Rheolwr Masnachol - Llawn amser neu rannu swydd

Cyf 3763

Mae Llywodraeth Cymru yn gweithredu proses recriwtio ddienw. Ni fydd y panel recriwtio yn gweld gwybodaeth bersonol fel enw a chyfeiriad ymgeisydd yn ystod y broses ddidoli. Mae’r polisi hwn yn unol â’n hymrwymiad i ddileu rhagfarn, ac i hyrwyddo cydraddoldeb ac amrywiaeth.

Manylion swydd wag

Rheolwr Masnachol - Llawn amser neu rannu swydd 

08/06/2026, 16:00 

Parhaol
£37,111
Swyddog Gweithredol Uwch £37,111 i £45,378
Llawn amser (ddim yn addas ar gyfer ymgeiswyr sy’n dymuno gweithio’n rhan-amser neu rannu swydd)
Grŵp Addysg, Diwylliant a’r Gymraeg
Cadw
Profiad Ymwelwyr a Datblygu Busnes
Ledled Cymru

Ystyr 'Cymru Gyfan' yw y gall deiliad y swydd fod wedi'i leoli mewn unrhyw swyddfa Llywodraeth Cymru, gan ddibynnu ar anghenion y busnes. Nid yw rolau sydd wedi'u lleoli y tu allan i Gymru, gan gynnwys Llundain, ar gael oni bai eu bod wedi'u nodi'n benodol yn yr hysbyseb.

Mae rhestr o swyddfeydd Llywodraeth Cymru ar gael yn www.llyw.cymru/swyddfeydd-llywodraeth-cymru.  Sylwch na fydd hi efallai yn bosibl bodloni dewis rhywun o leoliad swyddfa penodol.

Ystyrir bod deiliad y swydd yn teithio o'i gartref i'r swyddfa Llywodraeth Cymru a neilltuwyd iddynt yn 'daith cymudo arferol', a rhaid iddynt ei gyflawni yn ei hamser a chost ei Hunain.

Cadw yw gwasanaeth amgylchedd hanesyddol Llywodraeth Cymru, sy'n gweithio dros amgylchedd hanesyddol hygyrch a gwarchodedig i Gymru.

Rydym yn gwneud hyn trwy:

  • helpu i ofalu am ein hamgylchedd hanesyddol er budd pobl heddiw ac yn y dyfodol
  • hyrwyddo datblygiad y sgiliau sydd eu hangen i ofalu am ein hamgylchedd hanesyddol yn iawn
  • helpu pobl i werthfawrogi a mwynhau ein hamgylchedd hanesyddol
  • gwneud i'n hamgylchedd hanesyddol weithio i'n lles economaidd
  • gweithio gyda phartneriaid i gyflawni ein nodau cyffredin gyda'n gilydd

Mae'r swydd hon yn rhan o’r tîm Marchnata a Datblygu Busnes, ac yn atebol i'r Uwch Reolwr Masnachol. Mae'r tîm masnachol yn cynnwys un SEO, dau HEO (gan gynnwys y swydd hon) ac un Swyddog Gweithredol.

Mae'r rôl hon yn allweddol i wella perfformiad masnachol safleoedd Cadw. Mae'n gwneud hyn trwy wneud y mwyaf o'r ffrydiau incwm presennol a nodi, ymchwilio a datblygu cyfleoedd masnachol newydd. Bydd deiliad y swydd yn rheoli eiddo llety gwyliau trydydd parti Cadw a'r arlwy bwyd a diod trydydd parti; yn sicrhau bod y trwyddedau cywir ar waith ar draws pob safle i alluogi masnachu; yn datblygu polisi prisio masnachol; ac yn goruchwylio'r rhaglen llogi trydydd parti a'r prosesau cysylltiedig, gan gynnwys iechyd a diogelwch. Bydd y rôl hefyd yn cynyddu incwm o ffilmio, masnachu, priodasau a ffotograffiaeth, ac yn cymryd agwedd ragweithiol at gyrraedd targedau incwm blynyddol ar draws ystad Cadw.

