Cynghorydd Iaith Arwyddion Prydain (IAP)

Cyf 4142

Mae Llywodraeth Cymru yn gweithredu proses recriwtio ddienw. Ni fydd y panel recriwtio yn gweld gwybodaeth bersonol fel enw a chyfeiriad ymgeisydd yn ystod y broses ddidoli. Mae’r polisi hwn yn unol â’n hymrwymiad i ddileu rhagfarn, ac i hyrwyddo cydraddoldeb ac amrywiaeth.

.

Manylion swydd wag

Cynghorydd Iaith Arwyddion Prydain (IAP)  

02/11/2026, 16:00 

Penodiad Cyhoeddus
£76,715 i £88,023 y flwyddyn, ar sail trefniant cyfwerth ag amser llawn
2 flynedd, gydag opsiwn o 2 estyniad pellach o 2 flynedd yr un, yn amodol ar ailbenodi, hyd at 6 blynedd.
Ddim yn berthnasol

Bydd disgwyl i Gynghorydd IAP Cymru ddarparu cyngor annibynnol, arbenigol i Weinidogion Cymru ar hybu a hwyluso'r defnydd o IAP yng Nghymru, a chefnogi'r broses o weithredu dyletswyddau Deddf IAP (Cymru) 2026 yn effeithiol.  Mae dolen at Ddeddf IAP (Cymru) 2026 (y cyfeirir ati yn y ddogfen hon fel 'y Ddeddf') isod:

Deddf Iaith Arwyddion Prydain (Cymru) 2026

Pecyn Gwybodaeth i Ymgeiswyr. Penodi Cynghorydd Iaith Arwyddion Prydain (IAP) ar gyfer Gweinidogion Cymru (fersiwn IAP): https://youtu.be/p3Ywqo0u_zQ

Bydd disgwyl i'r ymgeisydd llwyddiannus allu dangos y canlynol:

  • Profiad o ddarparu cyngor, dylanwadu ar benderfyniadau, a gweithio ar lefel uwch, yn ogystal â dealltwriaeth gref o bolisi cyhoeddus.
  • Gwrthrychedd, gan gynnwys annibyniaeth ar y llywodraeth ac annibyniaeth ar grwpiau buddiant penodol (lle gallai fod gwrthdaro buddiannau).
  • Y gallu i gyfathrebu'n effeithiol ac yn rhugl drwy IAP a dealltwriaeth bersonol briodol o brofiadau a safbwyntiau defnyddwyr IAP.
  • Y gallu i dynnu ynghyd gymunedau sy'n cynrychioli defnyddwyr IAP ac arwain trafodaethau, er mwyn deall materion a phroblemau cyffredin a nodi cyfleoedd i'r llywodraeth a chyrff cyhoeddus wella eu dulliau gweithredu.
  • Dealltwriaeth o ddiwylliant y gymuned fyddar, IAP fel iaith, a'r model cymdeithasol o anabledd.

Cyfrifoldebau allweddol

Mae'r cyfrifoldebau canlynol yn disgrifio sut y disgwylir i Gynghorydd IAP Cymru weithredu'n ymarferol, gan gynnwys helpu i gyflawni'r swyddogaethau statudol a nodir yn Neddf IAP (Cymru) 2026:

Arweinyddiaeth strategol a hybu IAP

  • Arddangos Saith Egwyddor Bywyd Cyhoeddus (a elwir hefyd yn Egwyddorion Nolan), sef anhunanoldeb, uniondeb, gwrthrychedd, atebolrwydd, bod yn agored, gonestrwydd ac arweinyddiaeth.
  • Croesawu a hybu cydraddoldeb, amrywiaeth a chynhwysiant ar gyfer cymunedau sy'n defnyddio IAP ledled Cymru, gan ystyried ei brofiadau ei hun a phrofiadau bywyd pobl eraill, a dysgu ohonynt.
  • Codi ymwybyddiaeth o IAP fel iaith a chefnogi ei statws a'i defnydd yng Nghymru.
  • Hybu'r ddealltwriaeth o IAP fel iaith a diwylliant y gymuned fyddar, gan weithredu ar sail cynhwysiant a hawliau.
  • Hybu arferion da a chysondeb wrth ddefnyddio IAP ar draws Llywodraeth Cymru a gwasanaethau cyhoeddus yng Nghymru.
  • Gweithredu fel arweinydd cenedlaethol ar gyfer IAP drwy hybu buddiannau defnyddwyr IAP mewn polisi a bywyd cyhoeddus.
  • Gweithio ar y cyd â'r llywodraeth, cyrff cyhoeddus a rhanddeiliaid i gefnogi dull cydlynol, trawslywodraethol o weithredu Deddf IAP (Cymru) 2026.

