi gwybod am risgiau a phroblemau yn brydlon ac yn gyfrifol.
  • Ar y cyd â'r Goruchwyliwr Gwaith a'r Rheolwr Gwaith Cadwraeth ac Eiddo, bydd gennych fewnbwn i gwmpas ac ehangder pecynnau gwaith, dulliau cadwraeth ac ymyrraeth priodol, dewis deunyddiau, gofynion mynediad, rhaglen, ac ati. Byddwch yn cynorthwyo i ddatblygu Datganiadau Dull ac Asesiadau Risg, yn cynnal sgyrsiau diogelwch am yn ail â chydweithwyr ac yn datblygu Asesiadau Risg sy'n benodol i'r gwaith dan sylw.
  • Cynorthwyo i ddatblygu blaenraglenni gwaith trwy nodi gwaith posibl yn y dyfodol.
  • Helpu i hyrwyddo dealltwriaeth y cyhoedd o waith Cadw trwy arddangos ein gwaith i ymwelwyr, mynychu a chynrychioli Cadw mewn digwyddiadau allanol, arddangosiadau gwaith, cyfleoedd cyfryngau ac ati.
  • Defnyddio offer TG gan ddangos lefel sylfaenol o sgil a dealltwriaeth.
  • Unrhyw ddyletswyddau eraill sy'n gymesur â'r radd yn unol â chyfarwyddyd y rheolwr llinell.
Bydd cyfleoedd hyfforddi a datblygu mewnol ac allanol yn cael eu hyrwyddo fel rhan o gynllun hyfforddi a datblygu strwythuredig. Byddwch yn cael eich annog a'ch cefnogi i ymgymryd â Datblygiad Proffesiynol Parhaus. Fel rhan o dîm arbenigol bach, mae yna lwybr gyrfa a chyfleoedd posibl i ddatblygu’ch gyrfa yn y dyfodol.

Swyddi ar gael

Gofynnir i ymgeiswyr nodi’r lleoliad o’u dewis.

  • 2 x Saer Maen Cadwraeth – Gorllewin Cymru
  • 1 x Saer Maen Cadwraeth – Gogledd Cymru

Y Cam a’r Broses Asesu

Cam 1 (Hidlo):

Rhaid i ymgeiswyr ddarparu:

  • Curriculum vitae cyfredol. Rhaid nodi addysg a chymwysterau proffesiynol, unrhyw aelodaeth o sefydliadau, cyflogwyr presennol a blaenorol, hyfforddiant, profiad ac ati gan gynnwys unrhyw fylchau cyflogaeth.
  • Cadarnhad o gymhwyster / hyfforddiant / profiad.
  • Datganiad 750 o eiriau am eich addasrwydd ar gyfer y rôl hon ynghyd â thystiolaeth o'r meini prawf profiad 1 a 2.

Cam 2 (Cyfweliad)

Bydd ymgeiswyr sy'n bodloni'r meini prawf gofynnol yng Ngham 1 yn cael eu gwahodd am gyfweliad a fydd yn cynnwys cwestiynau sy'n profi eu hymddygiad, eu profiad a'u sgiliau technegol.

Lleoliad

Mae rhanbarth Cadwraeth Gogledd Cymru yn cynnwys safleoedd Treftadaeth y Byd UNESCO, sef cestyll Biwmares, Caernarfon, Conwy a Harlech, ynghyd â chapeli, siambrau claddu, abatai, tai canoloesol, ac aneddiadau Rhufeinig. Bydd angen teithio ar draws y rhanbarth er mwyn cyflawni busnes o ddydd i ddydd. Byddwch yn dechrau eich diwrnod yn depo Caernarfon ac yna'n teithio i wahanol safleoedd gan ddefnyddio fan gwaith y cwmni.

Gorllewin Cymru

Mae rhanbarth Cadwraeth Gorllewin Cymru yn cynnwys cestyll, Llysoedd yr Esgobion, priordai, abatai a beddrodau neolithig – megis Llys yr Esgob Tyddewi, Cestyll Talacharn a Chydweli. Bydd angen teithio ledled y rhanbarth er mwyn cyflawni’r gwaith o ddydd i ddydd. Byddwch yn dechrau eich diwrnod yn Sanclêr ac yna'n teithio i wahanol safleoedd gan ddefnyddio fan waith y cwmni.

Bydd angen teithio i swyddfeydd eraill Llywodraeth Cymru, i safleoedd henebion eraill ac i gyfarfodydd yng Nghymru o bryd i'w gilydd hefyd.