Pwrpas y rôl hon yw arwain ar wneud y mwyaf o incwm o lety gwyliau a chynnig arlwyo Cadw, a rheoli gweithrediadau llogi masnachol Cadw. Y prif amcan yw cyrraedd a rhagori ar dargedau incwm blynyddol (cyflawnwyd £11.030m ym mlwyddyn ariannol 2025-2026). Mae'r Rheolwr Masnachol yn gweithio'n agos gyda'r Uwch Reolwr Masnachol i ddatblygu, cyflawni ac adrodd ar gynnig masnachol cyffredinol Cadw.

  • Arwain y gwaith o reoli llety gwyliau Cadw (10 eiddo ar hyn o bryd) gydag asiantau a gomisiynwyd. Gweithredu fel y pwynt cyswllt cyntaf ar gyfer pob mater gosod, gan sicrhau cydymffurfiaeth reoleiddiol, cynyddu incwm ac adroddiadau.
  • Arwain y gwaith o reoli cynnig arlwyo Cadw ar bum safle Cadw, gan gynnwys yr holl weithrediadau arlwyo dros dro. Gweithredu fel y pwynt cyswllt cyntaf i weithredwyr, gan sicrhau cydymffurfiaeth, cynyddu incwm ac adroddiadau.
  • Asesu ceisiadau ar gyfer defnydd masnachol o leoedd hanesyddol Cadw. Yn 2025/26, cyrhaeddodd incwm masnachol (gan gynnwys y diwydiant teithio, priodasau, digwyddiadau, ffilmio, llety gwyliau a chaffis) £910,000 (o gyfanswm incwm Cadw o £11.030 miliwn).
  • Datblygu strwythurau prisio cydlynol ar gyfer pob gweithgaredd masnachol (gan gynnwys llety gwyliau, cytundebau arlwyo a llogi preifat), gan sicrhau enillion economaidd priodol i gyrraedd targedau incwm estynedig ar gyfer 2026/27.
  • Gweithio'n agos gyda'r Uwch Reolwr Masnachol a’r Pennaeth Cangen i nodi a chyflawni ffrydiau incwm ychwanegol, yn unol ag amcan Cynllun Busnes 3 blynedd Cadw: "Mae cyfleoedd masnachol yn ein heiddo mewn gofal yn cael eu gwella fel eu bod yn gwneud y mwyaf o'u cyfraniad economaidd, cymunedol a chymdeithasol."
  • Cysylltu â chydweithwyr ar draws Cadw (e.e. staff safle, yr Arolygiaeth a thimau cadwraeth) i sicrhau bod defnydd masnachol yn cyd-fynd â gwaith cynnal a chadw, gwaith cadwraeth a digwyddiadau eraill, a bod cymeradwyaethau'n drylwyr ac yn cydymffurfio â’r gyfraith.
  • Cynnal gwerthusiad ariannol cadarn o'r holl weithgareddau a darparu argymhellion i'r uwch dîm ar symleiddio gwaith a gwella effeithiolrwydd (e.e. adolygu'r model llety gwyliau a newid gweithrediadau arlwyo).
  • Ymgysylltu'n rhagweithiol a meithrin cysylltiadau ar draws cwsmeriaid, timau mewnol a sefydliadau allanol ynghylch llogi a defnyddio henebion.
  • Gweithredu fel uwch gyswllt ar gyfer staff Ceidwaid ledled Cymru ar logi trydydd parti, llety gwyliau ac arlwyo. Darparu cyfarwyddiadau Iechyd a Diogelwch, asesu asesiadau risg a chynghori cwsmeriaid ar gyfyngiadau safle.
  • Sicrhau bod y trwyddedau cywir ar waith i gefnogi gweithgaredd cynhyrchu incwm, a sicrhau bod holl amodau trwydded yn cael eu bodloni.
  • Mynychu digwyddiadau masnach a masnachol i hyrwyddo cynnig masnachol Cadw (uchafswm o chwech y flwyddyn).
  • Gweithio ochr yn ochr â chydweithwyr i ychwanegu gwerth at y gweithgaredd craidd a nodir yn y Fframwaith Treftadaeth yn y Celfyddydau, Fframwaith Archaeoleg Gymunedol, Strategaeth Dysgu Gydol Oes a'r Fframwaith Digwyddiadau, gan sicrhau bod modd manteisio’n llawn ar gyfleoedd masnachol posibl.
  • Rheoli a datblygu staff o fewn y tîm i sicrhau bod gweithrediadau o ddydd i ddydd yn cael eu cefnogi'n effeithiol. Bydd y rôl hon yn rheoli rhwng 1 a 2 aelod o staff yn yr adran fasnachol ar lefel EO a TS.
  • Gall yr union ddyletswyddau sy'n gysylltiedig â'r rôl newid dros amser yn unol â blaenoriaethau busnes.
Fel aelod allweddol o Dîm Masnachol Cadw, byddwch yn helpu i lywio a gwella ein gweithrediadau masnachol. Byddwch yn gweithio gyda chydweithwyr a rhanddeiliaid i gyflawni'n effeithlon a chefnogi'r gwaith o gyflawni targedau masnachol. Mae'r rôl yn cynnig cyfle i ddatblygu a phrofi ffrydiau incwm newydd, gwella ffyrdd o weithio ar gyfer gweithrediadau arlwyo a llety gwyliau Cadw, a chynyddu incwm o logi masnachol ar draws ein henebion. Byddwch hefyd yn cyfrannu at amcanion busnes ehangach Cadw trwy rannu syniadau a helpu i ysgogi twf parhaus.