 Rhoi cyngor a gwybodaeth i Weinidogion Cymru

  • Cytuno ar gynllun ar gyfer cyfnod y penodiad a'i weithredu, yn disgrifio sut y bydd swyddogaethau statudol y Cynghorydd IAP, a nodir yn Neddf IAP (Cymru) 2026, yn cael eu harfer.
  • Darparu cyngor annibynnol a her adeiladol i Weinidogion Cymru ar bolisi IAP a gweithredu'r Ddeddf.
  • Herio a dylanwadu ar bolisi/arferion ar draws y llywodraeth a gwasanaethau cyhoeddus mewn ffordd adeiladol.
  • Darparu cyngor o ran monitro cynnydd a llywio sut y gweithredir y Ddeddf i'r dyfodol.
  • Defnyddio tystiolaeth, gwaith ymgysylltu a gwybodaeth sydd ar gael i lywio cyngor ac argymhellion i Weinidogion Cymru ar faterion sy'n ymwneud â defnyddio a hybu IAP.

 Gweithio gyda'r gymuned IAP

  • Ymgysylltu'n effeithiol ac yn hyderus drwy IAP â chymunedau byddar sy'n defnyddio IAP ledled Cymru, gan sicrhau yr ymgysylltir ag amrywiaeth o gefndiroedd, profiadau a safbwyntiau.
  • Sicrhau bod y gweithgarwch ymgysylltu yn gynhwysol, yn hygyrch ac yn gymesur, er mwyn gallu cynnwys cymunedau byddar sy'n defnyddio IAP yn effeithiol.
  • Arddangos arweinyddiaeth gynhwysol a gweladwy, gan weithredu fel llysgennad cadarnhaol dros IAP ac ennyn hyder, ymddiriedaeth ac ymgysylltiad ar draws cymunedau sy'n defnyddio IAP.
  • Sefydlu a chynnal cydberthnasau drwy rwydweithiau ac ymgysylltu parhaus i sicrhau mecanweithiau adborth rhwng cymunedau sy'n defnyddio IAP ledled Cymru a gwasanaethau cyhoeddus.
  • Tynnu ar waith ymgysylltu â chymunedau sy'n defnyddio IAP i gyflwyno safbwyntiau a sicrhau bod profiadau a safbwyntiau sy'n seiliedig ar fywyd go iawn yn llywio'r cyngor i Weinidogion ar weithredu'r Ddeddf.
  • Meithrin a chynnal cydberthnasau cryf rhwng partneriaid y sefydliad a grwpiau rhanddeiliaid sy'n cynrychioli defnyddwyr IAP yng Nghymru, er mwyn hybu'r Ddeddf a'i gwneud yn bosibl ei gweithredu yn effeithiol.

Helpu gwasanaethau cyhoeddus i wella

  • Gweithio gyda chyrff cyhoeddus rhestredig i lywio'r gwaith o gyflawni eu dyletswyddau o dan y Ddeddf, gan gynnwys datblygu a gweithredu cynlluniau IAP.
  • Rhoi mewnwelediad i Weinidogion Cymru ar sut mae cyrff cyhoeddus yn cyflawni eu dyletswyddau o dan y Ddeddf, gan dynnu ar dystiolaeth, gwaith ymgysylltu â rhanddeiliaid a gwybodaeth a ddarperir gan gyrff cyhoeddus rhestredig.
  • Darparu cyngor, gyda chytundeb Gweinidogion Cymru, i gyrff cyhoeddus ac eraill ar hybu a hwyluso'r defnydd o IAP yng Nghymru.

