Pennaeth Cyflenwi Diogelwch ar y Ffyrdd, Rhwydwaith Ffyrdd Strategol

Cyf 3841

Mae Llywodraeth Cymru yn gweithredu proses recriwtio ddienw. Ni fydd y panel recriwtio yn gweld gwybodaeth bersonol fel enw a chyfeiriad ymgeisydd yn ystod y broses ddidoli. Mae’r polisi hwn yn unol â’n hymrwymiad i ddileu rhagfarn, ac i hyrwyddo cydraddoldeb ac amrywiaeth.

Manylion swydd wag

Pennaeth Cyflenwi Diogelwch ar y Ffyrdd, Rhwydwaith Ffyrdd Strategol  

11/06/2026, 16:00 

Parhaol
Bydd cyflog cychwynnol o £61,098 yn cael ei gynnig i’r ymgeisydd llwyddiannus. Mae graddfa gyflog y rôl hon yn amrywio rhwng £61,098 a £73,057 dros 4 cynnydd blynyddol. Mae cynnydd cyflog yn seiliedig ar symud ymlaen bob blwyddyn i’r pwynt nesaf ar y raddfa nes bod y gweithiwr yn cyrraedd y gyfradd darged.
Gradd 7 £61,098 i £73,057
Llawn amser (croesewir ceisiadau gan bobl sy’n gweithio rhan-amser, fel rhan o rannu swydd neu sy’n gweithio’n llawn amser)
Grŵp yr Economi, Ynni a Thrafnidiaeth
Cysylltedd Trafnidiaeth a Digidol
Rheoli Asedau a Safonau
Ledled Cymru

Ystyr 'Cymru Gyfan' yw y gall deiliad y swydd fod wedi'i leoli mewn unrhyw swyddfa Llywodraeth Cymru, gan ddibynnu ar anghenion y busnes. Nid yw rolau sydd wedi'u lleoli y tu allan i Gymru, gan gynnwys Llundain, ar gael oni bai eu bod wedi'u nodi'n benodol yn yr hysbyseb.

Mae rhestr o swyddfeydd Llywodraeth Cymru ar gael yn www.llyw.cymru/swyddfeydd-llywodraeth-cymru.  Sylwch na fydd hi efallai yn bosibl bodloni dewis rhywun o leoliad swyddfa penodol.

Ystyrir bod deiliad y swydd yn teithio o'i gartref i'r swyddfa Llywodraeth Cymru a neilltuwyd iddynt yn 'daith cymudo arferol', a rhaid iddynt ei gyflawni yn ei hamser a chost ei Hunain.

Y Rhwydwaith Ffyrdd Strategol (SRN) yw un o asedau seilwaith cyhoeddus mwyaf arwyddocaol Cymru, sy'n werth oddeutu £18 biliwn. Er ei fod yn cynrychioli tua phump y cant o gyfanswm hyd y ffordd yng Nghymru, mae'n cario tua thraean o'r holl draffig ac mae'n hanfodol i dwf economaidd, cysylltiadau cymunedol, mynediad at wasanaethau hanfodol a chyflawni amcanion trafnidiaeth, hinsawdd a lles Llywodraeth Cymru.

Mae'r swydd hon yn rhan o Is-adran y Rhwydwaith Ffyrdd Strategol ac mae'n rhan o raglen ehangach i atgyfnerthu gallu Llywodraeth Cymru fel awdurdod priffyrdd. Byddwch yn ymuno â thîm sy'n cyflwyno rhaglenni seilwaith cenedlaethol effaith uchel ledled Cymru, gan ymateb i heriau cymhleth gan gynnwys diogelwch ar y ffyrdd, gwydnwch hinsawdd, newid ymddygiad teithio a galw cynyddol ar y rhwydwaith.