CV

Bydd angen CV sy’n manylu ar brofiad masnachol, gan gynnwys profiad o reoli llety gwyliau a gweithrediadau arlwyo ar draws sawl safle.

Ni fydd CVs yn cael eu sgorio ond bydd y panel yn eu defnyddio i gael dealltwriaeth lawnach o'ch profiad a'ch hanes cyflogaeth.

Lleoliad ac Oriau

Cymru Gyfan

Llawn amser - Croesewir ceisiadau gan bobl sy'n gweithio'n llawn amser neu fel rhan o drefniant rhannu swydd (o leiaf 37 awr dros 5 diwrnod gyda gorgyffwrdd). Os byddwch yn gwneud cais fel partneriaeth rhannu swydd, dylai’r trefniant hwn fod ar waith pan fyddwch yn cyflwyno'ch cais a nodwch yn glir ar eich ffurflenni cais eich bod yn gwneud cais fel rhan o bartneriaeth rhannu swydd.

Fel rhan o'r Tîm Masnachol bach, bydd yn ofynnol i ddeiliad y swydd weithio oriau craidd rhwng 9 a 5 (ar sail rota) er mwyn ateb y llinell ffôn fasnachol. Efallai y bydd yn ofynnol i ddeiliad y swydd fynychu sioeau masnach yn y DU ac Ewrop.

Trefn Teilyngdod

Os bydd dau ymgeisydd neu fwy â’r un cyfanswm sgôr yn y cyfweliad, bydd y meini prawf canlynol yn pennu trefn teilyngdod wrth benderfynu pa ymgeisydd i’w benodi.

  • Profiad 1 – Profiad o gynhyrchu incwm masnachol yn llwyddiannus yn y sector treftadaeth neu dwristiaeth trwy weithrediadau arlwyo a llety gwyliau.
  • Ymddygiad 3 –. Rheoli Gwasanaeth o Ansawdd – llwyddiant o ran cyflawni canlyniadau o ansawdd uchel sy'n diwallu anghenion y cwsmeriaid ac yn rhoi gwerth am arian

Gwybodaeth Arall

Os bydd nifer fawr o geisiadau, bydd proses hidlo gychwynnol yn cael ei chynnal yn erbyn y prif faen prawf profiad asesu rhif 1 (ffurflen gais). Dim ond ymgeiswyr sy'n pasio'r broses sifftio gychwynnol ar faen prawf 1 fydd yn cael symud ymlaen i’r broses sifftio lawn.

Maen prawf profiad 1: Profiad o gynhyrchu incwm masnachol yn llwyddiannus yn y sector treftadaeth neu dwristiaeth trwy weithrediadau arlwyo a llety gwyliau

Efallai y bydd rhestr wrth gefn yn cael ei chadw ar gyfer y cyfle hwn. Bydd unrhyw ymgeisydd sy'n llwyddo i gael cynnig statws wrth gefn yn aros ar y rhestr wrth gefn am 12 mis.