 Llywodraethiant

  • Cymryd rhan mewn cyfarfodydd gyda Gweinidogion, swyddogion a rhanddeiliaid allanol yn ôl yr angen.
  • Cadeirio panel cynorthwyol IAP.
    • Helpu i recriwtio'r panel.
    • Ymgynghori â'r panel, fel y bo'n briodol, wrth baratoi gwybodaeth neu gyngor ar gyfer Gweinidogion Cymru neu eraill.
    • Tynnu ar arbenigedd, gwybodaeth a safbwyntiau aelodau'r panel i lywio cyngor ac argymhellion.
    • Penderfynu ar ffocws a blaenoriaethau trafodaethau'r panel, yn unol â rhaglen waith a swyddogaethau statudol y Cynghorydd.
  • Mynychu a chyfrannu at fforymau a strwythurau llywodraethiant sy'n sicrhau y goruchwylir sut y gweithredir y Ddeddf.
  • Cefnogi Gweinidogion Cymru i feithrin cydberthnasau trawslywodraethol cryf ar draws y pedair gwlad.

Pecyn Gwybodaeth i Ymgeiswyr. Penodi Cynghorydd Iaith Arwyddion Prydain (IAP) ar gyfer Gweinidogion Cymru (fersiwn IAP): https://youtu.be/p3Ywqo0u_zQ

Hysbysiad Preifatrwydd – Recriwtio Cynghorydd Iaith Arwyddion Prydain (IAP) (fersiwn IAP): https://youtu.be/ALJ3CrwmkgY

Porth Recriwtio Llywodraeth Cymru – Canllaw Gweithredu – Cais Ar-lein i fod yn Gynghorydd Iaith Arwyddion Prydain (IAP) (fersiwn IAP): https://youtu.be/5Zjjnq5fUhY

WeTransfer – Canllaw Gweithredu – datganiad personol ar gyfer swydd Cynghorydd Iaith Arwyddion Prydain (IAP) (fersiwn IAP): https://youtu.be/-IU6DK5pP60

Sylfaenol
1
BritishSignLanguagePolicy@gov.wales

Bydd y panel dethol yn asesu CV ysgrifenedig a datganiad personol ymgeiswyr (a gyflwynir naill ai mewn fformat ysgrifenedig neu fel fideo IAP), er mwyn penderfynu pwy sy'n bodloni'r meini prawf hanfodol orau ar gyfer y rôl, a phwy i'w gwahodd i gyfweliad. Disgrifir y meini prawf hanfodol isod. Bydd y panel yn dibynnu ar yr wybodaeth y byddwch yn ei darparu yn eich CV a'ch datganiad personol i asesu a oes gennych y sgiliau a'r profiad angenrheidiol.  Dylech wneud yn siŵr eich bod yn darparu tystiolaeth i ddangos sut yr ydych yn bodloni'r holl feini prawf hanfodol.

Bydd y panel dethol yn cael ei gadeirio gan Tracey Breheny, Llywodraeth Leol a Chynllunio a Chyfiawnder Cymdeithasol - Llywodraeth Cymru, a bydd hefyd yn cynnwys Andrew Charles, Dirprwy Gyfarwyddwr, Cymunedau Cydlynol - Llywodraeth Cymru, a Rebecca Mansell, Prif Weithredwr Cymdeithas Pobl Fyddar Prydain a Craig Crowley, Prif Weithredwr Byddardod Ymlaen fel Aelodau'r Panel Annibynnol. Bydd aelod o dîm Polisi IAP Llywodraeth Cymru hefyd yn gweithredu fel arsylwr.

Rydym yn rhagweld y bydd y panel wedi penderfynu ym mis Rhagfyr 2026 pwy fydd yn cael eu gwahodd i gyfweliad ym mis Ionawr 2027. Dim ond yr ymgeiswyr cryfaf sydd, ym marn y panel, wedi dangos orau eu bod yn bodloni'r meini prawf hanfodol a nodwyd yn y swydd-ddisgrifiad fydd yn cael eu gwahodd i gyfweliad.  Fodd bynnag, os ydych wedi gwneud cais o dan y cynllun gwarantu cyfweliad a'ch bod yn bodloni meini prawf hanfodol y swydd, cewch chithau hefyd eich gwahodd i gyfweliad. Bydd cwestiynau'r cyfweliad yn cael eu darparu ymlaen llaw.