Gofynion

Profiad o gynnal a chadw neu ailadeiladu waliau cerrig neu frics a dulliau cadwraeth eraill (e.e. gwaredu graffiti, pinio cerrig, gwyngalchu, defnyddio morter calch, growtio, tynnu llystyfiant).

Gwybodaeth gyffredinol dda, yn ymarferol ac yn weithredol, am adeiladwaith adeiladau, gan gynnwys ymwybyddiaeth a dealltwriaeth dda o faterion Iechyd a Diogelwch cyfredol ym maes adeiladu, a diogelwch ar safleoedd adeiladu.

Mae angen trwydded yrru lawn ar gyfer y rôl hon.

Os ydych chi'n llwyddiannus yn y cyfweliad, bydd gofyn i chi ddarparu gwybodaeth iechyd fel rhan o wiriadau cyn cyflogi er mwyn dangos eich bod yn gallu bodloni gofynion y rôl ar hyn o bryd.

Lwfansau

  • Lwfans Recriwtio a Chadw gwerth £2000. Nid oes modd trafod hyn.
  • Lwfans Offer – yn cael ei adolygu

Gwybodaeth arall

Gellir cadw rhestr wrth gefn ar gyfer y cyfle hwn. Bydd unrhyw ymgeisydd sy'n llwyddo i gael cynnig statws wrth gefn yn aros ar y rhestr wrth gefn am 12 mis.

Sylfaenol
3
cadw.hr@gov.wales

Gofynion y Gymraeg

3 - Nid yw sgiliau iaith Gymraeg yn hanfodol ar gyfer y swydd hon, fodd bynnag, maent yn ddymunol a byddant yn cael eu hystyried os bydd dau neu fwy o ymgeiswyr yn derbyn yr un sgôr yn y cam ymgeisio neu gyfweliad.
0 - Dim sgiliau
0 - Dim sgiliau
0 - Dim sgiliau
0 - Dim sgiliau

Gweithio i'r Gwasanaeth Sifil

Gweithio i'r Gwasanaeth Sifil Mae Cod y Gwasanaeth Sifil yn nodi'r safonau ymddygiad a ddisgwylir gan weision sifil.

Y Defnydd o Ddeallusrwydd Artiffisial

Gall Deallusrwydd Artiffisial fod yn adnodd defnyddiol i gefnogi’ch cais, fodd bynnag, rhaid i’r holl enghreifftiau a datganiadau a ddarperir fod yn wir, yn ffeithiol gywir ac yn uniongyrchol seiliedig ar eich profiad personol chi. Os nodir llên-ladrad (cyflwyno syniadau a phrofiadau eraill, neu wedi’u cynhyrchu gan Ddeallusrwydd Artiffisial, fel eich syniadau neu brofiadau chi) gellir tynnu’r ceisiadau yn ôl a gall ymgeiswyr mewnol fod yn destun camau disgyblu. Gweler y canllawiau i ymgeiswyr ar Ddeallusrwydd Artiffisial am ragor o wybodaeth am ddefnydd priodol ac amhriodol.

Proses a Chamau Dethol

Mae Llywodraeth Cymru, fel pob un o Adrannau eraill y Llywodraeth, yn defnyddio Proffiliau Llwyddiant wrth recriwtio.  Ar gyfer pob rôl, byddwn yn ystyried yr hyn y bydd angen i chi ei ddangos er mwyn llwyddo. Mae hyn yn rhoi’r cyfle gorau posibl i ni ddod o hyd i’r person iawn ar gyfer y swydd. Mae’n gwella perfformiad ac yn gwella amrywiaeth a chynhwysiant.

Dyma’r broses a’r camau dethol:

Nifer y Camau:Proses 2 gam
Cam 1Cais
Cam 2Cyfweliad

Ymddygiad

Byddwn yn eich asesu yn erbyn y meini prawf Ymddygiad hyn yn ystod y broses ddethol.