Mae angen trwydded yrru lawn ar gyfer y rôl hon.

Sylfaenol
1
cadw.hr@gov.wales

Gofynion y Gymraeg

3 - Nid yw sgiliau iaith Gymraeg yn hanfodol ar gyfer y swydd hon, fodd bynnag, maent yn ddymunol a byddant yn cael eu hystyried os bydd dau neu fwy o ymgeiswyr yn derbyn yr un sgôr yn y cam ymgeisio neu gyfweliad.
0 - Dim sgiliau
0 - Dim sgiliau
0 - Dim sgiliau
0 - Dim sgiliau

Gweithio i'r Gwasanaeth Sifil

Gweithio i'r Gwasanaeth Sifil Mae Cod y Gwasanaeth Sifil yn nodi'r safonau ymddygiad a ddisgwylir gan weision sifil.

Y Defnydd o Ddeallusrwydd Artiffisial

Gall Deallusrwydd Artiffisial fod yn adnodd defnyddiol i gefnogi’ch cais, fodd bynnag, rhaid i’r holl enghreifftiau a datganiadau a ddarperir fod yn wir, yn ffeithiol gywir ac yn uniongyrchol seiliedig ar eich profiad personol chi. Os nodir llên-ladrad (cyflwyno syniadau a phrofiadau eraill, neu wedi’u cynhyrchu gan Ddeallusrwydd Artiffisial, fel eich syniadau neu brofiadau chi) gellir tynnu’r ceisiadau yn ôl a gall ymgeiswyr mewnol fod yn destun camau disgyblu. Gweler y canllawiau i ymgeiswyr ar Ddeallusrwydd Artiffisial am ragor o wybodaeth am ddefnydd priodol ac amhriodol.

Proses a Chamau Dethol

Mae Llywodraeth Cymru, fel pob un o Adrannau eraill y Llywodraeth, yn defnyddio Proffiliau Llwyddiant wrth recriwtio.  Ar gyfer pob rôl, byddwn yn ystyried yr hyn y bydd angen i chi ei ddangos er mwyn llwyddo. Mae hyn yn rhoi’r cyfle gorau posibl i ni ddod o hyd i’r person iawn ar gyfer y swydd. Mae’n gwella perfformiad ac yn gwella amrywiaeth a chynhwysiant.

Dyma’r broses a’r camau dethol:

Nifer y Camau:Proses 2 gam
Cam 1Cais
Cam 2Cyfweliad

Ymddygiad

Byddwn yn eich asesu yn erbyn y meini prawf Ymddygiad hyn yn ystod y broses ddethol.

Gwneud Penderfyniadau Effeithiol

Dadansoddi a defnyddio ystod o wybodaeth berthnasol, gredadwy o ffynonellau mewnol ac allanol i gefnogi penderfyniadau.
Caiff hyn ei brofi yng ngham 1: Cais

Newid a Gwella

Gweithio gydag eraill i nodi meysydd i'w gwella a symleiddio prosesau i ddefnyddio llai o adnoddau.
Caiff hyn ei brofi yng ngham 2: Cyfweliad

Rheoli Gwasanaeth o Ansawdd 

Llwyddiant o ran cyflawni canlyniadau o ansawdd uchel sy'n diwallu anghenion cwsmeriaid ac yn rhoi gwerth am arian.
Caiff hyn ei brofi yng ngham 2: Cyfweliad

Cyflawni’n Gyflym 

Hyrwyddo diwylliant o ddilyn y gweithdrefnau priodol i sicrhau bod canlyniadau'n cael eu cyflawni ar amser, gan barhau i alluogi arloesi ar yr un pryd.
Caiff hyn ei brofi yng ngham 2: Cyfweliad

Profiad

Byddwn yn eich asesu yn erbyn y meini prawf Profiad canlynol yn ystod y broses asesu.
CV, Cwestiynau am brofiad

[color="black"]Profiad o gynhyrchu incwm masnachol yn llwyddiannus yn y sector treftadaeth neu dwristiaeth trwy weithrediadau arlwyo a llety gwyliau[/color]

Caiff hyn ei brofi yng ngham 1: Cais
Caiff hyn ei brofi yng ngham 2: Cyfweliad

Y gallu i sefydlu a chynnal cysylltiadau effeithiol gydag ystod o randdeiliaid mewnol ac allanol i gyflawni canlyniadau masnachol clir.