Fel Pennaeth Cyflawni Diogelwch ar y Ffyrdd ar gyfer y Rhwydwaith Ffyrdd Strategol, bydd gennych gyfrifoldeb rheoli llinell ar gyfer Peiriannydd Diogelwch ar y Ffyrdd ar lefel SEO. Byddwch yn darparu goruchwyliaeth strategol, llywodraethiant technegol a sicrwydd ynghylch diogelwch ar y ffyrdd ar draws yr Rhwydwaith. Mae'r swydd yn ganolog i droi ymrwymiadau gweinidogol ac uchelgeisiau polisi yn ymyriadau diogelwch effeithiol sy'n seiliedig ar dystiolaeth, sy'n lleihau anafiadau angheuol a difrifol ar gefnffyrdd Cymru.

Byddwch yn gweithio'n agos gyda Gweinidogion, uwch swyddogion, arbenigwyr technegol, partneriaid cyflawni a rhanddeiliaid allanol i sicrhau bod ymyriadau diogelwch ar gyfer cefnffyrdd yn cael eu llywodraethu'n dda, yn cyd-fynd â'r arferion gorau yn rhyngwladol ac yn cael eu cyflawni'n gyson. Mae hon yn swydd Gradd 7 proffil uchel a dylanwadol sy'n cael  effaith uniongyrchol ar ganlyniadau diogelwch y cyhoedd ledled Cymru.

Byddwch yn goruchwylio rôl Llywodraeth Cymru yn y Cynllun Gweithredu Atal Hunanladdiad a Hunan-niweidio ar gyfer y Rhwydwaith, ac yn gweithio gyda rhanddeiliaid i weithredu rhaglenni gwaith.

Byddwch hefyd yn gweithio'n agos gyda'r tîm Polisi Diogelwch ar y Ffyrdd i sicrhau bod polisi a chyflawni ar y cefnffyrdd yn cyd-fynd yn llawn, gan gynnal perthynas ddwyffordd gref lle mae cyfeiriad polisi yn llywio rhaglenni gwaith ar y Rhwydwaith Ffyrdd Strategol, a bod dealltwriaeth o gyflawni gweithredol o'r rhaglenni gwaith ar y gefnffyrdd yn llunio datblygu polisi yn y dyfodol mewn ffordd weithredol.

Beth Byddwch yn ei Wneud?

Fel rhan o'r swyddogaeth Rheoli Rhwydwaith, byddwch yn darparu arweinyddiaeth ar draws yr Rhwydwaith i sicrhau bod polisi diogelwch ar y ffyrdd yn cael ei weithredu'n effeithiol, yn gyson ac yn gyflym. Bydd eich gwaith yn cefnogi'r gwaith o gyflawni egwyddorion System Ddiogel, rhaglenni cenedlaethol diogelwch ar y ffyrdd a chynlluniau seilwaith mawr, gan sicrhau aliniad â pholisi Llywodraeth Cymru, dyletswyddau statudol ac arferion gorau y diwydiant.

1.    Cyflawni Polisi, Llywodraethiant a Sicrwydd

·       Arwain y gwaith o gyflawni polisi diogelwch ffyrdd Llywodraeth Cymru yn strategol ar y Rhwydwaith Ffyrdd Strategol, gan sicrhau aliniad â blaenoriaethau gweinidogol a rhwymedigaethau statudol.

·       Goruchwylio llywodraethiant, sicrwydd a chydymffurfedd i sicrhau bod ymyriadau diogelwch ar y cefnffyrdd yn seiliedig ar dystiolaeth, yn cael eu llywodraethu'n dda ac yn gyson â'r arferion gorau yn genedlaethol ac yn rhyngwladol.

·       Darparu cyngor arbenigol a sesiynau briffio i Weinidogion, uwch swyddogion a Phwyllgorau'r Senedd ar faterion diogelwch ar y ffyrdd fel y maen nhw'n ymwneud â'r Rhwydwaith.

2.    Goruchwyliaeth Dechnegol a Rheoli Risg

·       Darparu uwch arweinyddiaeth dechnegol ar gyfer peirianneg diogelwch ar y ffyrdd ar draws y Rhwydwaith, gan ymgorffori egwyddorion System Ddiogel mewn seilwaith, buddsoddi a phenderfyniadau gweithredol.

