Pennaeth Polisi Diogelwch ar y Ffyrdd

Cyf 3838

Mae Llywodraeth Cymru yn gweithredu proses recriwtio ddienw. Ni fydd y panel recriwtio yn gweld gwybodaeth bersonol fel enw a chyfeiriad ymgeisydd yn ystod y broses ddidoli. Mae’r polisi hwn yn unol â’n hymrwymiad i ddileu rhagfarn, ac i hyrwyddo cydraddoldeb ac amrywiaeth.

Manylion swydd wag

Pennaeth Polisi Diogelwch ar y Ffyrdd  

11/06/2026, 16:00 

Parhaol
Bydd cyflog cychwynnol o £61,098 yn cael ei gynnig i’r ymgeisydd llwyddiannus.
Gradd 7 £61,098 i £73,057
Llawn amser (croesewir ceisiadau gan bobl sy’n gweithio rhan-amser, fel rhan o rannu swydd neu sy’n gweithio’n llawn amser)
Grŵp yr Economi, Ynni a Thrafnidiaeth
Cysylltedd Trafnidiaeth a Digidol
Teithio Llesol, Bathodyn Glas a Diogelwch ar y Ffyrdd
Ledled Cymru

Ystyr 'Cymru Gyfan' yw y gall deiliad y swydd fod wedi'i leoli mewn unrhyw swyddfa Llywodraeth Cymru, gan ddibynnu ar anghenion y busnes. Nid yw rolau sydd wedi'u lleoli y tu allan i Gymru, gan gynnwys Llundain, ar gael oni bai eu bod wedi'u nodi'n benodol yn yr hysbyseb.

Mae rhestr o swyddfeydd Llywodraeth Cymru ar gael yn www.llyw.cymru/swyddfeydd-llywodraeth-cymru.  Sylwch na fydd hi efallai yn bosibl bodloni dewis rhywun o leoliad swyddfa penodol.

Ystyrir bod deiliad y swydd yn teithio o'i gartref i'r swyddfa Llywodraeth Cymru a neilltuwyd iddynt yn 'daith cymudo arferol', a rhaid iddynt ei gyflawni yn ei hamser a chost ei Hunain.

Mae trafnidiaeth yn swyddogaeth alluogi bwysig, y mae pawb yn cael profiad ohoni ac mae’n ganolog i les economaidd, cymdeithasol ac amgylcheddol Cymru.

Y mae Cyfarwyddiaeth Trafnidiaeth a Chysylltedd yn arwain nifer o ymrwymiadau proffil uchel y Llywodraeth ar draws 5 adran a 150 o bobl, gan roi arweiniad ar faterion polisi, cyllid, cynllunio a chyflawni – yn ogystal â phortffolio eang o brosiectau cyfalaf gyda chyllideb flynyddol o ryw £1.4bn i gyflawni'r swyddogaethau hyn (un o'r Cyfarwyddiadau mwyaf y tu allan i iechyd).

Mae hon yn swydd allweddol yn y Gyfarwyddiaeth. Mae ei gwaith yn destun cryn graffu.  Bydd deiliad y swydd yn gyfrifol am weithio'n agos gyda Gweinidogion a thimau uwch reoli a bydd disgwyl iddo fod yn arweinydd arbenigol yn ei faes polisi i ddatblygu, cynnal a gweithredu polisïau diogelwch ar y ffyrdd a bathodyn glas ac arwain ar agweddau Cymreig ar feysydd nad ydynt wedi'u datganoli.

Mae'r maes yn ennyn llawer o ddiddordeb allanol: bydd deiliad y swydd yn cefnogi'r SEO/HEOs yn ei faes i ddelio â gohebiaeth, ymholiadau'r cyfryngau, cyfarfodydd gweinidogion a chysylltiadau â rhanddeiliaid allweddol. Bydd hefyd yn gyfrifol am reoli swyddogaethau allweddol gan gynnwys polisi a strategaeth, cynnal strwythurau cymorth, ymchwil a dadansoddi yn ogystal â rheoli matrics y tîm.

Bydd deiliad y swydd yn arwain rhaglen waith sy'n canolbwyntio ar ddiogelwch ar y ffyrdd ac agweddau eraill ar bolisi ffyrdd, yn LlC ac yng ngwaith staff a ariennir gan LlC yng Nghymdeithas Llywodraeth Leol Cymru. Bydd yn arwain ar faterion rheoli risg ac yn gweithio'n agos gyda swyddogion polisi ac uwch i helpu i gyflawni gwaith allweddol yn brydlon.