Caiff hyn ei brofi yng ngham 1: Cais

Y gallu i arwain ar ysgogi incwm masnachol gyda phrofiad profedig o ddyfeisio tactegau a syniadau newydd i dyfu incwm ar draws yr ystad.

Caiff hyn ei brofi yng ngham 2: Cyfweliad

Cryfderau

Bydd hyn yn cael ei brofi yn ystod y cyfnod cyfweliad yn unig.

Hydwyth 

Datryswr Problemau 

Cymhwysedd

Gofynnir i chi am eich cenedligrwydd ac a oes gennych chi hawl gyfreithiol i weithio yn y Deyrnas Unedig. Pwrpas hyn yw gweld a ydych chi’n gymwys i wneud cais am y swydd wag hon. Mae hyn yn ofyniad ar gyfer gweithio yn y Gwasanaeth Sifil. https://www.gov.uk/government/publications/nationality-rules

Os nad ydych chi’n bodloni’r meini prawf cymhwysedd, ni fydd eich cais yn cael ei ystyried ymhellach. Os daw’n amlwg yn ddiweddarach yn y broses nad ydych yn gymwys i wneud cais, efallai y bydd eich cais yn cael ei dynnu’n ôl, neu’r cynnig yn cael ei dynnu’n ôl.

Mae’r swydd hon yn agor yn fras i’r grwpiau canlynol:
• gwladolion y DU
• gwladolion Gweriniaeth Iwerddon
• gwladolion gwledydd y Gymanwlad sydd â'r hawl i weithio yn y DU
• gwladolion yr UE, y Swistir, Norwy, Gwlad yr Iâ neu Liechtenstein ac aelodau teulu’r gwladolion hynny sydd â statws sefydlog neu gyn-sefydlog o dan Gynllun Preswylio’n Sefydlog i Ddinasyddion yr Undeb Ewropeaidd (EUSS)
• gwladolion yr UE, y Swistir, Norwy, Gwlad yr Iâ neu Liechtenstein ac aelodau teulu’r gwladolion hynny sydd wedi gwneud cais dilys am statws sefydlog neu gyn-sefydlog o dan EUSS
• unigolion â chaniatâd cyfyngedig i aros neu ganiatâd amhenodol i aros a oedd yn gymwys i wneud cais am EUSS ar 31 Rhagfyr 2020 neu cyn hynny
• gwladolion Twrci, a rhai aelodau o deulu gwladolion Twrci sydd wedi cronni’r hawl i weithio yn y Gwasanaeth Sifil

Model Cymdeithasol o Anabledd

Mae Llywodraeth Cymru wedi mabwysiadu'r model cymdeithasol o anabledd, sy'n cydnabod bod rhwystrau mewn cymdeithas sy’n analluogi pobl sydd âg amhariadau, neu gyflyrau iechyd, sy'n niwroamrywiol neu sy'n defnyddio Iaith Arwyddion Prydain.

Rydym wedi ymrwymo i gael gwared ar rwystrau yn y broses recriwtio fel y gall pob aelod o staff (neu ddarpar aelodau staff) berfformio o’u gorau.

Gellir gwneud addasiadau recriwtio ar unrhyw adeg yn y broses recriwtio ar gyfer ymgeiswyr ag amhariad neu gyflwr iechyd, sy'n niwroamrywiol neu sy'n defnyddio Iaith Arwyddion Prydain. 

Cysylltwch â SicrhauAmrywiaethwrthRecriwtio@llyw.cymru i drafod addasiadau ar gyfer unrhyw ran o'r broses.

Cynlluniau Cyfweld Cynhwysol

Rydym wedi ymrwymo i recriwtio cynhwysol ac yn cynnig cyfweliadau i ymgeiswyr cymwys sy'n bodloni'r meini prawf lleiaf ar gyfer y rôl drwy'r cynlluniau canlynol:

Gweithle Gwych i Gyn-Aelodau’r Lluoedd Arfog

Mae Llywodraeth Cymru yn Arweinydd Hyderus o ran Anabledd. Fel rhan o'n hymrwymiad i'r cynllun hwn, rydym yn cyfweld ag unrhyw ymgeisydd sydd ag amhariad, cyflwr iechyd, sy'n niwrowahanol neu sy'n defnyddio Iaith Arwyddion Prydain os yw'n bodloni'r meini prawf gofynnol ar gyfer y swydd.