·       Cyflawni rhaglenni a chynlluniau mawr i sicrhau cydymffurfedd â safonau diogelwch ar y ffyrdd, gofynion rheoli risg a'r arferion gorau.

3.    Cyflawni Rhaglenni Cenedlaethol Diogelwch ar y Ffyrdd

·       Darparu cyfeiriad strategol a goruchwyliaeth ar gyfer mentrau cenedlaethol diogelwch ar y ffyrdd ar y Rhwydwaith, gan sicrhau gweithredu effeithiol ac effaith fesuradwy.

·       Goruchwylio monitro, gwerthuso ac adrodd ar berfformiad, gan roi sicrwydd clir i Weinidogion ac uwch swyddogion.

·       Cydgysylltu cyflawni ar draws Llywodraeth Cymru, Asiantau Cefnffyrdd a phartneriaid allweddol.

·       Goruchwylio'r gofynion cyllido ar gyfer rhaglenni Diogelwch ar y Ffyrdd ac Atal Hunanladdiad a Hunan-niweidio ar gyfer y Rhwydwaith.

4.    Ymgysylltu â Rhanddeiliaid a Llywodraethau eraill

·       Cynrychioli Llywodraeth Cymru mewn fforymau diogelwch ar y ffyrdd ledled y DU ac yn rhyngwladol, gan sicrhau bod arferion Cymru yn parhau i gyd-fynd ag arferion gorau sy'n dod i'r amlwg.

·       Adeiladu cysylltiadau effeithiol â'r Pennaeth Polisi Diogelwch ar y Ffyrdd a rhanddeiliaid, gan gynnwys partneriaid gorfodi a chyrff allanol, i gefnogi cyflawni a chynyddu hyder y cyhoedd.

5.    Arweinyddiaeth, y Gweithlu a Gallu

·       Darparu arweinyddiaeth a gwaith datblygu ar gyfer swyddogaeth diogelwch ar y ffyrdd y Rhwydwaith, rheoli'r Peiriannydd Diogelwch ar y Ffyrdd a rolau ehangach yr Asiant Cefnffyrdd, gan sicrhau llwythi gwaith cynaliadwy a safonau proffesiynol uchel.

·       Arwain y gwaith o gynllunio'r gweithlu a datblygu gallu ar draws Llywodraeth Cymru ac Asiantau Cefnffyrdd, gan leihau'r ddibyniaeth ar ymgynghoriaeth allanol.

·       Cyfrifoldeb rheoli llinell ar gyfer Peiriannydd Diogelwch ar y Ffyrdd.

 

 

 

Bydd deiliad y swydd hon yn cael cryn fynediad at Weinidogion ac uwch swyddogion, gan gynnig y cyfle i ddylanwadu ar bolisi cenedlaethol diogelwch ar y ffyrdd a goruchwylio'r gwaith o'i droi'n gyflawni effeithiol ar draws y Rhwydwaith Ffyrdd Strategol.

 

Byddwch yn datblygu eich gallu arweinyddiaeth strategol, llywodraethiant a sicrwydd o fewn maes cyfrifoldeb proffil uchel Llywodraeth Cymru, wrth atgyfnerthu eich profiad o weithio trawslywodraethol ac ymgysylltu â rhanddeiliaid cymhleth. Mae'r swydd hon cynnig cyfle unigryw i lunio canlyniadau diogelwch ar y ffyrdd sy'n darparu gwelliannau diriaethol i ddiogelwch a lles y cyhoedd ledled Cymru.

Cyn-hidlo

Os bydd nifer fawr o geisiadau, cynhelir hidliad cychwynnol yn erbyn y prif faen prawf asesu: Profiad. Gall ymgeiswyr sy’n pasio’r hidliad cychwynnol symud ymlaen i hidliad llawn neu gael eu symud yn uniongyrchol ymlaen i’r asesiad/cyfweliad.