Cydweithio

Cyfrannu at amgylchedd gwaith cynhwysol lle mae pob barn a her yn cael gwrandawiad a phob angen unigol yn cael ei ystyried.
Caiff hyn ei brofi yng ngham 2: Cyfweliad

Rheoli Gwasanaeth o Ansawdd

Nodi problemau cyffredin sy'n effeithio ar y gwasanaeth, rhoi gwybod amdanynt a dod o hyd i atebion.
Caiff hyn ei brofi yng ngham 2: Cyfweliad

Profiad

Byddwn yn eich asesu yn erbyn y meini prawf Profiad canlynol yn ystod y broses asesu.
CV, Cwestiynau am brofiad

[color="black"]Profiad o wneud gwaith cadwraethol neu ailadeiladu ar waliau cerrig neu frics a thechnegau cadwraeth eraill (e.e. gwaredu graffiti, pinio cerrig, gwyngalchu, defnyddio morter calch, growtio, tynnu llystyfiant).[/color]

Caiff hyn ei brofi yng ngham 1: Cais
Caiff hyn ei brofi yng ngham 2: Cyfweliad

2) Gwybodaeth gyffredinol dda, yn ymarferol ac yn weithredol, am adeiladwaith adeiladau, gan gynnwys ymwybyddiaeth a dealltwriaeth dda o faterion Iechyd a Diogelwch presennol ym maes adeiladu, a diogelwch ar safleoedd adeiladu.

Caiff hyn ei brofi yng ngham 1: Cais
Caiff hyn ei brofi yng ngham 2: Cyfweliad

Candidate to provide their preferred location.

Caiff hyn ei brofi yng ngham 1: Cais

Technegol

Byddwn yn asesu’r Sgiliau technegol canlynol yn ystod y broses ddethol.

Dealltwriaeth ymarferol dda o dechnegau gwaith maen a'r gallu i'w defnyddio.

Caiff hyn ei brofi yng ngham 2: Cyfweliad

Cymhwysedd

Gofynnir i chi am eich cenedligrwydd ac a oes gennych chi hawl gyfreithiol i weithio yn y Deyrnas Unedig. Pwrpas hyn yw gweld a ydych chi’n gymwys i wneud cais am y swydd wag hon. Mae hyn yn ofyniad ar gyfer gweithio yn y Gwasanaeth Sifil. https://www.gov.uk/government/publications/nationality-rules

Os nad ydych chi’n bodloni’r meini prawf cymhwysedd, ni fydd eich cais yn cael ei ystyried ymhellach. Os daw’n amlwg yn ddiweddarach yn y broses nad ydych yn gymwys i wneud cais, efallai y bydd eich cais yn cael ei dynnu’n ôl, neu’r cynnig yn cael ei dynnu’n ôl.

Mae’r swydd hon yn agor yn fras i’r grwpiau canlynol:
• gwladolion y DU
• gwladolion Gweriniaeth Iwerddon
• gwladolion gwledydd y Gymanwlad sydd â'r hawl i weithio yn y DU
• gwladolion yr UE, y Swistir, Norwy, Gwlad yr Iâ neu Liechtenstein ac aelodau teulu’r gwladolion hynny sydd â statws sefydlog neu gyn-sefydlog o dan Gynllun Preswylio’n Sefydlog i Ddinasyddion yr Undeb Ewropeaidd (EUSS)
• gwladolion yr UE, y Swistir, Norwy, Gwlad yr Iâ neu Liechtenstein ac aelodau teulu’r gwladolion hynny sydd wedi gwneud cais dilys am statws sefydlog neu gyn-sefydlog o dan EUSS
• unigolion â chaniatâd cyfyngedig i aros neu ganiatâd amhenodol i aros a oedd yn gymwys i wneud cais am EUSS ar 31 Rhagfyr 2020 neu cyn hynny
• gwladolion Twrci, a rhai aelodau o deulu gwladolion Twrci sydd wedi cronni’r hawl i weithio yn y Gwasanaeth Sifil

Model Cymdeithasol o Anabledd

Mae Llywodraeth Cymru wedi mabwysiadu'r model cymdeithasol o anabledd, sy'n cydnabod bod rhwystrau mewn cymdeithas sy’n analluogi pobl sydd âg amhariadau, neu gyflyrau iechyd, sy'n niwroamrywiol neu sy'n defnyddio Iaith Arwyddion Prydain.

Rydym wedi ymrwymo i gael gwared ar rwystrau yn y broses recriwtio fel y gall pob aelod o staff (neu ddarpar aelodau staff) berfformio o’u gorau.

Gellir gwneud addasiadau recriwtio ar unrhyw adeg yn y broses recriwtio ar gyfer ymgeiswyr ag amhariad neu gyflwr iechyd, sy'n niwroamrywiol neu sy'n defnyddio Iaith Arwyddion Prydain. 

Cysylltwch â SicrhauAmrywiaethwrthRecriwtio@llyw.cymru i drafod addasiadau ar gyfer unrhyw ran o'r broses.