Bydd hefyd yn gweithio'n agos gyda'r Is-adran Rhwydwaith Ffyrdd Strategol ac yn arbennig â'r tîm Cyflawni Diogelwch ar y Ffyrdd i sicrhau bod polisi cefnffyrdd a chyflawni'n alinio â'i gilydd. Bydd yn cynnal perthynas ddwyffordd gref lle bydd cyfeiriad y polisi yn llywio rhaglenni gwaith ar y Rhwydwaith Ffyrdd Strategol, a dealltwriaeth ynghylch sut i gyflawni sy'n deillio o'r rhaglenni gwaith hynny ar gefnffyrdd yn siapio datblygiad polisi yn y dyfodol.

 

Beth fyddwch chi'n ei wneud?

Byddwch yn arwain y timau Diogelwch ar y Ffyrdd a Bathodyn Glas yn LlC, y mae eu swyddogaethau'n cynnwys arwain ar ddatblygu a gweithredu polisi diogelwch ar y ffyrdd, cefnogi awdurdodau lleol i wneud eu dyletswyddau diogelwch ar y ffyrdd a chefnogi cynlluniau bathodyn glas.

 

Datblygu a Gweithredu Polisi

 

·       Arwain y gwaith o gynnal y Cynllun Partneriaeth Diogelwch ar y Ffyrdd newydd

·       Rhoi argymhellion Pwyllgorau'r Senedd a'r adolygiad o'r cynllun Bathodyn Glas ar waith.

·       Arwain ar weithredu a datblygu polisi parcio, digideiddio Gorchmynion Rheoleiddio Traffig, a Cherbydau Awtonomaidd.

·       Cysylltu â Llywodraeth y DU a'i hasiantaethau ar feysydd sydd heb eu datganoli, gan gynnwys troseddau traffig, trwyddedu gyrwyr a cherbydau, rheoliadau cerbydau, microsymudedd, cerbydau awtomataidd.

·       Paratoi a thrafod newidiadau i is-ddeddfwriaeth, yn ôl yr angen

·       Rhoi cyngor ar faterion polisi a thechnegol i Weinidogion, Uwch swyddogion, y Bwrdd Partneriaeth Diogelwch ar y Ffyrdd a'i is-grwpiau

·       Gweithio gydag arweinwyr tystiolaeth yn Llywodraeth Cymru a TrC ar gryfhau'r broses o fonitro a gwerthuso cynlluniau ac ymyriadau diogelwch ar y ffyrdd, y dangosyddion a'r targedau datblygu ynghyd â gwella adroddiadau.

 

Goruchwylio cyllid

 

·       Goruchwylio'r gwaith o ddyrannu cyllid ar gyfer cynlluniau diogelwch ffyrdd a ffyrdd heb eu mabwysiadu i awdurdodau lleol fel rhan o'r Gronfa Drafnidiaeth Ranbarthol.

·       Goruchwylio cyllid ar gyfer partneriaid cyflenwi trydydd sector.

·       Trafod paramedrau cyllido ar gyfer gorfodi camerâu a mentrau ategol gyda GoSafe a'r heddluoedd fel partneriaid allweddol, a rheoli'r berthynas ariannu grant.

·       Arwain ar faterion caffael contractau allanol i gefnogi ein gwaith a grantiau newydd, yn ôl yr angen.

 

Cysylltu a Chyfathrebu â Rhanddeiliaid ac ar Draws y Llywodraeth

 

·       Darparu goruchwyliaeth strategol i berthynas rhanddeiliaid â phartneriaid trydydd sector a phartneriaid cyflenwi eraill, gan gynnwys Gwasanaethau Brys, Iechyd Cyhoeddus Cymru, Awdurdodau Lleol a Chyd-bwyllgorau Corfforedig, CLlLC, a RoSPA.

·       Cynrychioli Llywodraeth Cymru mewn fforymau diogelwch ffyrdd ledled y DU a'r byd, gan sicrhau bod polisi diogelwch ar y ffyrdd yng Nghymru yn siapio ac yn cael ei lywio gan arferion gorau cenedlaethol a rhyngwladol.

·       Adeiladu perthynas effeithiol gyda'r Pennaeth Cyflawni Diogelwch ar y Ffyrdd yn yr Is-adran Datblygu Ffyrdd Strategol i sicrhau aliniad rhwng polisi a chyflawni.