Rhestr Wrth Gefn

Mae’n bosibl y bydd rhestr wrth gefn ar gyfer y cyfle hwn. Bydd unrhyw ymgeisydd sy’n llwyddo i gael cynnig bod ar y rhestr wrth gefn yn parhau i fod arni am gyfnod o 12 mis, yn unol â pholisi Llywodraeth Cymru

Gofynion Proffesiynol

Byddwch yn Beiriannydd Sifil Siartredig neu Gorfforedig, Cynllunydd Trafnidiaeth, neu'n weithiwr proffesiynol gyda phrofiad ym maes diogelwch ar y ffyrdd. Dylai hyn gynnwys profiad o gynnal astudiaethau diogelwch ar y ffyrdd, gwerthuso a gweithredu mesurau lliniaru a chymhwyso deddfwriaeth diogelwch ar y ffyrdd yn ymarferol. Mae dealltwriaeth dda o egwyddorion System Ddiogel yn ddymunol.

Gofynion Teithio

Mae hon yn rôl Cymru gyfan a gellir ei lleoli yn unrhyw un o swyddfeydd Llywodraeth Cymru. Bydd disgwyl i'r ymgeisydd llwyddiannus fynd i'w swyddfa agosaf yn rheolaidd, fel arfer tua dau ddiwrnod yr wythnos.

Mae'r rôl yn gofyn am deithio ledled Cymru i fynd i gyfarfodydd ac i ymweld â safleoedd. Gan nad yw rhai lleoliadau yn hygyrch ar drafnidiaeth gyhoeddus, mae angen trwydded yrru ddilys y DU ac efallai y bydd angen aros dros nos o bryd i'w gilydd.

Trefn teilyngdod

Os oes gan ddau neu fwy o ymgeiswyr yr un cyfanswm sgôr, bydd y rhestr ganlynol yn cael ei defnyddio i benderfynu ar drefn teilyngdod / pa ymgeisydd fydd yn cael ei benodi.

  • Meini prawf profiad
  • Meini prawf technegol
  • Gwneud penderfyniadau effeithiol
  • Gweld y darlun mawr

 

Sylfaenol
1
est-nmdmailbox@gov.wales

Gofynion y Gymraeg

3 - Nid yw sgiliau iaith Gymraeg yn hanfodol ar gyfer y swydd hon, fodd bynnag, maent yn ddymunol a byddant yn cael eu hystyried os bydd dau neu fwy o ymgeiswyr yn derbyn yr un sgôr yn y cam ymgeisio neu gyfweliad.
0 - Dim sgiliau
0 - Dim sgiliau
0 - Dim sgiliau
0 - Dim sgiliau

Gweithio i'r Gwasanaeth Sifil

Gweithio i'r Gwasanaeth Sifil Mae Cod y Gwasanaeth Sifil yn nodi'r safonau ymddygiad a ddisgwylir gan weision sifil.

Y Defnydd o Ddeallusrwydd Artiffisial

Gall Deallusrwydd Artiffisial fod yn adnodd defnyddiol i gefnogi’ch cais, fodd bynnag, rhaid i’r holl enghreifftiau a datganiadau a ddarperir fod yn wir, yn ffeithiol gywir ac yn uniongyrchol seiliedig ar eich profiad personol chi. Os nodir llên-ladrad (cyflwyno syniadau a phrofiadau eraill, neu wedi’u cynhyrchu gan Ddeallusrwydd Artiffisial, fel eich syniadau neu brofiadau chi) gellir tynnu’r ceisiadau yn ôl a gall ymgeiswyr mewnol fod yn destun camau disgyblu. Gweler y canllawiau i ymgeiswyr ar Ddeallusrwydd Artiffisial am ragor o wybodaeth am ddefnydd priodol ac amhriodol.

Proses a Chamau Dethol

Mae Llywodraeth Cymru, fel pob un o Adrannau eraill y Llywodraeth, yn defnyddio Proffiliau Llwyddiant wrth recriwtio.  Ar gyfer pob rôl, byddwn yn ystyried yr hyn y bydd angen i chi ei ddangos er mwyn llwyddo. Mae hyn yn rhoi’r cyfle gorau posibl i ni ddod o hyd i’r person iawn ar gyfer y swydd. Mae’n gwella perfformiad ac yn gwella amrywiaeth a chynhwysiant.