Os cewch eich gwahodd i gyfweliad gan y panel dethol, bydd disgwyl ichi hefyd gymryd rhan mewn sesiwn gydag aelodau o'r gymuned fyddar sy'n defnyddio IAP i drafod eu profiadau. Bydd y sesiwn yn para tua 45 munud. Yn y sesiwn hon, gofynnir ichi arwain trafodaeth drwy IAP gydag aelodau o'r gymuned fyddar sy'n defnyddio IAP. Bydd y panel trafod profiadau bywyd yn wahanol i'r panel cyfweld, a bydd yn cynnwys cynrychiolwyr o gymunedau IAP byddar ledled Cymru.

Os cewch eich gwahodd i gyfweliad, byddwn yn ceisio rhoi cymaint o rybudd â phosibl ichi am ddyddiad y cyfweliad. Os na allwch fod yn bresennol ar y dyddiad hwnnw, fe wnawn ymdrechu i aildrefnu, ond efallai na fydd hyn yn bosibl oherwydd cyfyngiadau amser o fewn yr amserlen benodi neu argaeledd y panel dethol.  Cynhelir y sesiwn trafod profiadau bywyd ar-lein. Bydd gan ymgeiswyr a wahoddir i gyfweliad y dewis rhwng cyfweliad ar-lein neu gyfweliad wyneb yn wyneb yn swyddfeydd Llywodraeth Cymru ym Mharc Cathays, Caerdydd. Darperir rhagor o wybodaeth cyn hynny am drefniadau'r sesiwn drafod a'r cyfweliad.

Fe gewch e-bost gan ganolfan ymgeisio Llywodraeth Cymru i roi gwybod ichi os ydych wedi eich gwahodd i gyfweliad.

Os cewch eich gwahodd i gyfweliad, bydd y panel yn eich holi am eich sgiliau a’ch profiad, gan ofyn cwestiynau penodol i asesu a ydych yn bodloni meini prawf hanfodol y swydd.

Bydd yr ymgeiswyr y bydd y panel yn credu eu bod yn addas i'w penodi yn cael eu hargymell i'r Gweinidog, a fydd yn gwneud y penderfyniad terfynol.  Gall y Gweinidog ddewis cwrdd â'r ymgeiswyr hyn cyn gwneud penderfyniad.  Os felly, bydd yn cyfarfod â'r holl ymgeiswyr ym mhresenoldeb cadeirydd y panel neu ei gynrychiolydd enwebedig.  Bydd bwlch amser rhwng y cyfweliad a'r penderfyniad penodi terfynol.  Bydd yr ymgeiswyr a fydd wedi'u cyfweld yn cael yr wybodaeth ddiweddaraf am hynt y broses.

Fel rhan o'r broses benodi, yn dilyn y cyfweliadau, bydd yn ofynnol i'r ymgeisydd a ffefrir fynd i wrandawiad cyn-penodi gyda Phwyllgor Cydraddoldeb, Hawliau Dynol a Chyfiawnder Cymdeithasol y Senedd. Darperir rhagor o wybodaeth ar yr adeg briodol.

Os byddwch yn llwyddiannus, fe gewch lythyr yn eich penodi’n Gynghorydd IAP, a fydd hefyd yn cadarnhau telerau eich penodiad.

Os na fyddwch yn llwyddiannus yn y cyfweliad, byddwch yn cael gwybod drwy ganolfan ymgeisio Llywodraeth Cymru.  Rydym yn sylweddoli bod ymgeisio am swyddi yn gofyn am lawer o amser ac ymdrech, a bod cael adborth yn rhan werthfawr o'r broses.  Felly, bydd y llythyr yn nodi â phwy y gallwch gysylltu i gael adborth ar eich cais a'ch cyfweliad, os dymunwch wneud hynny.