·       Arwain y trafod â gweithwyr proffesiynol ac academyddion sy'n gweithio yn y sector

·       Ymgysylltu â rhanddeiliaid mewnol ac allanol i'w helpu i integreiddio polisïau a rhaglenni trafnidiaeth; arwain yr ymgysylltu a'r cydweithredu rhwng adrannau ar amcanion a rhaglenni trawsbynciol

·       Cefnogi gwaith trawsbynciol yr adrannau a'r is-adrannau yn ôl yr angen

·       Gweithio'n agos gyda'r tîm cyfathrebu a swyddfa'r wasg a'u cynghori ar yr holl faterion polisi a thechnegol a ddaw o fewn cwmpas y swydd.

 

Arweinyddiaeth 

 

·       Rhoi arweiniad a datblygiad ar gyfer y swyddogaeth diogelwch ffyrdd a bathodyn glas, gan sicrhau llwythi gwaith cynaliadwy a safonau proffesiynol uchel.

 

 

Bydd deiliad y swydd yn arwain y tîm diogelwch ar y ffyrdd o bedwar a dau aelod y tîm bathodyn glas. Bydd yn gweithio'n agos gyda'r tîm teithio llesol yn yr un gangen, yn ogystal â thimau eraill yn yr is-adrannau Trafnidiaeth Integredig Lleol, Polisi a Strategaeth Trafnidiaeth a'r Rhwydwaith Ffyrdd Strategol. Bydd deiliad y swydd, ochr yn ochr â'r G7 ar gyfer Teithio Llesol, yn gweithio'n agos gyda phennaeth y gangen ac yn dirprwyo ar ei ran.   Mae'r rôl yn rhoi cyfleoedd i fod yn rhan o ddatblygiad polisi newydd ac yn cynnig cyfleoedd i weithio ar is-ddeddfwriaeth a goruchwylio cyllidebau.

Mae'r rôl yn cynnig cyfleoedd i gefnogi a rhyngweithio â Gweinidogion ac i ddatblygu rhwydweithiau eang â rhanddeiliaid. Yn eu plith y mae'r Bwrdd Partneriaeth Diogelwch ar y Ffyrdd, RoSPA, GoSafe, y Gwasanaethau Brys, awdurdodau lleol, Cyd-bwyllgorau Corfforedig a Thrafnidiaeth Cymru, yn ogystal â gweithio gyda chydweithwyr yn llywodraeth y DU a'i hasiantaethau a'r Gweinyddiaethau Datganoledig eraill.

Bydd deiliad y swydd yn rheoli un swydd SEO a dwy swydd HEO. Mae yna HEO arall yn ogystal â dwy swydd TS, gyda'r olaf hefyd yn cefnogi'r tîm Teithio Llesol.

Ar ben hynny, bydd deiliad y swydd yn cael ei annog i gymryd rhan mewn gweithgareddau corfforaethol fel rhan o'n huchelgeisiau i fod yn Gyfarwyddiaeth sy'n gwella ac yn arloesi'n barhaus.

Y Sifft Cychwynnol

Os bydd nifer fawr o ymgeiswyr, cynhelir proses hidlo gychwynnol yn erbyn y meini prawf asesu arweiniol: 2. Gallai ymgeiswyr sy'n pasio'r broses hidlo gychwynnol gael eu symud ymlaen i broses hidlo lawn neu eu symud ymlaen yn syth i asesiad / cyfweliad.

Rhestr Wrth Gefn

Mae’n bosibl y bydd rhestr wrth gefn ar gyfer y cyfle hwn. Bydd unrhyw ymgeisydd sy’n cael lle ar y rhestr wrth gefn yn parhau i fod arni am gyfnod o 12 mis.

Os bydd dau neu fwy o ymgeiswyr â’r un sgôr cyfanswm, defnyddir y rhestr ganlynol i bennu trefn teilyngdod / pa ymgeisydd fydd yn cael ei benodi. Pwysoli’r meini prawf – pa ymgeisydd gafodd y sgôr uchaf ar gyfer Profiad 2, Profiad 1, Gweld y Darlun Cyflawn, Cyflawni’n Brydlon, Cydweithio.