Dyma’r broses a’r camau dethol:

Nifer y Camau:Proses 2 gam
Cam 1Cais
Cam 2Cyfweliad

Ymddygiad

Byddwn yn eich asesu yn erbyn y meini prawf Ymddygiad hyn yn ystod y broses ddethol.

Gweld y Darlun Mawr

Gweld y Darlun Mawr
Sicrhau bod cynlluniau a gweithgareddau yn eich maes gwaith yn adlewyrchu blaenoriaethau strategol ehangach a chyfathrebu'n effeithiol ag uwch arweinwyr i ddylanwadu ar strategaethau'r dyfodol.
Caiff hyn ei brofi yng ngham 2: Cyfweliad

Gwneud Penderfyniadau Effeithiol

Gwneud Penderfyniadau Effeithiol
Cyflwyno casgliadau rhesymol o amrediad eang o dystiolaeth gymhleth ac weithiau anghyflawn.
Caiff hyn ei brofi yng ngham 2: Cyfweliad

Profiad

Byddwn yn eich asesu yn erbyn y meini prawf Profiad canlynol yn ystod y broses asesu.
Cwestiynau am brofiad

[p]Gwneud Penderfyniadau Effeithiol[/p][p]Cyflwyno casgliadau rhesymol o amrediad eang o dystiolaeth gymhleth ac weithiau anghyflawn.[/p]

Caiff hyn ei brofi yng ngham 1: Cais
Caiff hyn ei brofi yng ngham 2: Cyfweliad

Technegol

Byddwn yn asesu’r Sgiliau technegol canlynol yn ystod y broses ddethol.

Asesiad Technegol Cam 1
Astudiaeth Achos Dechnegol Cam 1: Sicrhau Cyflawni Mesurau Diogelwch ar y Ffyrdd yn Gyson
Mae Llywodraeth Cymru yn cyflwyno pecyn o fesurau diogelwch ar y ffyrdd ar draws y Rhwydwaith Ffyrdd Strategol drwy eu Hasiantau Cefnffyrdd. Er bod cynnydd yn cael ei wneud ar y cyfan, mae adroddiadau perfformiad sy'n dod i'r amlwg yn awgrymu amrywiaeth yn y ffordd y mae ymyriadau yn cael eu nodi, eu gweithredu a'u monitro ar draws rhanbarthau. Mae pryder y gallai arferion cyflawni anghyson effeithio ar ganlyniadau diogelwch, gwerth am arian a hyder y cyhoedd.

Fel Pennaeth Cyflawni Diogelwch ar y Ffyrdd, gofynnir ichi adolygu'r ffordd o gyflawni, rhoi sicrwydd ynghylch a yw mesurau diogelwch ar y ffyrdd yn cael eu gweithredu'n gyson ac yn unol ag arferion gorau y diwydiant polisi a diogelwch ar y ffyrdd, a chynghori ynghylch unrhyw gamau sydd eu hangen i atgyfnerthu cryfhau trefniadau llywodraethu, gallu neu gyflawni.
Cwestiwn Hidlo
Gan ddefnyddio eich gwybodaeth dechnegol am gyflawni diogelwch ar y ffyrdd, sut byddech yn rhoi sicrwydd bod ymyriadau diogelwch ar y ffyrdd yn cael eu cyflawni'n gyson, yn ddiogel ac yn unol â pholisi, safonau ac arferion gorau'r diwydiant diogelwch ar y ffyrdd?

Caiff hyn ei brofi yng ngham 1: Cais

Asesiad Technegol Cam 2

Bydd y meini prawf technegol yn cael eu hasesu yng Ngham 2 gan ddefnyddio astudiaeth achos a chwestiwn cyfweliad yn seiliedig ar yr astudiaeth achos. Bydd yr astudiaeth achos a'r cwestiwn cyfweliad yn cael eu darparu ar adeg y gwahoddiad i gyfweliad, ynghyd â'r cwestiynau cyfweliad eraill.