Gofynion y Gymraeg

3 - Nid yw sgiliau Cymraeg yn hanfodol ar gyfer y cyfle hwn; nid oes angen sgiliau Cymraeg arnoch i wneud cais. Fodd bynnag, gan fod Llywodraeth Cymru yn sefydliad dwyieithog, mae sgiliau Cymraeg yn ddymunol a byddant yn cael eu hystyried os bydd dau ymgeisydd neu fwy yn derbyn yr un sgôr yn ystod y cam ymgeisio neu gyfweld.
0 - Dim sgiliau
0 - Dim sgiliau
0 - Dim sgiliau
0 - Dim sgiliau

Gweithio i'r Gwasanaeth Sifil

Gweithio i'r Gwasanaeth Sifil Mae Cod y Gwasanaeth Sifil yn nodi'r safonau ymddygiad a ddisgwylir gan weision sifil.

Y Defnydd o Ddeallusrwydd Artiffisial (AI)

Gall Deallusrwydd Artiffisial fod yn adnodd defnyddiol i gefnogi’ch cais, fodd bynnag, rhaid i’r holl enghreifftiau a datganiadau a ddarperir fod yn wir, yn ffeithiol gywir ac yn uniongyrchol seiliedig ar eich profiad personol chi. Os canfyddir llên-ladrad (cyflwyno syniadau a phrofiadau pobl eraill, neu sydd wedi’u cynhyrchu gan ddeallusrwydd artiffisial, fel eich syniadau neu brofiadau chi) gellir tynnu’r ceisiadau yn ôl.

Gweler y canllawiau i ymgeiswyr ar Ddeallusrwydd Artiffisial am ragor o wybodaeth am ddefnydd priodol ac amhriodol.

Proses a Chamau Dethol

Mae Llywodraeth Cymru, fel pob un o Adrannau eraill y Llywodraeth, yn defnyddio Proffiliau Llwyddiant wrth recriwtio.  Ar gyfer pob rôl, byddwn yn ystyried yr hyn y bydd angen i chi ei ddangos er mwyn llwyddo. Mae hyn yn rhoi’r cyfle gorau posibl i ni ddod o hyd i’r person iawn ar gyfer y swydd. Mae’n gwella perfformiad ac yn gwella amrywiaeth a chynhwysiant.

Dyma’r broses a’r camau dethol:

Nifer y Camau:Proses 2 gam
Cam 1Cais
Cam 2Cyfweliad

Profiad

Byddwn yn eich asesu yn erbyn y meini prawf Profiad canlynol yn ystod y broses asesu.
CV

Cymhwysedd

Gofynnir i chi am eich cenedligrwydd ac a oes gennych chi hawl gyfreithiol i weithio yn y Deyrnas Unedig. Pwrpas hyn yw gweld a ydych chi’n gymwys i wneud cais am y swydd wag hon. Mae hyn yn ofyniad ar gyfer gweithio yn y Gwasanaeth Sifil. https://www.gov.uk/government/publications/nationality-rules

Os nad ydych chi’n bodloni’r meini prawf cymhwysedd, ni fydd eich cais yn cael ei ystyried ymhellach. Os daw’n amlwg yn ddiweddarach yn y broses nad ydych yn gymwys i wneud cais, efallai y bydd eich cais yn cael ei dynnu’n ôl, neu’r cynnig yn cael ei dynnu’n ôl.

Mae’r swydd hon yn agor yn fras i’r grwpiau canlynol:
• gwladolion y DU
• gwladolion Gweriniaeth Iwerddon
• gwladolion gwledydd y Gymanwlad sydd â'r hawl i weithio yn y DU
• gwladolion yr UE, y Swistir, Norwy, Gwlad yr Iâ neu Liechtenstein ac aelodau teulu’r gwladolion hynny sydd â statws sefydlog neu gyn-sefydlog o dan Gynllun Preswylio’n Sefydlog i Ddinasyddion yr Undeb Ewropeaidd (EUSS)
• gwladolion yr UE, y Swistir, Norwy, Gwlad yr Iâ neu Liechtenstein ac aelodau teulu’r gwladolion hynny sydd wedi gwneud cais dilys am statws sefydlog neu gyn-sefydlog o dan EUSS
• unigolion â chaniatâd cyfyngedig i aros neu ganiatâd amhenodol i aros a oedd yn gymwys i wneud cais am EUSS ar 31 Rhagfyr 2020 neu cyn hynny
• gwladolion Twrci, a rhai aelodau o deulu gwladolion Twrci sydd wedi cronni’r hawl i weithio yn y Gwasanaeth Sifil