Gofynion Proffesiynol

Byddwch yn aelod o gorff proffesiynol perthnasol, megis yr ICE, CHIT neu'r IHE, ac yn gweithio tuag at ddod yn Beiriannydd Siartredig neu'n Beiriannydd Corfforedig. Mae dealltwriaeth drylwyr o egwyddorion system ddiogel a phrofiad mewn diogelwch ar y ffyrdd yn hanfodol.

Gofynion teithio

Mae hon yn rôl Cymru gyfan a gellir ei lleoli yn unrhyw un o swyddfeydd Llywodraeth Cymru. Bydd disgwyl i'r ymgeisydd llwyddiannus fynd i'w swyddfa agosaf yn rheolaidd, fel arfer o leiaf ddau ddiwrnod yr wythnos.

Mae'r rôl yn gofyn am deithio achlysurol ledled Cymru i fynd i gyfarfodydd ac i ymweld â safleoedd. Dylid mynd i'r rhain fel arfer ar drafnidiaeth gyhoeddus i'r graddau y bo modd. Efallai y bydd angen aros dros nos yn achlysurol.

Cyflwyniad

Bydd angen ichi roi cyflwyniad ar faen prawf Profiad 2 yn ystod y cyfweliad. Bydd rhagor o wybodaeth yn cael ei darparu yn y gwahoddiad i’r cam hwnnw.

CV

Ni fydd CVs yn cael eu sgorio ond byddant yn cael eu defnyddio gan y panel i ddeall eich profiadau a hanes eich cyflogaeth yn well.


Sylfaenol
1
Roadsafety@gov.wales

Gofynion y Gymraeg

3 - Nid yw sgiliau iaith Gymraeg yn hanfodol ar gyfer y swydd hon, fodd bynnag, maent yn ddymunol a byddant yn cael eu hystyried os bydd dau neu fwy o ymgeiswyr yn derbyn yr un sgôr yn y cam ymgeisio neu gyfweliad.
0 - Dim sgiliau
0 - Dim sgiliau
0 - Dim sgiliau
0 - Dim sgiliau

Gweithio i'r Gwasanaeth Sifil

Gweithio i'r Gwasanaeth Sifil Mae Cod y Gwasanaeth Sifil yn nodi'r safonau ymddygiad a ddisgwylir gan weision sifil.

Y Defnydd o Ddeallusrwydd Artiffisial

Gall Deallusrwydd Artiffisial fod yn adnodd defnyddiol i gefnogi’ch cais, fodd bynnag, rhaid i’r holl enghreifftiau a datganiadau a ddarperir fod yn wir, yn ffeithiol gywir ac yn uniongyrchol seiliedig ar eich profiad personol chi. Os nodir llên-ladrad (cyflwyno syniadau a phrofiadau eraill, neu wedi’u cynhyrchu gan Ddeallusrwydd Artiffisial, fel eich syniadau neu brofiadau chi) gellir tynnu’r ceisiadau yn ôl a gall ymgeiswyr mewnol fod yn destun camau disgyblu. Gweler y canllawiau i ymgeiswyr ar Ddeallusrwydd Artiffisial am ragor o wybodaeth am ddefnydd priodol ac amhriodol.

Proses a Chamau Dethol

Mae Llywodraeth Cymru, fel pob un o Adrannau eraill y Llywodraeth, yn defnyddio Proffiliau Llwyddiant wrth recriwtio.  Ar gyfer pob rôl, byddwn yn ystyried yr hyn y bydd angen i chi ei ddangos er mwyn llwyddo. Mae hyn yn rhoi’r cyfle gorau posibl i ni ddod o hyd i’r person iawn ar gyfer y swydd. Mae’n gwella perfformiad ac yn gwella amrywiaeth a chynhwysiant.

Dyma’r broses a’r camau dethol:

Nifer y Camau:Proses 2 gam
Cam 1Cais
Cam 2Cyfweliad

Ymddygiad

Byddwn yn eich asesu yn erbyn y meini prawf Ymddygiad hyn yn ystod y broses ddethol.