Lle Mwyaf i Weithio i Filwyr Gwasanaeth

Mae Llywodraeth Cymru yn gweithredu'r Fenter Lle Gwych i Weithio i Gyn-filwyr.  Fel rhan o'n hymrwymiad i'r cynllun hwn, rydym yn cyfweld ag unrhyw ymgeiswyr cymwys sy'n bodloni'r meini prawf gofynnol ar gyfer y swydd.

Cynllun Cyfweliad yn sgil Adleoli

Gall cyflogwyr y Gwasanaeth Sifil gynnig cyfweliad i nifer teg a chymesur o weision sifil y mae eu swydd mewn perygl o gael ei dileu ac sy’n bodloni'r meini prawf gofynnol ar gyfer y swydd.
Mae 'meini prawf gofynnol' yn golygu bod yn rhaid i ymgeiswyr ddarparu tystiolaeth i ni yn eu cais (a/neu eu prawf) eu bod yn bodloni'r lefel ofynnol o gymhwysedd ar gyfer y rôl - sy'n cael ei diffinio fel arfer fel sgôr o 4 o leiaf ar gyfer pob maen prawf.

Partneriaeth Gymdeithasol

Yn Llywodraeth Cymru, mae’r berthynas rhwng y cyflogwr a’r undebau llafur yn seiliedig ar bartneriaeth gymdeithasol. Credwn mai’r ffordd orau o gyflawni ein nodau yw i reolwyr ac undebau llafur gydweithio.

Dyma’r 3 undeb llafur a gydnabyddir gennym:
•         PCS
•         Prospect
•         FDA

Mae’r berthynas hon yn seiliedig ar gytundeb partneriaeth. Mae hwn yn nodi sut mae ein hundebau yn gweithio gyda Llywodraeth Cymru ar faterion fel:
•         Cyflog
• Telerau ac amodau
• Strategaeth, polisïau a gweithdrefnau AD
• Iechyd, diogelwch a lles
• Newid sefydliadol

Mae ein cydweithwyr undebau llafur yn Llywodraeth Cymru yn gweithio gyda’i gilydd i roi llais go iawn i’w haelodau yn y gweithle. Maent yn gwneud yn siŵr bod buddiannau eu haelodau yn cael eu hyrwyddo a’u gwarchod. Maent hefyd yn helpu i leihau anghydraddoldebau a gwella telerau ac amodau.

Mae gan Lywodraeth Cymru hanes rhagorol o weithio mewn partneriaeth â’i hundebau llafur. Rydym yn eich cefnogi i ymuno ag undeb llafur cydnabyddedig, i sicrhau bod eich llais yn cael ei glywed yn y gweithle.  Rydym yn eich annog i ddysgu mwy am ein hundebau llafur, am weithio mewn partneriaeth, ac i gymryd rhan yn eu gwaith.

Buddiannau

Mae holl staff Llywodraeth Cymru yn aelodau o’r Gwasanaeth Sifil, ac o ganlyniad maent yn gymwys ar gyfer:

  • Cynllun Pensiwn y Gwasanaeth Sifil
  • 31 diwrnod o wyliau blynyddol (pro rata ar gyfer rhan amser)
  • cyfleoedd hyfforddi a datblygu
  • Cynllun Beicio i’r Gwaith
  • Trefniadau gweithio hyblyg Gweithio'n Glyfar
  • Cynllun Car Gwyrdd (ar yr amod ei fod ar gael)

Os ydych chi’n aelod gweithredol o Gynllun Pensiwn y Gwasanaeth Sifil, gallwch barhau â’ch aelodaeth drwy gydol eich cyflogaeth gyda ni.

Egwyddorion a chwynion recriwtio

Rydym yn recriwtio yn ôl teilyngdod ar sail cystadleuaeth deg ac agored. Edrychwch ar egwyddorion recriwtio Comisiwn y Gwasanaeth Sifil ar wefan y Comisiwn.