Y Model Cymdeithasol o Anabledd

Mae Llywodraeth Cymru wedi mabwysiadu'r model cymdeithasol o anabledd, sy'n cydnabod bod rhwystrau mewn cymdeithas sy’n analluogi pobl sydd ag amhariadau, neu gyflyrau iechyd, sy'n niwroamrywiol neu sy'n defnyddio Iaith Arwyddion Prydain.

Rydym wedi ymrwymo i gael gwared ar rwystrau yn y broses recriwtio fel y gall pawb a benodir i swydd gyhoeddus (neu benodeion newydd posibl) berfformio ar eu gorau.

Gellir gwneud addasiadau recriwtio ar unrhyw adeg yn y broses recriwtio ar gyfer ymgeiswyr ag amhariad neu gyflwr iechyd, sy'n niwroamrywiol neu sy'n defnyddio Iaith Arwyddion Prydain. 

Cysylltwch â SicrhauAmrywiaethwrthRecriwtio@llyw.cymru i drafod addasiadau ar gyfer unrhyw ran o'r broses.

Cynlluniau Cyfweld Cynhwysol

Rydym wedi ymrwymo i recriwtio cynhwysol ac yn cynnig cyfweliadau i ymgeiswyr cymwys sy'n bodloni'r meini prawf gofynnol ar gyfer y rôl drwy'r cynlluniau canlynol:

Hyderus o ran Anabledd

Mae Llywodraeth Cymru yn Arweinydd Hyderus o ran Anabledd. Fel rhan o'n hymrwymiad i'r cynllun hwn, rydym yn cyfweld unrhyw ymgeisydd sydd ag amhariad, cyflwr iechyd, sy'n niwrowahanol neu sy'n defnyddio Iaith Arwyddion Prydain os yw'n bodloni'r meini prawf gofynnol ar gyfer y swydd.

Lle Mwyaf i Weithio i Filwyr Gwasanaeth

Mae Llywodraeth Cymru yn gweithredu'r Fenter Lle Gwych i Weithio i Gyn-filwyr.  Fel rhan o'n hymrwymiad i'r cynllun hwn, rydym yn cyfweld ag unrhyw ymgeiswyr cymwys sy'n bodloni'r meini prawf gofynnol ar gyfer y swydd.
Mae 'meini prawf gofynnol' yn golygu bod yn rhaid i ymgeiswyr ddarparu tystiolaeth i ni yn eu cais (a/neu eu prawf) eu bod yn bodloni'r lefel ofynnol o gymhwysedd ar gyfer y rôl - sy'n cael ei diffinio fel arfer fel sgôr o 4 o leiaf ar gyfer pob maen prawf.

Partneriaeth Gymdeithasol

Yn Llywodraeth Cymru, mae’r berthynas rhwng y cyflogwr a’r undebau llafur yn seiliedig ar bartneriaeth gymdeithasol. Credwn mai’r ffordd orau o gyflawni ein nodau yw i reolwyr ac undebau llafur gydweithio.

Dyma’r 3 undeb llafur a gydnabyddir gennym:
•         PCS
•         Prospect
•         FDA

Mae’r berthynas hon yn seiliedig ar gytundeb partneriaeth. Mae hwn yn nodi sut mae ein hundebau yn gweithio gyda Llywodraeth Cymru ar faterion fel:
•         Cyflog
• Telerau ac amodau
• Strategaeth, polisïau a gweithdrefnau AD
• Iechyd, diogelwch a lles
• Newid sefydliadol

Mae ein cydweithwyr undebau llafur yn Llywodraeth Cymru yn gweithio gyda’i gilydd i roi llais go iawn i’w haelodau yn y gweithle. Maent yn gwneud yn siŵr bod buddiannau eu haelodau yn cael eu hyrwyddo a’u gwarchod. Maent hefyd yn helpu i leihau anghydraddoldebau a gwella telerau ac amodau.