Gweld y Darlun Mawr

Gweld y Darlun Cyflawn
Sicrhau bod cynlluniau a gweithgareddau yn eich maes gwaith yn adlewyrchu blaenoriaethau strategol ehangach a chyfathrebu'n effeithiol ag uwch arweinwyr i ddylanwadu ar strategaethau'r dyfodol.
Caiff hyn ei brofi yng ngham 2: Cyfweliad

Cydweithio

Cydweithio
Mynd ati i adeiladu a chynnal rhwydwaith o gydweithwyr a chysylltiadau i helpu i wireddu amcanion a rennir
Caiff hyn ei brofi yng ngham 2: Cyfweliad

Cyflawni’n Gyflym 

Cyflawni’n Brydlon
Sicrhau bod pawb yn deall yn glir ac yn meddiannu eu rolau, eu cyfrifoldebau a'u blaenoriaethau busnes, tra'n hyrwyddo amrywiaeth, cynhwysiant a chyfle cyfartal, gan barchu gwahaniaeth a phrofiad allanol
Caiff hyn ei brofi yng ngham 2: Cyfweliad

Profiad

Byddwn yn eich asesu yn erbyn y meini prawf Profiad canlynol yn ystod y broses asesu.
CV, Cwestiynau am brofiad

Profiad o reoli perthynas â rhanddeiliaid allanol ar lefel uwch

Caiff hyn ei brofi yng ngham 1: Cais
Caiff hyn ei brofi yng ngham 2: Cyfweliad

Dangos dealltwriaeth drylwyr o'r ddeddfwriaeth, y polisïau a'r materion sy'n berthnasol i ddiogelwch ar y ffyrdd

Caiff hyn ei brofi yng ngham 1: Cais
Caiff hyn ei brofi yng ngham 2: Cyfweliad

Cymhwysedd

Gofynnir i chi am eich cenedligrwydd ac a oes gennych chi hawl gyfreithiol i weithio yn y Deyrnas Unedig. Pwrpas hyn yw gweld a ydych chi’n gymwys i wneud cais am y swydd wag hon. Mae hyn yn ofyniad ar gyfer gweithio yn y Gwasanaeth Sifil. https://www.gov.uk/government/publications/nationality-rules

Os nad ydych chi’n bodloni’r meini prawf cymhwysedd, ni fydd eich cais yn cael ei ystyried ymhellach. Os daw’n amlwg yn ddiweddarach yn y broses nad ydych yn gymwys i wneud cais, efallai y bydd eich cais yn cael ei dynnu’n ôl, neu’r cynnig yn cael ei dynnu’n ôl.

Mae’r swydd hon yn agor yn fras i’r grwpiau canlynol:
• gwladolion y DU
• gwladolion Gweriniaeth Iwerddon
• gwladolion gwledydd y Gymanwlad sydd â'r hawl i weithio yn y DU
• gwladolion yr UE, y Swistir, Norwy, Gwlad yr Iâ neu Liechtenstein ac aelodau teulu’r gwladolion hynny sydd â statws sefydlog neu gyn-sefydlog o dan Gynllun Preswylio’n Sefydlog i Ddinasyddion yr Undeb Ewropeaidd (EUSS)
• gwladolion yr UE, y Swistir, Norwy, Gwlad yr Iâ neu Liechtenstein ac aelodau teulu’r gwladolion hynny sydd wedi gwneud cais dilys am statws sefydlog neu gyn-sefydlog o dan EUSS
• unigolion â chaniatâd cyfyngedig i aros neu ganiatâd amhenodol i aros a oedd yn gymwys i wneud cais am EUSS ar 31 Rhagfyr 2020 neu cyn hynny
• gwladolion Twrci, a rhai aelodau o deulu gwladolion Twrci sydd wedi cronni’r hawl i weithio yn y Gwasanaeth Sifil

Model Cymdeithasol o Anabledd

Mae Llywodraeth Cymru wedi mabwysiadu'r model cymdeithasol o anabledd, sy'n cydnabod bod rhwystrau mewn cymdeithas sy’n analluogi pobl sydd âg amhariadau, neu gyflyrau iechyd, sy'n niwroamrywiol neu sy'n defnyddio Iaith Arwyddion Prydain.

Rydym wedi ymrwymo i gael gwared ar rwystrau yn y broses recriwtio fel y gall pob aelod o staff (neu ddarpar aelodau staff) berfformio o’u gorau.

Gellir gwneud addasiadau recriwtio ar unrhyw adeg yn y broses recriwtio ar gyfer ymgeiswyr ag amhariad neu gyflwr iechyd, sy'n niwroamrywiol neu sy'n defnyddio Iaith Arwyddion Prydain. 

Cysylltwch â SicrhauAmrywiaethwrthRecriwtio@llyw.cymru i drafod addasiadau ar gyfer unrhyw ran o'r broses.