Os ydych chi’n teimlo nad yw eich cais wedi cael ei drin yn unol â’r egwyddorion hyn a’ch bod yn dymuno gwneud cwyn, anfonwch e-bost at cwynion@llyw.cymru. Gwnewch yn siŵr eich bod yn cyfeirio at gyfeirnod y swydd wag.

Os nad ydych chi’n fodlon â’r ymateb a gewch gan Lywodraeth Cymru, gallwch gysylltu â Chomisiwn y Gwasanaeth Sifil: info@csc.gov.uk.

Rhaid i bob cais am y swydd hon gael ei wneud gan ddefnyddio ein system ymgeisio ar-lein.

Oni nodir fel arall yn y 'wybodaeth arall sy'n gysylltiedig â swydd wag ar gyfer hysbyseb', ni all Llywodraeth Cymru gynnig nawdd Fisa. Mae gan Lywodraeth Cymru drwydded nawdd Fisa, ond dim ond ar gyfer rhai rolau y gellir ei defnyddio ac nid yw'r ymgyrch hon yn gymwys.

Croesewir ceisiadau gan bobl ag ystod amrywiaeth o brofiadau bywyd a phroffesiynol. Rydym wedi ymrwymo'n weithredol i ddod yn sefydliad sy'n gynyddol amrywiol sy'n cynrychioli'r cymunedau amrywiol rydym yn eu gwasanaethu. Mae nifer o rwydweithiau Amrywiaeth y gall staff gymryd rhan ynddynt, sy'n cynnwys y Rhwydwaith Ymwybyddiaeth a Chefnogi Anabledd (YChA); Rhwydwaith Staff Lleiafrifoedd Ethnig; Materion Meddwl (Iechyd meddwl a lles); PRISM (LGBTI+), Menywod Ynghyd and Rhwydwaith Niwrowahaniaeth.

Os oes gennych amhariad sy’n eich atal rhag ymgeisio ar-lein, anfonwch e-bost at ein tîm recriwtio. Gallwch:

  • ofyn am becyn ymgeisio mewn fformat arall
  • gofyn am addasiad recriwtio i’ch helpu i gyflwyno eich cais

Defnyddiwch y botwm 'Gwneud Cais' i gyflwyno eich cais. Mewngofnodwch neu cofrestrwch i greu cyfrif i wneud cais. Mae cofrestru’n cymryd ychydig funudau a bydd angen cyfeiriad e-bost arnoch chi. 

Dylech wirio eich Canolfan Cais yn reolaidd i gael diweddariadau eich cais. Hefyd, gwiriwch eich ffolder sbam/sothach rhag ofn i unrhyw gyfathrebu ynglyn â’ch cais a/neu eich manylion asesu ddod o hyd i'w ffordd yno.

Ar ôl i chi gofrestru i gael cyfrif a mewngofnodi, byddwch yn cael eich arwain at y ffurflen gais ar-lein. Rhaid i chi lenwi hon a’i chyflwyno cyn y terfyn amser ar y dyddiad cau. Ni fyddwn yn ystyried ffurflen gais anghyflawn.

Os hoffech wneud cais am y swydd wag hon yn Gymraeg, defnyddiwch y ddolen Newid Iaith ar y dudalen hon.  Rydym yn croesawu ceisiadau yn Gymraeg, ac ni fydd ceisiadau a gyflwynir yn Gymraeg yn cael eu trin yn llai ffafriol na rhai a gyflwynir yn Saesneg. 

Darllenwch y canllawiau i ymgeiswyr i gael rhagor o wybodaeth am y broses recriwtio.

I gael gwybodaeth am Broffiliau Llwyddiant y Gwasanaeth Sifil, cliciwch yma.

Ar gyfer cynlluniau recriwtio TS i G6: Wrth gyflwyno’ch tystiolaeth y byddai'n ddefnyddiol i chi ystyried disgwyliadau'r radd fel y nodir yn y Disgrifiad Gradd, yn ogystal â'r prif gyfrifoldebau sy'n hanfodol ar gyfer y rôl.

Mae’r cyfle hwn ar gau i geisiadau.