Caiff hyn ei brofi yng ngham 2: Cyfweliad

Cymhwysedd

Gofynnir i chi am eich cenedligrwydd ac a oes gennych chi hawl gyfreithiol i weithio yn y Deyrnas Unedig. Pwrpas hyn yw gweld a ydych chi’n gymwys i wneud cais am y swydd wag hon. Mae hyn yn ofyniad ar gyfer gweithio yn y Gwasanaeth Sifil. https://www.gov.uk/government/publications/nationality-rules

Os nad ydych chi’n bodloni’r meini prawf cymhwysedd, ni fydd eich cais yn cael ei ystyried ymhellach. Os daw’n amlwg yn ddiweddarach yn y broses nad ydych yn gymwys i wneud cais, efallai y bydd eich cais yn cael ei dynnu’n ôl, neu’r cynnig yn cael ei dynnu’n ôl.

Mae’r swydd hon yn agor yn fras i’r grwpiau canlynol:
• gwladolion y DU
• gwladolion Gweriniaeth Iwerddon
• gwladolion gwledydd y Gymanwlad sydd â'r hawl i weithio yn y DU
• gwladolion yr UE, y Swistir, Norwy, Gwlad yr Iâ neu Liechtenstein ac aelodau teulu’r gwladolion hynny sydd â statws sefydlog neu gyn-sefydlog o dan Gynllun Preswylio’n Sefydlog i Ddinasyddion yr Undeb Ewropeaidd (EUSS)
• gwladolion yr UE, y Swistir, Norwy, Gwlad yr Iâ neu Liechtenstein ac aelodau teulu’r gwladolion hynny sydd wedi gwneud cais dilys am statws sefydlog neu gyn-sefydlog o dan EUSS
• unigolion â chaniatâd cyfyngedig i aros neu ganiatâd amhenodol i aros a oedd yn gymwys i wneud cais am EUSS ar 31 Rhagfyr 2020 neu cyn hynny
• gwladolion Twrci, a rhai aelodau o deulu gwladolion Twrci sydd wedi cronni’r hawl i weithio yn y Gwasanaeth Sifil

Model Cymdeithasol o Anabledd

Mae Llywodraeth Cymru wedi mabwysiadu'r model cymdeithasol o anabledd, sy'n cydnabod bod rhwystrau mewn cymdeithas sy’n analluogi pobl sydd âg amhariadau, neu gyflyrau iechyd, sy'n niwroamrywiol neu sy'n defnyddio Iaith Arwyddion Prydain.

Rydym wedi ymrwymo i gael gwared ar rwystrau yn y broses recriwtio fel y gall pob aelod o staff (neu ddarpar aelodau staff) berfformio o’u gorau.

Gellir gwneud addasiadau recriwtio ar unrhyw adeg yn y broses recriwtio ar gyfer ymgeiswyr ag amhariad neu gyflwr iechyd, sy'n niwroamrywiol neu sy'n defnyddio Iaith Arwyddion Prydain. 

Cysylltwch â SicrhauAmrywiaethwrthRecriwtio@llyw.cymru i drafod addasiadau ar gyfer unrhyw ran o'r broses.

Cynlluniau Cyfweld Cynhwysol

Rydym wedi ymrwymo i recriwtio cynhwysol ac yn cynnig cyfweliadau i ymgeiswyr cymwys sy'n bodloni'r meini prawf lleiaf ar gyfer y rôl drwy'r cynlluniau canlynol:

Gweithle Gwych i Gyn-Aelodau’r Lluoedd Arfog

Mae Llywodraeth Cymru yn Arweinydd Hyderus o ran Anabledd. Fel rhan o'n hymrwymiad i'r cynllun hwn, rydym yn cyfweld ag unrhyw ymgeisydd sydd ag amhariad, cyflwr iechyd, sy'n niwrowahanol neu sy'n defnyddio Iaith Arwyddion Prydain os yw'n bodloni'r meini prawf gofynnol ar gyfer y swydd.

