I: Arwain polisi a darpariaeth AGIC o ran camau uwchgyfeirio a gorfodi yn y GIG a’r sectorau gofal iechyd annibynnol.

I: Goruchwylio, gan sicrhau bod gweithgareddau cofrestru, arolygu gofal iechyd annibynnol a gorfodi AGIC yn cael eu darparu’n effeithiol, gan gefnogi rôl AGIC fel rheoleiddiwr gofal iechyd annibynnol yng Nghymru.

I: Goruchwylio rhaglen adolygiadau AGIC.

I: Arwain tîm ymchwilio AGIC, gan sicrhau bod pryderon, hysbysiadau rheoleiddio ac ymchwiliadau i farwolaethau yn y ddalfa yn cael eu rheoli ac y gweithredir arnynt mewn modd amserol ac effeithiol.

Disgrifiad gradd:

Beth fydd eich sefydliad yn ei ddisgwyl?

A) Rolau Proffesiynol

• Byddwch yn Brif Gynghorydd neu’n Gynghorydd Proffesiynol ar gyfer pwnc/maes penodol, ar ran y sefydliad. (Gall hyn gynnwys cymhwyster proffesiynol neu aelodaeth o broffesiwn siartredig).

B) Rolau Cyffredinol

• Bydd gennych brofiad o gyflawni prosiectau ar raddfa fawr. Byddwch yn arwain neu’n rheoli nifer o ffrydiau gwaith (pedair o leiaf) neu bydd gennych gyfrifoldeb trosfwaol drostynt.
• Byddwch yn gallu delio â phroblemau cymhleth, gan ddangos crebwyll sylweddol heb fawr ddim cynsail/arweiniad, a defnyddio syniadau creadigol ac arloesol i ddatblygu dulliau newydd o sicrhau canlyniadau gwell i Gymru.
• Bydd gennych adnabyddiaeth drylwyr o’r sefydliad, ynghyd â dealltwriaeth ymarferol glir o'r amgylchedd gweithredu allanol. Byddwch yn ymwybodol yn wleidyddol a byddwch yn ystyried goblygiadau hirdymor newidiadau polisi a newidiadau eraill, gan ddehongli tueddiadau a datblygiadau, ac yn llunio polisïau a strategaethau sefydliadol ar gyfer y dyfodol ar sail y rhain.

Beth fydd eich tîm yn ei ddisgwyl?

• Byddwch yn arweinydd cryf sydd â phrofiad o adeiladu a datblygu timau sy'n perfformio'n dda, a byddwch yn ysbrydoli ac ysgogi er mwyn cyflawni canlyniadau drwy eraill. Byddwch yn gallu meithrin cydweithrediad rhwng timau a darparu cyfeiriad ar draws timau.
• Bydd gennych ddealltwriaeth amlwg o amrywiaeth, cynhwysiant a chyfle cyfartal, a byddwch yn hybu diwylliant o gynhwysiant, gan greu amgylchedd lle mae unigolion yn teimlo'n ddiogel i herio, rhannu syniadau a mynegi pryderon, a chan groesawu ffyrdd newydd o weithio.
• Byddwch yn creu diwylliant o hunanddatblygu parhaus ac yn dangos esiampl o ran dysgu a datblygu personol, gan annog eraill i fanteisio ar yr holl gyfleoedd sydd ar gael. Byddwch yn sicrhau bod cyfleoedd ar gael i'r holl staff, beth bynnag fo'u cefndir, gan gefnogi pawb i wireddu eu potensial llawn.

Beth fydd eich rhanddeiliaid yn ei ddisgwyl?

• Byddwch yn sefydlu, yn meithrin ac yn cynnal perthnasoedd neu bartneriaethau effeithiol â rhanddeiliaid sefydliadol allweddol (e.e. Gweinidogion ac uwch-staff yn y sefydliad ac mewn sefydliadau allanol, a fydd yn aml yn arddel safbwyntiau croes).
• Bydd eich sgiliau cynrychioli a dylanwadu a’ch sgiliau rhyngbersonol a threfnu yn dda iawn, a byddwch yn gallu negodi'n effeithiol ag ystod o gysylltiadau a/neu berthnasoedd (e.e. cynghori Gweinidogion a/neu'r swyddogion allanol uchaf, gan weithredu fel prif gyswllt/cyswllt arweiniol ar ran y sefydliad).
• Byddwch yn gweithio ag elfen helaeth o annibyniaeth ac yn dangos gallu i wneud penderfyniadau (sydd â risg/effaith sylweddol) ar ran y sefydliad, gan bwyso a mesur yr effaith/risg sy'n gysylltiedig â'r penderfyniadau hynny.