Cynlluniau Cyfweld Cynhwysol

Rydym wedi ymrwymo i recriwtio cynhwysol ac yn cynnig cyfweliadau i ymgeiswyr cymwys sy'n bodloni'r meini prawf lleiaf ar gyfer y rôl drwy'r cynlluniau canlynol:

Gweithle Gwych i Gyn-Aelodau’r Lluoedd Arfog

Mae Llywodraeth Cymru yn Arweinydd Hyderus o ran Anabledd. Fel rhan o'n hymrwymiad i'r cynllun hwn, rydym yn cyfweld ag unrhyw ymgeisydd sydd ag amhariad, cyflwr iechyd, sy'n niwrowahanol neu sy'n defnyddio Iaith Arwyddion Prydain os yw'n bodloni'r meini prawf gofynnol ar gyfer y swydd.

Lle Mwyaf i Weithio i Filwyr Gwasanaeth

Mae Llywodraeth Cymru yn gweithredu'r Fenter Lle Gwych i Weithio i Gyn-filwyr.  Fel rhan o'n hymrwymiad i'r cynllun hwn, rydym yn cyfweld ag unrhyw ymgeiswyr cymwys sy'n bodloni'r meini prawf gofynnol ar gyfer y swydd.

Cynllun Cyfweliad yn sgil Adleoli

Gall cyflogwyr y Gwasanaeth Sifil gynnig cyfweliad i nifer teg a chymesur o weision sifil y mae eu swydd mewn perygl o gael ei dileu ac sy’n bodloni'r meini prawf gofynnol ar gyfer y swydd.
Mae 'meini prawf gofynnol' yn golygu bod yn rhaid i ymgeiswyr ddarparu tystiolaeth i ni yn eu cais (a/neu eu prawf) eu bod yn bodloni'r lefel ofynnol o gymhwysedd ar gyfer y rôl - sy'n cael ei diffinio fel arfer fel sgôr o 4 o leiaf ar gyfer pob maen prawf.

Partneriaeth Gymdeithasol

Yn Llywodraeth Cymru, mae’r berthynas rhwng y cyflogwr a’r undebau llafur yn seiliedig ar bartneriaeth gymdeithasol. Credwn mai’r ffordd orau o gyflawni ein nodau yw i reolwyr ac undebau llafur gydweithio.

Dyma’r 3 undeb llafur a gydnabyddir gennym:
•         PCS
•         Prospect
•         FDA

Mae’r berthynas hon yn seiliedig ar gytundeb partneriaeth. Mae hwn yn nodi sut mae ein hundebau yn gweithio gyda Llywodraeth Cymru ar faterion fel:
•         Cyflog
• Telerau ac amodau
• Strategaeth, polisïau a gweithdrefnau AD
• Iechyd, diogelwch a lles
• Newid sefydliadol

Mae ein cydweithwyr undebau llafur yn Llywodraeth Cymru yn gweithio gyda’i gilydd i roi llais go iawn i’w haelodau yn y gweithle. Maent yn gwneud yn siŵr bod buddiannau eu haelodau yn cael eu hyrwyddo a’u gwarchod. Maent hefyd yn helpu i leihau anghydraddoldebau a gwella telerau ac amodau.

Mae gan Lywodraeth Cymru hanes rhagorol o weithio mewn partneriaeth â’i hundebau llafur. Rydym yn eich cefnogi i ymuno ag undeb llafur cydnabyddedig, i sicrhau bod eich llais yn cael ei glywed yn y gweithle.  Rydym yn eich annog i ddysgu mwy am ein hundebau llafur, am weithio mewn partneriaeth, ac i gymryd rhan yn eu gwaith.

Buddiannau

Mae holl staff Llywodraeth Cymru yn aelodau o’r Gwasanaeth Sifil, ac o ganlyniad maent yn gymwys ar gyfer:

  • Cynllun Pensiwn y Gwasanaeth Sifil
  • 31 diwrnod o wyliau blynyddol (pro rata ar gyfer rhan amser)
  • cyfleoedd hyfforddi a datblygu
  • Cynllun Beicio i’r Gwaith
  • Trefniadau gweithio hyblyg Gweithio'n Glyfar
  • Cynllun Car Gwyrdd (ar yr amod ei fod ar gael)

Os ydych chi’n aelod gweithredol o Gynllun Pensiwn y Gwasanaeth Sifil, gallwch barhau â’ch aelodaeth drwy gydol eich cyflogaeth gyda ni.