Cynlluniau Cyfweld Cynhwysol

Rydym wedi ymrwymo i recriwtio cynhwysol ac yn cynnig cyfweliadau i ymgeiswyr cymwys sy'n bodloni'r meini prawf lleiaf ar gyfer y rôl drwy'r cynlluniau canlynol:

Gweithle Gwych i Gyn-Aelodau’r Lluoedd Arfog

Mae Llywodraeth Cymru yn Arweinydd Hyderus o ran Anabledd. Fel rhan o'n hymrwymiad i'r cynllun hwn, rydym yn cyfweld ag unrhyw ymgeisydd sydd ag amhariad, cyflwr iechyd, sy'n niwrowahanol neu sy'n defnyddio Iaith Arwyddion Prydain os yw'n bodloni'r meini prawf gofynnol ar gyfer y swydd.

Lle Mwyaf i Weithio i Filwyr Gwasanaeth

Mae Llywodraeth Cymru yn gweithredu'r Fenter Lle Gwych i Weithio i Gyn-filwyr.  Fel rhan o'n hymrwymiad i'r cynllun hwn, rydym yn cyfweld ag unrhyw ymgeiswyr cymwys sy'n bodloni'r meini prawf gofynnol ar gyfer y swydd.

Cynllun Cyfweliad yn sgil Adleoli

Gall cyflogwyr y Gwasanaeth Sifil gynnig cyfweliad i nifer teg a chymesur o weision sifil y mae eu swydd mewn perygl o gael ei dileu ac sy’n bodloni'r meini prawf gofynnol ar gyfer y swydd.
Mae 'meini prawf gofynnol' yn golygu bod yn rhaid i ymgeiswyr ddarparu tystiolaeth i ni yn eu cais (a/neu eu prawf) eu bod yn bodloni'r lefel ofynnol o gymhwysedd ar gyfer y rôl - sy'n cael ei diffinio fel arfer fel sgôr o 4 o leiaf ar gyfer pob maen prawf.

Partneriaeth Gymdeithasol

Yn Llywodraeth Cymru, mae’r berthynas rhwng y cyflogwr a’r undebau llafur yn seiliedig ar bartneriaeth gymdeithasol. Credwn mai’r ffordd orau o gyflawni ein nodau yw i reolwyr ac undebau llafur gydweithio.

Dyma’r 3 undeb llafur a gydnabyddir gennym:
•         PCS
•         Prospect
•         FDA

Mae’r berthynas hon yn seiliedig ar gytundeb partneriaeth. Mae hwn yn nodi sut mae ein hundebau yn gweithio gyda Llywodraeth Cymru ar faterion fel:
•         Cyflog
• Telerau ac amodau
• Strategaeth, polisïau a gweithdrefnau AD
• Iechyd, diogelwch a lles
• Newid sefydliadol

Mae ein cydweithwyr undebau llafur yn Llywodraeth Cymru yn gweithio gyda’i gilydd i roi llais go iawn i’w haelodau yn y gweithle. Maent yn gwneud yn siŵr bod buddiannau eu haelodau yn cael eu hyrwyddo a’u gwarchod. Maent hefyd yn helpu i leihau anghydraddoldebau a gwella telerau ac amodau.

Mae gan Lywodraeth Cymru hanes rhagorol o weithio mewn partneriaeth â’i hundebau llafur. Rydym yn eich cefnogi i ymuno ag undeb llafur cydnabyddedig, i sicrhau bod eich llais yn cael ei glywed yn y gweithle.  Rydym yn eich annog i ddysgu mwy am ein hundebau llafur, am weithio mewn partneriaeth, ac i gymryd rhan yn eu gwaith.

Buddiannau

Mae holl staff Llywodraeth Cymru yn aelodau o’r Gwasanaeth Sifil, ac o ganlyniad maent yn gymwys ar gyfer:

  • Cynllun Pensiwn y Gwasanaeth Sifil
  • 31 diwrnod o wyliau blynyddol (pro rata ar gyfer rhan amser)
  • cyfleoedd hyfforddi a datblygu
  • Cynllun Beicio i’r Gwaith
  • Trefniadau gweithio hyblyg Gweithio'n Glyfar
  • Cynllun Car Gwyrdd (ar yr amod ei fod ar gael)

Os ydych chi’n aelod gweithredol o Gynllun Pensiwn y Gwasanaeth Sifil, gallwch barhau â’ch aelodaeth drwy gydol eich cyflogaeth gyda ni.