Lle Mwyaf i Weithio i Filwyr Gwasanaeth

Mae Llywodraeth Cymru yn gweithredu'r Fenter Lle Gwych i Weithio i Gyn-filwyr.  Fel rhan o'n hymrwymiad i'r cynllun hwn, rydym yn cyfweld ag unrhyw ymgeiswyr cymwys sy'n bodloni'r meini prawf gofynnol ar gyfer y swydd.

Cynllun Cyfweliad yn sgil Adleoli

Gall cyflogwyr y Gwasanaeth Sifil gynnig cyfweliad i nifer teg a chymesur o weision sifil y mae eu swydd mewn perygl o gael ei dileu ac sy’n bodloni'r meini prawf gofynnol ar gyfer y swydd.
Mae 'meini prawf gofynnol' yn golygu bod yn rhaid i ymgeiswyr ddarparu tystiolaeth i ni yn eu cais (a/neu eu prawf) eu bod yn bodloni'r lefel ofynnol o gymhwysedd ar gyfer y rôl - sy'n cael ei diffinio fel arfer fel sgôr o 4 o leiaf ar gyfer pob maen prawf.

Partneriaeth Gymdeithasol

Yn Llywodraeth Cymru, mae’r berthynas rhwng y cyflogwr a’r undebau llafur yn seiliedig ar bartneriaeth gymdeithasol. Credwn mai’r ffordd orau o gyflawni ein nodau yw i reolwyr ac undebau llafur gydweithio.

Dyma’r 3 undeb llafur a gydnabyddir gennym:
•         PCS
•         Prospect
•         FDA

Mae’r berthynas hon yn seiliedig ar gytundeb partneriaeth. Mae hwn yn nodi sut mae ein hundebau yn gweithio gyda Llywodraeth Cymru ar faterion fel:
•         Cyflog
• Telerau ac amodau
• Strategaeth, polisïau a gweithdrefnau AD
• Iechyd, diogelwch a lles
• Newid sefydliadol

Mae ein cydweithwyr undebau llafur yn Llywodraeth Cymru yn gweithio gyda’i gilydd i roi llais go iawn i’w haelodau yn y gweithle. Maent yn gwneud yn siŵr bod buddiannau eu haelodau yn cael eu hyrwyddo a’u gwarchod. Maent hefyd yn helpu i leihau anghydraddoldebau a gwella telerau ac amodau.

Mae gan Lywodraeth Cymru hanes rhagorol o weithio mewn partneriaeth â’i hundebau llafur. Rydym yn eich cefnogi i ymuno ag undeb llafur cydnabyddedig, i sicrhau bod eich llais yn cael ei glywed yn y gweithle.  Rydym yn eich annog i ddysgu mwy am ein hundebau llafur, am weithio mewn partneriaeth, ac i gymryd rhan yn eu gwaith.

Buddiannau

Mae holl staff Llywodraeth Cymru yn aelodau o’r Gwasanaeth Sifil, ac o ganlyniad maent yn gymwys ar gyfer:

  • Cynllun Pensiwn y Gwasanaeth Sifil
  • 31 diwrnod o wyliau blynyddol (pro rata ar gyfer rhan amser)
  • cyfleoedd hyfforddi a datblygu
  • Cynllun Beicio i’r Gwaith
  • Trefniadau gweithio hyblyg Gweithio'n Glyfar
  • Cynllun Car Gwyrdd (ar yr amod ei fod ar gael)

Os ydych chi’n aelod gweithredol o Gynllun Pensiwn y Gwasanaeth Sifil, gallwch barhau â’ch aelodaeth drwy gydol eich cyflogaeth gyda ni.

Egwyddorion a chwynion recriwtio

Rydym yn recriwtio yn ôl teilyngdod ar sail cystadleuaeth deg ac agored. Edrychwch ar egwyddorion recriwtio Comisiwn y Gwasanaeth Sifil ar wefan y Comisiwn.