Mae gan Lywodraeth Cymru hanes rhagorol o weithio mewn partneriaeth â’i hundebau llafur. Rydym yn eich cefnogi i ymuno ag undeb llafur cydnabyddedig, i sicrhau bod eich llais yn cael ei glywed yn y gweithle.  Rydym yn eich annog i ddysgu mwy am ein hundebau llafur, am weithio mewn partneriaeth, ac i gymryd rhan yn eu gwaith.

Rhaid i bob cais am y swydd hon gael ei wneud gan ddefnyddio ein system ymgeisio ar-lein.

Oni nodir fel arall yn y 'wybodaeth arall sy'n gysylltiedig â swydd wag ar gyfer hysbyseb', ni all Llywodraeth Cymru gynnig nawdd Fisa. Mae gan Lywodraeth Cymru drwydded nawdd Fisa, ond dim ond ar gyfer rhai rolau y gellir ei defnyddio ac nid yw'r ymgyrch hon yn gymwys.

Croesewir ceisiadau gan bobl ag ystod amrywiaeth o brofiadau bywyd a phroffesiynol. Rydym wedi ymrwymo'n weithredol i ddod yn sefydliad sy'n gynyddol amrywiol sy'n cynrychioli'r cymunedau amrywiol rydym yn eu gwasanaethu. Mae nifer o rwydweithiau Amrywiaeth y gall staff gymryd rhan ynddynt, sy'n cynnwys y Rhwydwaith Ymwybyddiaeth a Chefnogi Anabledd (YChA); Rhwydwaith Staff Lleiafrifoedd Ethnig; Materion Meddwl (Iechyd meddwl a lles); PRISM (LGBTI+), Menywod Ynghyd and Rhwydwaith Niwrowahaniaeth.

Os oes gennych amhariad sy’n eich atal rhag ymgeisio ar-lein, anfonwch e-bost at ein tîm recriwtio. Gallwch:

  • ofyn am becyn ymgeisio mewn fformat arall
  • gofyn am addasiad recriwtio i’ch helpu i gyflwyno eich cais

Defnyddiwch y botwm 'Gwneud Cais' i gyflwyno eich cais. Mewngofnodwch neu cofrestrwch i greu cyfrif i wneud cais. Mae cofrestru’n cymryd ychydig funudau a bydd angen cyfeiriad e-bost arnoch chi. 

Dylech wirio eich Canolfan Cais yn reolaidd i gael diweddariadau eich cais. Hefyd, gwiriwch eich ffolder sbam/sothach rhag ofn i unrhyw gyfathrebu ynglyn â’ch cais a/neu eich manylion asesu ddod o hyd i'w ffordd yno.

Ar ôl i chi gofrestru i gael cyfrif a mewngofnodi, byddwch yn cael eich arwain at y ffurflen gais ar-lein. Rhaid i chi lenwi hon a’i chyflwyno cyn y terfyn amser ar y dyddiad cau. Ni fyddwn yn ystyried ffurflen gais anghyflawn.

Os hoffech wneud cais am y swydd wag hon yn Gymraeg, defnyddiwch y ddolen Newid Iaith ar y dudalen hon.  Rydym yn croesawu ceisiadau yn Gymraeg, ac ni fydd ceisiadau a gyflwynir yn Gymraeg yn cael eu trin yn llai ffafriol na rhai a gyflwynir yn Saesneg. 

Darllenwch y gwybodaeth ategol/pecyn i ymgeiswyr i gael rhagor o wybodaeth am y broses recriwtio.

I gael gwybodaeth am Broffiliau Llwyddiant y Gwasanaeth Sifil, cliciwch yma.

Ar gyfer cynlluniau recriwtio TS i G6: Wrth gyflwyno’ch tystiolaeth y byddai'n ddefnyddiol i chi ystyried disgwyliadau'r radd fel y nodir yn y Disgrifiad Gradd, yn ogystal â'r prif gyfrifoldebau sy'n hanfodol ar gyfer y rôl.