Egwyddorion a chwynion recriwtio

Rydym yn recriwtio yn ôl teilyngdod ar sail cystadleuaeth deg ac agored. Edrychwch ar egwyddorion recriwtio Comisiwn y Gwasanaeth Sifil ar wefan y Comisiwn.

Os ydych chi’n teimlo nad yw eich cais wedi cael ei drin yn unol â’r egwyddorion hyn a’ch bod yn dymuno gwneud cwyn, anfonwch e-bost at cwynion@llyw.cymru. Gwnewch yn siŵr eich bod yn cyfeirio at gyfeirnod y swydd wag.

Os nad ydych chi’n fodlon â’r ymateb a gewch gan Lywodraeth Cymru, gallwch gysylltu â Chomisiwn y Gwasanaeth Sifil: info@csc.gov.uk.

Rhaid i bob cais am y swydd hon gael ei wneud gan ddefnyddio ein system ymgeisio ar-lein.

Oni nodir fel arall yn y 'wybodaeth arall sy'n gysylltiedig â swydd wag ar gyfer hysbyseb', ni all Llywodraeth Cymru gynnig nawdd Fisa. Mae gan Lywodraeth Cymru drwydded nawdd Fisa, ond dim ond ar gyfer rhai rolau y gellir ei defnyddio ac nid yw'r ymgyrch hon yn gymwys.

Croesewir ceisiadau gan bobl ag ystod amrywiaeth o brofiadau bywyd a phroffesiynol. Rydym wedi ymrwymo'n weithredol i ddod yn sefydliad sy'n gynyddol amrywiol sy'n cynrychioli'r cymunedau amrywiol rydym yn eu gwasanaethu. Mae nifer o rwydweithiau Amrywiaeth y gall staff gymryd rhan ynddynt, sy'n cynnwys y Rhwydwaith Ymwybyddiaeth a Chefnogi Anabledd (YChA); Rhwydwaith Staff Lleiafrifoedd Ethnig; Materion Meddwl (Iechyd meddwl a lles); PRISM (LGBTI+), Menywod Ynghyd and Rhwydwaith Niwrowahaniaeth.

Os oes gennych amhariad sy’n eich atal rhag ymgeisio ar-lein, anfonwch e-bost at ein tîm recriwtio. Gallwch:

  • ofyn am becyn ymgeisio mewn fformat arall
  • gofyn am addasiad recriwtio i’ch helpu i gyflwyno eich cais

Defnyddiwch y botwm 'Gwneud Cais' i gyflwyno eich cais. Mewngofnodwch neu cofrestrwch i greu cyfrif i wneud cais. Mae cofrestru’n cymryd ychydig funudau a bydd angen cyfeiriad e-bost arnoch chi. 

Dylech wirio eich Canolfan Cais yn reolaidd i gael diweddariadau eich cais. Hefyd, gwiriwch eich ffolder sbam/sothach rhag ofn i unrhyw gyfathrebu ynglyn â’ch cais a/neu eich manylion asesu ddod o hyd i'w ffordd yno.

Ar ôl i chi gofrestru i gael cyfrif a mewngofnodi, byddwch yn cael eich arwain at y ffurflen gais ar-lein. Rhaid i chi lenwi hon a’i chyflwyno cyn y terfyn amser ar y dyddiad cau. Ni fyddwn yn ystyried ffurflen gais anghyflawn.

Os hoffech wneud cais am y swydd wag hon yn Gymraeg, defnyddiwch y ddolen Newid Iaith ar y dudalen hon.  Rydym yn croesawu ceisiadau yn Gymraeg, ac ni fydd ceisiadau a gyflwynir yn Gymraeg yn cael eu trin yn llai ffafriol na rhai a gyflwynir yn Saesneg. 

Darllenwch y canllawiau i ymgeiswyr i gael rhagor o wybodaeth am y broses recriwtio.

I gael gwybodaeth am Broffiliau Llwyddiant y Gwasanaeth Sifil, cliciwch yma.

Ar gyfer cynlluniau recriwtio TS i G6: Wrth gyflwyno’ch tystiolaeth y byddai'n ddefnyddiol i chi ystyried disgwyliadau'r radd fel y nodir yn y Disgrifiad Gradd, yn ogystal â'r prif gyfrifoldebau sy'n hanfodol ar gyfer y rôl.

Mae’r cyfle hwn ar gau i geisiadau.