Os ydych chi’n teimlo nad yw eich cais wedi cael ei drin yn unol â’r egwyddorion hyn a’ch bod yn dymuno gwneud cwyn, anfonwch e-bost at cwynion@llyw.cymru. Gwnewch yn siŵr eich bod yn cyfeirio at gyfeirnod y swydd wag.

Os nad ydych chi’n fodlon â’r ymateb a gewch gan Lywodraeth Cymru, gallwch gysylltu â Chomisiwn y Gwasanaeth Sifil: info@csc.gov.uk.

Rhaid i bob cais am y swydd hon gael ei wneud gan ddefnyddio ein system ymgeisio ar-lein.

Oni nodir fel arall yn y 'wybodaeth arall sy'n gysylltiedig â swydd wag ar gyfer hysbyseb', ni all Llywodraeth Cymru gynnig nawdd Fisa. Mae gan Lywodraeth Cymru drwydded nawdd Fisa, ond dim ond ar gyfer rhai rolau y gellir ei defnyddio ac nid yw'r ymgyrch hon yn gymwys.

Croesewir ceisiadau gan bobl ag ystod amrywiaeth o brofiadau bywyd a phroffesiynol. Rydym wedi ymrwymo'n weithredol i ddod yn sefydliad sy'n gynyddol amrywiol sy'n cynrychioli'r cymunedau amrywiol rydym yn eu gwasanaethu. Mae nifer o rwydweithiau Amrywiaeth y gall staff gymryd rhan ynddynt, sy'n cynnwys y Rhwydwaith Ymwybyddiaeth a Chefnogi Anabledd (YChA); Rhwydwaith Staff Lleiafrifoedd Ethnig; Materion Meddwl (Iechyd meddwl a lles); PRISM (LGBTI+), Menywod Ynghyd and Rhwydwaith Niwrowahaniaeth.

Os oes gennych amhariad sy’n eich atal rhag ymgeisio ar-lein, anfonwch e-bost at ein tîm recriwtio. Gallwch:

  • ofyn am becyn ymgeisio mewn fformat arall
  • gofyn am addasiad recriwtio i’ch helpu i gyflwyno eich cais

Defnyddiwch y botwm 'Gwneud Cais' i gyflwyno eich cais. Mewngofnodwch neu cofrestrwch i greu cyfrif i wneud cais. Mae cofrestru’n cymryd ychydig funudau a bydd angen cyfeiriad e-bost arnoch chi. 

Dylech wirio eich Canolfan Cais yn reolaidd i gael diweddariadau eich cais. Hefyd, gwiriwch eich ffolder sbam/sothach rhag ofn i unrhyw gyfathrebu ynglyn â’ch cais a/neu eich manylion asesu ddod o hyd i'w ffordd yno.

Ar ôl i chi gofrestru i gael cyfrif a mewngofnodi, byddwch yn cael eich arwain at y ffurflen gais ar-lein. Rhaid i chi lenwi hon a’i chyflwyno cyn y terfyn amser ar y dyddiad cau. Ni fyddwn yn ystyried ffurflen gais anghyflawn.

Os hoffech wneud cais am y swydd wag hon yn Gymraeg, defnyddiwch y ddolen Newid Iaith ar y dudalen hon.  Rydym yn croesawu ceisiadau yn Gymraeg, ac ni fydd ceisiadau a gyflwynir yn Gymraeg yn cael eu trin yn llai ffafriol na rhai a gyflwynir yn Saesneg. 

Darllenwch y canllawiau i ymgeiswyr i gael rhagor o wybodaeth am y broses recriwtio.

I gael gwybodaeth am Broffiliau Llwyddiant y Gwasanaeth Sifil, cliciwch yma.

Ar gyfer cynlluniau recriwtio TS i G6: Wrth gyflwyno’ch tystiolaeth y byddai'n ddefnyddiol i chi ystyried disgwyliadau'r radd fel y nodir yn y Disgrifiad Gradd, yn ogystal â'r prif gyfrifoldebau sy'n hanfodol ar gyfer y rôl.

Mae’r cyfle hwn ar gau i geisiadau.