Tasgau penodol i'r swydd

• Darparu arweinyddiaeth gorfforaethol fel aelod o Uwch Grŵp Arwain AGIC.
• Rhoi arweiniad i Bennaeth Gofal Iechyd Annibynnol a Swyddogaethau Statudol AGIC, gan sicrhau bod gweithgareddau arolygu a chofrestru gofal iechyd annibynnol yn gyson.
• Yn gyfrifol am arwain a chyflawni camau gorfodi yn unol ag arferion gorau Llywodraeth Cymru ac arferion gorau allanol. Bydd hyn yn golygu gweithio'n agos gydag uwch gydweithwyr, Gwasanaethau Cyfreithiol a'r proffesiwn cyfreithiol, a rhanddeiliaid allweddol.
• Yn gyfrifol am arwain camau uwchgyfeirio mewn perthynas â gwasanaethau'r GIG, gan ddefnyddio proses AGIC ar gyfer gwasanaethau sydd angen eu gwella'n sylweddol (SRSI). Bydd hyn yn golygu gweithio'n agos gyda rhanddeiliaid perthnasol a dangos sgiliau ymgysylltu effeithiol.
• Rhoi arweiniad i Bennaeth Adolygiadau AGIC, gan sicrhau bod rhaglen gweithgarwch adolygu AGIC yn cael ei darparu mewn modd amserol ac i safon uchel.
• Rhoi arweiniad i dîm Ymchwiliadau AGIC, gan arwain ar bryderon a gaiff eu codi am wasanaethau gofal iechyd, ymateb i chwythwyr chwiban, goruchwylio hysbysiadau statudol, a sicrhau ansawdd ymchwiliadau i farwolaethau yn y ddalfa.
• Darparu rheolaeth linell effeithiol i'r Pennaeth Gofal Iechyd Annibynnol a Statudol, y Pennaeth Adolygiadau, yr Uwch Reolwr Uwchgyfeirio a Gorfodi, a'r Uwch Arolygydd - Ymchwiliadau.
• Cadeirio Pwyllgor Risg ac Uwchgyfeirio AGIC, gan sicrhau bod AGIC yn effeithiol wrth ystyried unrhyw newidiadau angenrheidiol sy’n seiliedig ar risg i’r rhaglen gyffredinol o weithgarwch sicrwydd.
• Datblygu a chynnal cydberthnasau effeithiol ar lefel uwch/strategol gyda chyrff nad ydynt yn ymwneud â gofal iechyd sy’n berthnasol i gwmpas y swydd gan gynnwys, er enghraifft, yr Heddlu.
• Cynrychioli barn AGIC ynghylch cyrff y GIG mewn cyfarfodydd teiran y GIG yn ôl yr angen, gan gyfrannu at y Fframwaith Uwchgyfeirio ac Ymyrraeth ar gyfer y GIG.
• Goruchwylio gwaith, fel y bo'n briodol, i ymateb i faterion a phryderon gofal iechyd sy'n dod i'r amlwg, a allai gynnwys:
  • Gweithio gyda'r Adran Gwasanaethau Cyfreithiol, gan ofyn am gyngor ar amrywiaeth o faterion lle y bo'n briodol
  • Paratoi a chyflwyno tystiolaeth i'r Tribiwnlys Safonau Gofal neu'r Llysoedd
  • Cydweithio â thîm Partneriaethau, Gwybodaeth a Methodoleg AGIC i adolygu fframweithiau arolygu, polisïau, canllawiau a gweithdrefnau AGIC ynghyd â’r llyfrau gwaith a’r dogfennau sydd eu hangen er mwyn cynnal arolygiadau effeithiol.
• Gweithio gyda rhanddeiliaid allweddol, gan gynnwys cydweithwyr yn AGIC, Llywodraeth Cymru, Darparwyr Gofal Iechyd, Arolygiaethau a phroffesiynau Gofal Iechyd eraill er mwyn rhannu gwybodaeth a chydweithio i wella gwasanaethau gofal iechyd.
• Sicrhau bod trefniadau ar waith i sicrhau ansawdd yr holl brosesau ac allbynnau sy'n gysylltiedig ag arolygu Gofal Iechyd Annibynnol.
• Cynrychioli AGIC ar lefel y DU ac yn rhyngwladol drwy fynychu fforymau rheoleiddio, cynadleddau a gweithdai.
• Cyfrannu at weithgareddau sy'n ymwneud â'r cyfryngau a'r wasg a gweithgareddau eraill sy’n cyfleu gwybodaeth am raglen sicrwydd a chanfyddiadau AGIC.

Tasgau cyffredin

• Gweithio o dan ddirprwyaeth y Prif Weithredwr.
• Cynnal cenhadaeth, diben, rôl a gwerthoedd AGIC.
• Cyfrannu at y broses o ddatblygu blaenraglen waith AGIC.
• Darparu arweinyddiaeth effeithiol a chefnogol yn unol â pholisïau Llywodraeth Cymru.
• Cydweithio â chydweithwyr ym mhob rhan o AGIC er mwyn sicrhau y caiff blaenoriaethau AGIC eu cyflawni.
• Cymryd rhan yng ngweithgareddau corfforaethol AGIC.
• Rheoli ei ddatblygiad proffesiynol parhaus ei hun a datblygiad aelodau ei dîm.

Mae'r hysbyseb hon yn cynnwys teitlau'r meini prawf Ymddygiad sy'n cael eu hasesu drwyddi draw. I gael rhagor o wybodaeth am yr hyn sy'n ofynnol yn ystod y cam ymgeisio, bydd angen i chi bwyso ar Gwneud Cais a gweld y manylion llawn ar y ffurflen gais. Yn y cyfweliad, efallai y cewch eich profi ar yr ymddygiadau cyffredinol a restrir.

Wrth gyflwyno'ch tystiolaeth cofiwch ddisgwyliadau'r radd fel y nodir yn y disgrifiad gradd yn ogystal â'r prif gyfrifoldebau sy'n hanfodol ar gyfer y rôl.

Ar gyfer y recriwtio yma, bydd pob un sy'n bodloni'r meini prawf gofynnol yn symud ymlaen at gyfweliad.

Bydd angen cyflwyniad ar feini prawf Ymddygiad 4 (Gweld y Darlun Cyflawn) a meini prawf Profiad 2 (Yn gallu dangos gwybodaeth, dealltwriaeth a phrofiad perthnasol o wasanaethau gofal iechyd yn y sector cyhoeddus a phreifat yng Nghymru) yng Ngham 2 (cyfweliad). Darperir mwy o wybodaeth yn y gwahoddiadau i'r cam hwnnw.

Yn yr achos fydd mwy nag un ymgeisydd yn sgorio'r un sgôr, mae'r panel wedi cytuno bydd y meini prawf canlynol yn pennu trefn teilyngdod:

1. Sgôr meini prawf Profiad 1