Egwyddorion a chwynion recriwtio

Rydym yn recriwtio yn ôl teilyngdod ar sail cystadleuaeth deg ac agored. Edrychwch ar egwyddorion recriwtio Comisiwn y Gwasanaeth Sifil ar wefan y Comisiwn.

Os ydych chi’n teimlo nad yw eich cais wedi cael ei drin yn unol â’r egwyddorion hyn a’ch bod yn dymuno gwneud cwyn, anfonwch e-bost at cwynion@llyw.cymru. Gwnewch yn siŵr eich bod yn cyfeirio at gyfeirnod y swydd wag.

Os nad ydych chi’n fodlon â’r ymateb a gewch gan Lywodraeth Cymru, gallwch gysylltu â Chomisiwn y Gwasanaeth Sifil: info@csc.gov.uk.

Rhaid i bob cais am y swydd hon gael ei wneud gan ddefnyddio ein system ymgeisio ar-lein.

Oni nodir fel arall yn y 'wybodaeth arall sy'n gysylltiedig â swydd wag ar gyfer hysbyseb', ni all Llywodraeth Cymru gynnig nawdd Fisa. Mae gan Lywodraeth Cymru drwydded nawdd Fisa, ond dim ond ar gyfer rhai rolau y gellir ei defnyddio ac nid yw'r ymgyrch hon yn gymwys.

Croesewir ceisiadau gan bobl ag ystod amrywiaeth o brofiadau bywyd a phroffesiynol. Rydym wedi ymrwymo'n weithredol i ddod yn sefydliad sy'n gynyddol amrywiol sy'n cynrychioli'r cymunedau amrywiol rydym yn eu gwasanaethu. Mae nifer o rwydweithiau Amrywiaeth y gall staff gymryd rhan ynddynt, sy'n cynnwys y Rhwydwaith Ymwybyddiaeth a Chefnogi Anabledd (YChA); Rhwydwaith Staff Lleiafrifoedd Ethnig; Materion Meddwl (Iechyd meddwl a lles); PRISM (LGBTI+), Menywod Ynghyd and Rhwydwaith Niwrowahaniaeth.

Os oes gennych amhariad sy’n eich atal rhag ymgeisio ar-lein, anfonwch e-bost at ein tîm recriwtio. Gallwch:

  • ofyn am becyn ymgeisio mewn fformat arall
  • gofyn am addasiad recriwtio i’ch helpu i gyflwyno eich cais

Defnyddiwch y botwm 'Gwneud Cais' i gyflwyno eich cais. Mewngofnodwch neu cofrestrwch i greu cyfrif i wneud cais. Mae cofrestru’n cymryd ychydig funudau a bydd angen cyfeiriad e-bost arnoch chi. 

Dylech wirio eich Canolfan Cais yn reolaidd i gael diweddariadau eich cais. Hefyd, gwiriwch eich ffolder sbam/sothach rhag ofn i unrhyw gyfathrebu ynglyn â’ch cais a/neu eich manylion asesu ddod o hyd i'w ffordd yno.

Ar ôl i chi gofrestru i gael cyfrif a mewngofnodi, byddwch yn cael eich arwain at y ffurflen gais ar-lein. Rhaid i chi lenwi hon a’i chyflwyno cyn y terfyn amser ar y dyddiad cau. Ni fyddwn yn ystyried ffurflen gais anghyflawn.

Os hoffech wneud cais am y swydd wag hon yn Gymraeg, defnyddiwch y ddolen Newid Iaith ar y dudalen hon.  Rydym yn croesawu ceisiadau yn Gymraeg, ac ni fydd ceisiadau a gyflwynir yn Gymraeg yn cael eu trin yn llai ffafriol na rhai a gyflwynir yn Saesneg. 

Darllenwch y canllawiau i ymgeiswyr i gael rhagor o wybodaeth am y broses recriwtio.

I gael gwybodaeth am Broffiliau Llwyddiant y Gwasanaeth Sifil, cliciwch yma.

Ar gyfer cynlluniau recriwtio TS i G6: Wrth gyflwyno’ch tystiolaeth y byddai'n ddefnyddiol i chi ystyried disgwyliadau'r radd fel y nodir yn y Disgrifiad Gradd, yn ogystal â'r prif gyfrifoldebau sy'n hanfodol ar gyfer y rôl.

Mae’r cyfle hwn ar gau i geisiadau.